30 сентябрь соат 18-00да "Алишер Навоий” (собиқ "Панорама”) номли санъат саройида режиссер Нозим Тўлахўжаевнинг "Висол” фильми премьераси бўлиб ўтди. Мазкур фильм хақида  хабар бериб Динейра ижросидаги саундтрекни хам тақдим этгандик.

Бош ролларда Адиз Ражабов, Динейра, Бобур Йўлдошев ва Шахзода Матчанова.

Яқиндагина таъмирланиб чиройлик кўринишга эга бўлгану лекин бу ерда хам ўриндиқлар рақмаланиши ёддан чиққан "Алишер Навоий”нинг премьералар ўтадиган  катта премьера зали одамлар билан тўлди. Зал катта бўлгани сабабли "Киночилар уйи”даги қатағон йиллари давридаги холатлар кузатилмади. Лекин бу ер хам тез орада рақамланишидан хамма умидвор.

Матчановани премьерада атрофида бир гурух ёшлар тарк этмади,  уларнинг баъзилари хонанда Шахзоданинг фанклубидан эканлиги қувонтирди. Икки Шахзоданинг фанклуби энди бир.

ИМПРО-ТК лойихасидан кейин улар ўз рахбари Матчановага янада яқинлашиб премьераларда хам қўллаб-қувватлашмоқда.

Премьерани Адиз Ражабовнинг ўзи олиб борди.

Фильмнинг аввал менинг назаримдаги минуслари билан бошласам:

-Эпизодик роль безорилар бошлиғи бўлган лавха менимча жудаям бўрттириб юборилган. Бу йигит адашмасам клипмейкер, худди шундай "переигранный” ролини хам бир клипда кўргандим. Биласизми юморнинг хам нафақат дидли балки  чегараси бор, ва қизиғи Улуғбек Қодиров, Адиз Ражабов ва Фаррух Соиповларда юмор лавхалари асосан дидли ва доим  бачканаликдан йироқ чиқиши факт. Менимча хар ким ўз ишини қилгани маъқулроқмикан? Шахсан мен учун бачкана ролларнинг тубида айнан актерлик махорати жуда суст бўлиб оддий "переиграть”  қилиб бачканаликни намоён қилиб қўйишмоқда.

Айнан мана шундай чегара бузулиб "переигранный” роллар назаримда Жахонгир Позилжонов ва Алишер Узоқовда хам кузатилади. Бу менимча актерлик махорати ва билимидан далолат эмас, енгил чиқиб кетиш холос бўлса керак. Томошабин кулди дегани актер ўз ишини уддалади эмас, қандай (!) аудитория кулмоқда ўзи? Мана асосий нарса нимада. Кўп нарса таққослашда билинади. Бекорга юқорида Адиз, Улуғбек ва Фаррухларнинг юмордаги ролларини намуна сифатида келтирмадим. Ўзингиз бир таққосланг хулоса қиларсиз.

-Фильмнинг минусими ё тасодифми хуллас томошабинларга фильмдаги ғоя нисбатан хинд киноижодкорлари ишлаган "Вир ва Зара” фильмини эслатганини эшитдим. Ўзим у фильмни кўрмаганлигим боис шунчаки бир икки томошабин фикрини келтирдим. Улар фикрича фақатгина хинд фильмидаги қамоқ билан боғлиқ сахналарни инобатга олмаса бу фильм унинг ўзбекча аналогидек экан.

-Хар бир фильмнинг минусЧАлари бўлади ва бу фильмдаги шундай ЧАлар бўлган динамика, бир бирини ёнидан ўтиб кетавериш ва хоказоларга тўхтамай асосийларини санаб ўтдим.

Энди фильмнинг (назаримдаги) плюслари билан таништирсам:

-Фильмда Республикамиздаги табиат ва тарихий обидалар уйғунлашган холда суратга олинган. Кўпроқ документалистика ва Romantiс-travel (романтик сайр) стилилида олинган.  

Воқеа ривожи айнан мана шу манзаралар билан узвий боғлиқ. Документалистика деганим Адизнинг бош қахрамони тарихий обидалар юзасидан билағонлиги фильмга плюс ва нисбатан дарслик бўла олган. Бу ерда романтик лавхаларни керакли ва томошабинни тарихий афсоналарга қизиқтира оладиган лавхаларга уйғунлаштира олишган.

Яъни фильм яралиш ошхонасида  керакли зираворлар турфа ва ўринли ишлатила олинган.

-Актерлар ролини яхши ижро қилишган. Адиз ва Шахзоданинг махоратларига алохида тўхталмайман.  Динейра иштирокидаги бошқа фильмларига қараганда бу фильмидаги роли омадли дея оламан. Томошабинлар хитобидан хам буни билиш мумкин эди. "Динейра яхши ўйнабди-а” деган фикрлар эштилди.

-Безорилар билан бўлган сахнани юмор тарзида, айнан курашиш сахналари оригинал кўрсатиб берилган.  Енгил мусиқа, юмор кўринишида, хуллас қизиқ янгилик. Фақатгина юқорида айтганимдек безориларнинг бошидаги диалоги жуда ва жуда ортиқча бўлса керак(роль ижроси). Шахсий фикр.

-Фильм давомидаги умумий юмор сахналари қизиқ.

-Фильм якуни ажойиб ва кутилмаган тарзда. Майли "не реально” дейишар, лекин  ижобий таъсир қила олди-ку, бу эса асосийси. Хамма фильмдан хам реаллик қидираверсак унда фильм эмас хужжатли фильм бўлиши керак ва энг асосийси яхшиликка ишончни болаликдаги эртак фильмларидан тарбияланар эканмиз жиддий ва катталар фильмида хам озгина эртак бўлса нима қилибди?)) Хеч бўлмаса инсондаги нажотни мустахкамлар, шунингдек тақдир экан деб бош эгиб кетиш эмас, мухаббат учун курашишга ундайди . Вахоланки фильмда тақдир экан деган тушунчага икки тарафдан хам қараш имконияти берила олинган. Бу эса хар бир индивидуал томошабиннинг шахсий фикрига боғлиқ.

Хуллас фильм менга ёқди.

 Sayyod

 Премьерадан суратлар: Саида Вахобова.

Фильм хақида илк хабар ва Динейра фикри

Саундтрек