31-октябрь куни   Египетда авиахалокат сабабли оламдан ўтганларга  аталган шеърни актриса Луиза Расулова ўз талқинида монолог қилиб уни мусиқий фон билан видеога ёзиб олиб 10-декабрь куни инстаграмга нақ 17 қисмлаб қўйганидан кейин у санъат оламида катта шов-шув ва мухокамалар гирдобида қолди. 

 ВидеоМонологни ютубда томоша қилмоқ

Айнан ўша куни, яъни инстаграмга қўйилган 10-декабрь санасидаги Озоданинг "УзСтар" лойихасида кўришганимизда у билан кўришаётган одам борки дарров шу видео хақида қизиқарди.  Озода хам хазиллашиб уни "Офелия" дея чақира бошлади))

Кастингдан кейин "Сайёд-медиа" офисида Луиза билан интервью қилдик ва 20 минутлик видеони тақдим этарканмиз, албатта бу мавзудан ташқари унга яна бошқа саволларимиз хам борлигини тушунгандирсиз. Айниқса компроматлар сандиғимизда  унинг хам нимадири борлиги аниқку))

Тўй хизматларида Муниса Ризаеванинг тайёр қўшиғи ва овозига у оғзини қимирлатиб пул топаётгани хақида  ўша хизматларда бўлган гувохлар айтганди. Буни Луиза инкор этмади, камига Насиба Абдуллаева ва хаттоки Дженифер Лопес овозини хам тўйларда "ижара"да ўзлаштириб турганини хам тан оларкан бу билан боғлиқ иқрорликларидаги батафсил маълумотлар  шахсан бизни шокка туширди.

Видеоинтервьюни ютубда томоша қилмоқ

Қўйида тақдим этилаётган деярли 20 минутлик видео ижобий кўтаринки кайфиятда бўлганлиги сабабли изохларда Луизага жудаям кескин бўлмаслигингизни сўрардим. Актриса хали жудаям ёш, унинг хали узундан узоқ йўли бор ва асосийси жуда самимий қиз ва буни унинг жавобларидан хам кўрсангиз бўлади.  Ким хато қилмайди, тўғрими?  

Жудаям ижобий қиз. Умуман олганда, интервью хам жудаям кўтаринки кайфиятда ўтди, энергетикаси ижобий. Асосийси актрисалик қобилияти бор ва ўша юқоридаги монологда хам у яхшигина сезилган . Очиғи мени таъсирлантира олди ва сизларни хам кўзингизга ёш келтира олади. Унинг актрисаликдаги  ёрқин ва порлоқ келажагига ишонаман!

Видео: Нодира Махмудова.