ТВМ   ЯНГИ ЙИЛ АРАФАСИДА

ТВМ телеканали ижодкорлари Янги йил байрамига кўплаб, қизиқарли янги дастурлар тайёрламоқдалар. Масалан, Янги йил арафасида, эфир давомида бериб бориладиган лавхалар, яъни махсус роликларни ҳам, байрамга мос тарзда суратга олдилар.

Суратга олиш ишлари учун, кириб келаётган янги йил "Қуён йили” бўлганлиги туфайли, тирик қуёндан фойдаланиш ўйлангач, ТВМ телеканали телебошловчиси Ойбек Рихсибеков катта қуён топиб келибди. Афсуски, уни меҳнати бекор кетибди. Сабаби, бу паҳлавон қуённи суратга олиш жараёнида ҳеч ким кўтара олмабди. Шундан сўнг, суратга олиш майдонига бир нечта кичик қуёнчалар келтирилибди. Яна бу махсус роликларда ТВМ телеканали бошловчилари турли образларда, масалан, телебошловчи Равшан Ҳакимовни "Қорбобо” қиёфасида, телебошловчи Жаҳонгир Шаҳобиддиновни эса ўтиб бораётган эски йил "Йўлбарс” қиёфасида, "Кинокурьер” телекўрсатуви бошловчиларидан бири Даша эса, "Қорқиз” қиёфасида намоён бўлишларини кўришимиз мумкин экан. Улар ўз образларини қанчалик уддалашди? Бошқаларни қандай қиёфаларда кўрамиз?

Барчасини Янги йил байрами арафасида ТВМ телеканалини кузатиб, кўриб, билиб олишингиз мумкин.

Булардан ташқари, 31 декабрь куни ТВМ дастурлари давомида машҳур хонандалар ва актёрлар иштирокидаги қизиқарли кўрсатувлар, концерт дастурлари намойишлари кутилмоқда.

Феруза Фаттохова