Дилмурод (Бугун 00:39) Sayyod nega LOLA bu yil konsertdan darak bumayapti. Shohruhxonam bermadi? Nilufar U.yaw reja qigandi uyam bermadi? ... Sayyod oydinlik kiritsez. oxirgi payt sizam dolzarb mavzulaga etibor bermi qoydiz, o'zizga kelin Sayyod.
Келдим ўзимга!))
Изохни менга шахсан етказган ёрдамчиларга ташаккур, шу бахонада ўзимга кеволдим))
Хўш!
Шохруххон ва Лолага бу савол билан юзланганим билан бефойдадек...чунки садо чиқмади. Нилуфар концерт бериши хақида эса расман эълонидан хабарим йўқ. Фақатгина режада бўлганини билардим холос. Йил тугамади хали, олдинда декабрь... Балки бериб қолар.
Октябрь-ноябрь ойларида кутилган Лола ва Шохруххоннинг концерти бўлма(ёт)ганлиги сабаби эса, ўзим (билишимча) четдан шахсий жавобимни берадиган бўлсам, ТВМ канали вақтинчалик (расмий сайтида эълон қилингандек) янги форматга ўтиш учун танаффус олгач, хонандаларнинг концертга яқин бўладиган (умуман асосий промолари хам) реклама ва промо тўхтаб қолганлигида деб биламан.
Концертдан аввал эса реклама ва промо мухим.
Бошқа тарафдан ўйланиб қолдим... Аввал қандай бўлганди?
Аввалги артистлар қандай концерт берганди?
Клипмейкерликни ривожланишига ТВМ катта хисса қўшгани сир эмас, аммо артистларнинг концерти нимани белгиларкин?
Артистнинг талабгорлигиними ёки артистнинг шахсий рекламаси ортидаги машхурлигиними?
Шунчаки фикрлар саволи....
Хар икки хонандани ўрнида бўлганимда, атай хаққоний рейтинг ва талабни текшириш учунам концерт дастурини тақдим этган бўлардим.
ТВМ, НТТ, СОФТС ва Форум ТВларни эса қайтишини кутмаётган одам бўлмаса керак. Бу каналларга нафақат ўргандик, ва нафақат санъат ва шоу-бизнес, балки телевидение тушунчаси учун хам, улар тараққиётнинг катта қадами эди.
Каналлар кўп бўлгани, унинг рақобати, ривожланишидан далолат. Хар бирини албатта ўз ўрни бор эди.
Шахсан мен учун (Ўзбек телевидениесини камдан кам кўрсам хам, шу оз вақт ичида хам) СОФТС каналидаги фильмлар ёқса, НТТдаги янгиликлар дастури "подача"си, "ТВМдаги клипларни кузатиш (ва албатта сайтга танқидлаааар ёзииииш) учунам керак эди.
ФорумТвнинг ўрни эса креативлик, кўплаб ёшларга имконият, жахон андозасига хос равишдаги "подача"лари, керак бўлса ўша фильмлари билан хам қизиқ эди. Қандайдир бир сокинлик стилида бўлганигами, ўзимча ўзбекона евронювс канали дердим))
Билмадим, уларнинг орқасидаги ишлари, муаммолари, гап-сўзлари билан ишим хам йўқ, кавлашни хам истамайману, лекин, хақ гапни айтиш шарт: Бу каналлар етишмаяпти! Хозир фақат артистлар ва клипмейкерлар номидан гапирмаяпман!
Буни интернет оламидаги минглаб одамларнинг фикрлари ва реал хаётдаги инсонларни бизларга тинмай қилинаётган мурожаатларидан хам билса бўлади.
Ривожланиш кўпайишда бўлади, қисқариш ва камайишда эмас...
Хозирги бизда қолган каналларда рақобат аниқ йўқ деб айта оламан!
Хаммаси бирку...фақат тепасида ёзуви бошқа холос...ўша ранг, ўша товуш, ўша юзлар(дек)
Тошкент канали қошида янги мусиқий канал очилади деган норасмий хабарни эшитдим... Бадиий кенгаши худди "Ёшлар" каналидек бўлармиш...
Шуни ўзи менга "оббоооо" дейишга етарли бўлди)
Билмадим... қизиқиб хам кўрмасам керак уни.
Артистлар промосию, клипмейкерлик ривожланиши билан давомланган мақоламдаги фикрларим якунида, дунё миқёсида ишсизлик долзарб муаммосидан келиб чиққан холда, бир неча юзлаб (балки минглаб) одамларни хам иш билан таъминлаган бу каналларни ишга тушишини истардим...
Иш керак.
Ижод жараёни...
Рақобат!
Ривожланиш!
Ўсиш!
Керак!
Dekabr oyining yana bir ajoyib tuhfasi - Lolaning yangi albomi sotuvga chiqadi!!!
buzishga buzib, yana boshqa huddi shunday kanal ochishni nimasi qiziq bilmadim... endi ''oxanglar sadosi''dan 55ta kanal ochilsa ham eskisi kabi bolmaydi... bu mani fikrim...
"Oxanglar sadosi" (Musiqiy telekanal)
va "Kino olami" (kinotelekanal) nomli
yangi davlat telekanallari efirga
uzatilish arafasida turibdi.
...
YANGI KANALAR QO'SHILSA YAXSHIYU LEKIN, TVM, NTT KANALARI XAM QAYTSA YAXSHI BO'LARDI.