8 март  соат 14.00 да Ғунча кинотеатрида Шохруххоннинг "Зўрсан” альбоми тақдимоти бўлиб ўтди. Ғунча кинотеатрига кириб келганимизда одамлар тўпланиб бўлишган ва уларнинг аксарияти айнан ашаддий мухлис эканлиги яққол кўриниб турарди: қизил либослар коллекцияси бўлди ўзиям, хаммаёқ лолазор)).  

Соат 14.20 да Шохруххоннинг ўзи хам ташриф буюрди ва тақдимот соат 14.30 да бошланди. Тақдимот бошланишидан аввал махсус тайёрланган клипни намойиши бўлди. Бу клипда Ўзбек шоу бизнеси вакиллари ўз ният истаклари ва албатта табрикларини Шохруххонга  билдириб ўтишди. Шахсан менга ёққан табрик Аслбекнинг табриги бўлди))) 

Ўзиям экранда  Андижон-Тошкент йўллари аро бориб келиш намойиши бўлди))) (бу йигит гапираётганидаям рақс тушар экан а?) Оператор шўрликка ачиндим)) Оператор келажакда режиссер бўлса аниқ "Тутқич бермас Асилбек" деган фильм суратга олишни ният қилиб қўйган бўлса ажабмас)))

  

   Сўнг тақдимотни бошлаш учун сахнага икки  бошловчи Адиз Ражабов ва Акбархўжа чиқишди ва маросимни 8 март байрамига бағишланган табрик билан бошлашди. Шохруххонни сахнага таклиф қилишганида эса сахнага  "Шохруххон” чиқди. Билсак, у пародиячи йигит Шерзод Бин экан. Пародияга бахо "−5” ) 

   Ундан кейин бошловчилар сахнага Sayyod.com сайтида тақдимот учун  чиптага лойиқ топилган форум аъзоларини таклиф қилди ва Шохруххон уларга махсус совғалар тақдим қилди. 

    Сахнага Шохруххоннинг мухлисиман деганлар чақирилади дейилганида адашмасам Шохруххон фан клубидагилардан ашаддийлар чиқишди, буни пайқаш қийин эмасди) улар учун қизиқарли ва кутилмаган конкурс уюштирилди  ва ғолиб бўлган йигитга Шохруххон "Зўрсан” альбомини совға қилди. Унинг мухлислари орасида Сардор исмли 3 ёшли болакайни кўриб хайрон қолдим. Шохруххон   "2 ёшлик чоғида барча қўшиқларимни ёд олиб менга ижро этиб берганди” деб болакай хақида алоҳида гапириб ўтди. 

   Сўнг навбатни мухлисларнинг саволларига беришди ва хамма ўзини қизиқтирган саволларини бера бошлади. Саволлар турфа хил.. шокка туширадигани хам бўлди) ( шу залда йиғилган қизлардан кимга уйланган бўлардингиз?-каби саволдан Шохруххон шокка тушди, салкам келинлар кастинги уюштирилди) бир мухлиса қиз дуэт қуйлашни таклиф хам қилди ва улар ажойиб тарзда дуэт куйлашди, қойил!  Алохида айтиб ўтиш керак, унинг мухлислари жуда севишар экан. Шохруххон  30 га яқин саволларга самимий ва баъзи бирларига хазломуз жавоб берди.   

 

    Бошловчилар савол жавобни тугатиб, Шохруххондан энг ёққан саволни танлаш кераклигини айтишганида у барча саволни танлади ва барча савол эгалари сахнага таклиф этилиб совғалар билан тақдирланишди. 

Шахсан менга ёққан савол  Шерзод Бинга тегишли ва жавоби хам оригинал хамда чиройли бўлди. 8 март билан хозирда залда йиғилган мухлисаларингизни   сўзсиз  қандай табриклаган бўлардингиз дейилганида, Шохруххон тиз чўкиб, бошини эгиб "воздушний поцелуй” билан барча мухлисаларини  табриклади. 

   Савол жавоблардан сўнг, Шохруххон  мухлислари қарсаклари остида 3 қўшиқни ижро этди.  Сўнгги, 4 қўшиқ, "Зўрсан” қўшиғини  барча мухлис ва мухлисалар  бирга ва 1−2 мухлислари эса  айнан микрофонларни олиб Шохруххон билан бирга дуэт тарзида куйлашди. 

    "Зўрсан” альбом  тақдимоти мана шундай кўтаринки кайфиятда  ажойиб тарзда бўлиб ўтди.