Шохруххон билан лойиха икки маротаба ўтказишга тўғри келди. Қуйидаги суратлардан хам билсангиз бўлади, аввал боғда учрашиб йиғилган саволлар билан мурожаат қилганимизда, саволлар орасида бир мухлиснинг шахсиятга тегадиган саволи саралаш даврида эътибордан четда қолибди.

Афсуски бу саволни ва муаллифни келтира олмаймиз. Савол кўпроқ Шохруххонни оиласига боғлиқ бўлиб кўпроқ шахсиятга тегадиган қилинган тарзда берилганди. Шохруххонни фикрича бу бегона одам эмас, Шохруххонни билган ёки шоу-бизнесга алоқадор инсонларнинг ғараз ниятларидан бири.

Бу саволни кўрган Шохруххон қаттиқ ранжиди. Хозир бошқа саволларга жавоб бера олмаслигини айтиб кейинроқ учрашамиз деб хайрлашди.

Эртаси куни маъмури қаттиқ асабланганидан шифохонага тушганлигини маълум қилди.

Шифохонага йўл олдик.

Шохруххон биздан эмас ўша мухлисдан ранжигани ва табиатан кўп нарсаларни кўнглига яқин олишини айтиб, кечаги саволдан тоби қочар даражасида бўлганини айтди.

Биз шу билан қайтмоқчи бўлганимизда Шохруххон жилмайиб бемалол қолган саволларни хам беришимизни сўради.

Нихоят шифохонадаги палатада мазкур лойихамизни якунига етказдик.

1. Qo'shiqchi bo'lmaganda qanday boshqa kasb tanlardingiz.

2. Doctor bo'larmidingiz?

3. Maktabda qanday baholarga o'qigansiz va eng esda qolarli voqea.

4. Yoqtirgan aktiyor va aktrisangiz.

5. Sizga qanaqa savol berishlarini hohlardingiz.    Giyos  

Шохруххон:-

1. Билмадим, барибир санъатга яқинроқ бўлардим менимча.

2. Йўқ дўхтир бўла олмасдим, чунки дўхтир бўлиш учун жуда ҳам катта сабр керак бўлади. Бутун умр ўқиш керак бўлади хуллас.

3. Мактабда 3 - 4 баҳоларга ўқиганман, 5 баҳо бир-бир бўлиб турган. Мактабда эсда қоларли воқеа, фақат ҳайдалиш куйи бўлган. 8 та мактабда ўқиганман. Янги мактабга борсам, ўзи ўғил болалар урушиб танишади. Энди ўртоқ бўлиб қоламан, яна бошқасига ўтиб кетаман. Яна уруш жанжал ва яна ўртоқ бўлиб . . . (администратори Тоҳирга ишора қилиб)  Тоҳир билан бир мактабда ўқимаганмиз, лекин бир–биримизни мактабимизга бориб юрганмиз. Кўп тўполон қилганмиз Тоҳир билан.

4. Алишер Узоқов ва Раъно Шодиева. (ўйланиб) Кўпчилик, лекин ҳозир эслай олмаяпман.

Феруза:- Чет эл актёр ва актрисаларидан–чи?

Шохруххон:- Чет эл актёрларидан менга Роберт де Неро билан Ал Пачино ёқади. Актрисалардан "Малена” фильмида рол ижро этган актриса.

(Шохруххон узоқ ўйланиб, актриса номини эслай олмади ва кутилмаганда укаси Муҳаммадали ўша актриса номини билишини эслаб қолди. Ёнидаги администратори Тоҳирдан ўша актриса номини сўраб, укасига телефон қилишини илтимос қилди. Тоҳир ҳам ўз навбатида, Шохруххонни укасига қўнғироқ қилди ва у гўшакни олгач, телефонни Шохруххонга узатди. Шундан сўнг, Шохруххон укасидан сўради ва актриса номини айтди.) 

Шохруххон: – Актриса Моника Белуччи.

5. Фақат севган қизингиз борми йуқми–деган савол эмас, санъатга қанақа қилиб кириб келгансиз каби, кўп ишлатилган саволлар эмас. Бир бошқача савол бўлса яхши. (Ўйланиб) Бир бошқача янги саволлар-де. Умуман, ҳеч ким бермаган саволлардан бўлса.

Sevgiga iwonasizmi?                                  

Sevgan kizingiz bormi?

Sevgan kizingiz "men bowkasini sevaman" deb sizni tawlab ketsa nima kilardingiz  Maksim  

Шохруххон:-

Йўқ, Севган қизим йўқ.

Бор, кетавер дейман, нима дейман. Бошқа одамни севиб қолган бўлса, нима қиламан мен уни ёнимда олиб ўтириб.

Salim shoxruxxon savolim sizningcha biz insonlar xayotimiz davomida nimani yo'qotip borayapmiz insof yoki poklik umuman nimani siz qanaqa o'ylisiz bu xaqda ijod karera do'stlar sayyod xam o'z yo'liga nimalar unutilvoti shu xaqida fikirlariz qanaqa    ZINURA 

Шохруххон:- Менимча одамлар бир-бирига бўлган ҳурматни йўқотиб боришяпти, инсофни йўқотиб боришяпти, дўстликни қадрига етмайдиган бўлиб қолган ҳозирги одамлар. Манфаат учун бир-бири билан ўртоқ бўладиган бўлиб қолган, юзингга битта нарсани гапиради, орқангдан бошқа нарсани гапиради. Яна уятни йўқотиб қўйишяпти. Кўчаларда бир хилги қизларни кўриб, ҳатто мен ўғил бола бўлиб туриб, уялиб кетаман. Ёш болаларни қўлидан телефонни олиб ташлаш керак. Ёки телефонни фақат гаплашиш учун мўлжалланган яъни, видеоси йўғидан олиб бериш керак. Менимча ёшларни телефон ва телевидения бузмоқда. Ҳаттоки, кундуз куни баъзи хориж телеканалларида шаҳвоний кўрсатувларни беришади. Мисол учун, ишлайдиган ота-оналарни болалари уйда шу нарсаларни кўришади-де. Ҳеч ким болаларни кундуз куни 15.00 дан ухлашга ётқизмайди-ку.  Шуларга аҳамият бериш керак деб ўйлайман.

1. O'ziz uchun eng yurakdan joy olgan qo'shig'ingiz?

2. Sehirli tayoqcha qo'lizga tushib qolsa eng 1 bo'lib nima tilak so'rardingiz?

3. Siz uchun yoqtirgan multik yoki ertak qahramoni kim ? 

Savollarga oldindan javob berganingiz uchun Rahmat!      Dilya

Шохруххон:- 1. Юрагимдан жой олган, юрагимга яқин бўлган қўшиқларим энди чиқади. Бундай қўшиқларим бўлган, кўп. (ўйланиб) Лекин, яна қидиряпман, топаман. Яқинда чиқади.

2. Фақат тинчлик, юртимиз тинч бўлсин! Ҳаммага бахт тилардим. (ўйланиб) Кейин ҳеч ким бир-бирига ёмонлик қилмасин дердим.

3. Эртак қаҳрамони (ўйланиб) менга Гринч ёқади. "Гринч янги йилни ўғирлади” қаҳрамони Гринч. (жилмайиб) У ўзи менга ўхшайди-да. Четдан қараган одам, уни намунча ўзини олади, қандай деб ўйлайди. Лекин, уни ичида озгина бўлса ҳам яхшилик бор. Ундаги ўша нарсани, ҳамма ҳам кўра олмайди. Мен ўзим ҳақимда фикр билдирмоқчи эмасман. Шунчаки, кўпчилик мени қўпол, ўзини оладиган деб ўйлайди. Лекин, мени яхши биладиган одамлар ундай деб ўйламайди, мени қандайлигимни билишади. (ҳазил билан кулиб) Мени билмаганлар (администратори Тоҳирга ишора қилиб) Тоҳирдан сўранглар!

salom! 1)chin(qalin) do`st deganda nimani tushunasiz va ichingizdagi sirlarizni ko`pincha kimga aytasiz dostizgami yo uyizdagi yaqin insonizgami?

2) faraz qilaylik siz jurnalistlar va muxlislariz oldida press konfirencaya utqazayapsiz shu payt bir chiroyli qiz urnidan turdida dod voy solib yiglab sizga qarab '"-kecha qilgan ishizni bilasizmi kecha nima qib qo`ydiz ayting emdi uni ham hammani oldiga" deb yig`lasa usha paytda qanday yo`l tutgan bulardiz? (Lekin bu qiz sizga shunchaki tuhmat qilayaptii siz umuman u qizni tanimaysiz) javob uchun oldindan rahmat.       Oybek 

Шохруххон:- 1. (ўйланиб, жиддий) Чин қалин дўст деганда мен, масалан, нимани тушунаман? (тушунтириб бера бошлайди) Шундай одамлар бўлади-ки, йиллар давомида яхши-ёмон кунларда, ҳар қандай вазиятда бир-бирини тушуниб, битта оиладек бўлиб кетган яқинларни тушунаман. Яна чин дўст деганда, бир-бирини камчилигини юзига айта оладиган, хафа бўлиб қолади деб хижолат бўлмайдиган. Керак бўлса, уришиб кетиладиган вақтларда ҳам, бир-бирига ҳадди сиғадиган даражадаги ўртоқ, дўстлар бўлиши керак деб ўйлайман. Хуллас, чин дўст деганда (администратори Тоҳирга ишора қилиб) мана шу болани тушунаман. Масалан, бир-биримиз билан уришамиз, талашамиз ҳам. (жилмайиб)

Сирларимни эса кўп. (ўйланиб) Қайсидир сирларимни ота-онамга айта оламан, қайсидирларини ўртоқларимга айта оламан. Шундай сирларим бор, умуман ҳеч кимга гапирмайман. Ўзимда ўлгунимча қолиб кетадиган сирлар. Сирни ҳам қандай сирлигига қараб-де.

2. Бундай вазиятда (ҳайрон бўлиб) билмайман нима қиламан? Чунки менда бундай нарса бўлмаган. (кулимсираб) Агар бўлиб қолса, аниқ довдираб қолади одам. Лекин, нима дейман, бошимдан ўтмаган. (кулиб) Бўлиб қолса, мисол учун, нима деяпсан? – дейман. Қандай қилиб? Хуллас, савол ўзига қайтади. Билмайман, ўша нарса бошимдан ўтгандагина билиш мумкин.

Savol:1 sizi O'zizga -o'ziz hech savol berganmisiz? man qanaqa insonman deb ,siz o'zizni yahshi insonman deb o'ylaysizmi?

2-turmush o'rtog'ingiz hijobda bo'lishini hohlarmidingiz?     1909 

Шохруххон:- 1. Кўпинча ўзимга савол бераман кечқурун, уйқуга ётишдан олдин, нима иш қилдим бугун? Масалан, қандай одамман мен? (бироз ҳазил билан) Қачон одам бўлар эканман? – дейман. Ўзимни ҳам ёмон томонларим бор, ҳар битта одамга ўхшаб. Ҳар доим ёмон томонларимни тузатиш билан вақт ўтадиган бўлиб қоляпти назаримда. Шунинг учун, ўзимни ёмон томонларимни ёмон кўрганим учун, кечқурунлари шу нарсаларни ўйлайман. Мени яхши-ёмонлигимни атрофимдаги одамлар, яқинларим билишади.

2. (қатъий) Фарқи йўқ. Энг муҳими, (мисол келтириб) конфетни ҳам устини ўраб қўйса бўлади-ку. Чиройли қилиб, конфетни устини ўраса-да, ичидаги конфети бир тийинга қиммат бўлса . . .  Ёки ичидаги конфет қуртлаган бўлса . . .  Бу бир мисол-да. Ундан кўра, устига оддий қоғоз ўраб қўйиб, ичидаги конфет ширин бўлса!

1) Kiyingi Rejalaringgiz..

Surhandaryo viloyatida ham konsert berish niyatiyiz bormi..?Agar bo'lsa qachonga rejalashtirgansiz..?

2)Rejissyorlik kasbini tanlashinggizga nima sabab bo'ldi..?Pulmi yoki Orzumi>>?

3)Yoqtirgan Taomlaringgiz.O'zinggiz ham biror bir ovqat tayyorlay olasizmi..?Agar sir bo'lmasa qanaqa ovqatni tayyorlay olasiz..?       Rustam  

Шохруххон:- 1. Режаларим кўп. Кино олмоқчиман, мусиқий альбом чиқармоқчиман, концерт қилмоқчиман, уйланмоқчиман. (ҳазил билан) Ойда битта уй қурилаётган экан, ўша ерда бориб дам олиб келмоқчиман. Қайтиб келиб, яна давом этамиз.

Сурхондарё вилоятига оид саволга:  Бор. Агар чақиришса, ўшанда бораман.

2. Орзу-ниятим, ўзим ҳоҳлаган фильмни суратга олиш.

3. Агар устаси пиширса, ҳамма овқат ёқади. Ўзим қозон кабоб пиширишни биламан.

Salom.sizga qanday qizla yoqadi.qomati,sochi va ko'zi qanday bolishini xoxlaysiz?             Diamond

Шохруххон:- Бўйини фарқи йўқ, мендан узун бўлса ҳам (жилмайиб). Ўзи қорачадан келган, қомати зўр, қош-кўзи қора, сочи ҳам қора.

Являясь человеком достаточно знаменитым,вы имеете возможность создавать благотворительные фонды в помощь нуждающимся,в которых могли бы участвовать многие звезды узбекского шоу-бизнеса,или так же входить в какую-либо организацию,тем или иным способ оказывая ей поддержку в столь добром деле,пользуетесь ли вы этой возможностью?Если да,то какие фонды вами созданы,в каких вы состоите(я надеюсь не для пиара себя,а исключительно из-за искреннего желания сделать что-то полезное любой ячейке общества,нуждающихся в помощи)А если нет,то почему?  Заранее прошу не опускать этот вопрос, т. к считаю его актуальным как во всем мире, так и отдельно в нашей стране. Спасибо!      Dildora

Шохруххон:- Мен ҳеч қандай ташкилотга қарашли эмасман. Бизни кўп меҳрибонлик уйларига чақириб туришади. Тадбирлар бўлганида, жонимиз билан борамиз. Келажакда ўзимиз Ўзбекистондаги барча болалар уйларига, гастролга ўхшаган нарса қилмоқчимиз. Ўзимиздан байрам қилиб, кўнгилларини кўтариб кетмоқчимиз. Лекин, ундай ташкилотларга қарашли жойим йўқ.

1. Eng yoqtirmagan harakteriz....

2. Sevgiz uchun eng og'ir qiyinchililadan o'toliman dib o'ylismi?

3. O'zizzi ijroyizdigi eng yoqtirgan ashulez qaysi?

4. Britni Spirs sizga yoqadimi?            Begzod 

Шохруххон:- 1. (ўйланиб) Энг ёқтирмаган характерим, юзингга қараб бошқа гапиради, орқангдан бошқа гапиради. Хуллас, об-ҳаво характерлар менга ёқмайди.

2. Ўта оламан менимча.

3. Бу саволга юқорида жавоб бердим.

4. Яхши қиз, хонанда сифатида ҳам.

Shohruhga savolim

Sport, artistlarni bir yumushi desak ham bo'laveradi, Shohruh, sen qaysi sport turiga qiziqasan. Kelajakda shu sport turada murabbiy sifatida o'zingni tassavur qila olasanmi?  Oddiymuhlis

Шохруххон:-  Кўп спорт турларига қизиқаман. Лекин, мураббий бўлиш учун, мен яна бошидан туғилишим керак. Вақтим ўтиб кетди. Шунчаки бўлса, сузишга ва спорт залларига бориб турамиз.

Savollar:

1. Siz sevib qolsangiz bri qizni lekin ota onangiz u qizni sizga olib berishmasa u qizni hohlashmasa qanday yo'l tukan bo'lar edingiz?

2. Rashqchiisz, sizni hotingingiz rash qilsa sizni nima qilardingiz? Sanatdan vos kechisingizni surasa qanday yul tutasiz?

3. Nimagadir siz hayotda ham shunaqa mayus kulib turasizmi?

3 а. Maktabda birorta qizni sevganzmisiz? 

4. Lipingizga qizlarni siz tanlisizmi yoki...

5. Qiz tanlashda uylanisihngizga birnchi ichki guzalikmi yoki tashqimi?

manimcha hozircha shuucnha savollar shulaga javob bersangizham KOta gap rahamt sog bo'ling.          Sitora_USA 

salom SHohruhon, ijodingizga omad tilayman,savolim shuki: hali uylanmagansiz oilangiz 10 hil kasb egasi bulgan va 10 hil fel atvorga ega,10 hil kurinishga ega bulgan qizlani terib quyib tanla shu tanlagan qizinga uylantiramiz deyishsaa siz QANDAY QIZNI TANLAYSIZ,VA SIZ HAYOTDA QANDAY QIZ BILAN TURMUSH QURISHNI HOHLAYSIZ...        SHAXNOZ

Шохруххон:- 1. Ота-она йўқ деса ва норози бўлса, барибир у билан қочиб кетасизми, уйланиб оласизми, барибир бу нарса яхшилик билан тугамайди. Ўртада норозичилик бўлади. Хуллас, ҳамма рози бўлиши керак.

2. Мен нафақат хотинимни, балки уйимдагиларни ҳам рашк қиламан. Ўзимни яқинларимни ҳам бировлардан рашк қиламан. Жуда рашкчиман. Хотиним рашк қилса (кулиб) хурсанд бўлардим. Санъатдан кечишга келсак, (ҳайрон бўлиб) қандай қилиб мен ишлаб турган жойимдан воз кечаман? Қандай қилиб? (қатъий) Воз кечмасдим.

3. Маъюс эмасман. Юзим шундай бўлса керак.

3 а. (кулиб) Мактабда биринчи синфда мен ўқитувчи опамни яхши кўриб қолганман. Иккинчи синфда эса, Замира деган қизни яхши кўриб қолганман. (самимий) Ҳали севги нималигини ўзим тушунмасдан туриб, қанақадир туйғулар уйғонган.

4. Мен ҳам танлашим мумкин. Ҳамма танлайди. Ўша суратга олиш гуруҳида ҳаммамиз бир хулосага келамиз.

5. Биринчи навбатда ички гўзаллик ва характер. Ўзи чиройли қиз бўлиб туриб, характери ёмон бўлса, яхши эмас.

Sizni qòshiqlariz zòr! Buni òziz bilasizmi? Keginchi sizni ukezam zör! Yana paxta qòyvotti db òylamen man rostdan etvomman!     Madina    

Шохруххон:- Биламан. (ҳазил билан) Укам билан таништириб қўяйми?

Salom omad tileiman bu bollaga , zor ashulala etadi ..... a savolim kopu lekin bittasini beraman : agar sizga hazratti hizir bobomiz uchrab kolsa va 3ta tilagin bajo kilaman desa hudo holasa, siz nimalani tilagan bolardiz?    Alo

Шохруххон:- Менимча ундай бўлмаса керак. Агар худо ҳоҳласа, бўлиб қолса, боя юқорида сеҳрли таёқча ҳақидаги саволда айтганимдек, юртимиз тинч бўлсин дердим, ҳаммага бахт тилардим.

Salom...

1-Har qande qiyin vaziyatdaham yaqinlarizga yuz foiz ishonasizmi sizi doimo yonizda bulishlariga ?

2-Sanatkor bulishizdan maqsad: (Pul,Obro,Hobby,Sanatga bulgan muhabbat va hurmat.) ?

3-Har bir insonni maqsadi bor lekin hammaham bu maqsad uchun ohirigacha yani erishmagunicha kurashmaydi,siz qaysi toifaga kirasiz bu borada ?

4-Uzingizni chetdan turib kuzata olasizmi ,yani hatolariz kamchiliklarizni uziz kura olasizmi ?

5-Bir kun kelib Yevropayu Amerikasida SHOXRUXHONNI kansertlar berayotgani haqida shov-shuvlar guvohi bulishimizga umid qilsak buladimi ?       Ziyoda-01

Шохруххон:- 1. Ёнимдаги бир хил одамларга ишонаман. Шундай одамлар бор ва мен бундан хурсандман.

2. Биринчи навбатда орзу. Мен бу нарсага кичкиналигимда жуда қаттиқ кўнгил қўйганман.

3. Мен охиригача курашаман.

4. Ўзимни четдан кузата оламан. Камчиликларимни ҳам биламан ва уларни тўғрилашга ҳаракат қиламан.

5. Худо ҳоҳласа.

ДАВОМИ