Бир неча кунлардан бери инстаграм оламида жаранглаётган реклама "Отамдан ёдгорим онам" клипи нихоят тақдим этилди. Актер Алишер Узоқов режиссерлиги ва бош роль ижрочиси сифатида хонанда Сардор Рахимхоннинг "Отамдан ёдгорим онам" қўшиғига ишлаган клипга "Сен ўзинг фарзандлик бўлганингдагина ота-онангни тушунасан" слоганини қўйган бўлардим. Яъни хориж фильмларининг қисқача шиор-слогани бўлгани каби бу клипга хам қисқача шундай таъриф берган бўлардим. 

Сардор Рахимхон:- "Отамдан ёдгорим онам" қўшиғи матн муаллифи Хушнуд Дарвеш, Зафар Қодиров мусиқаси, Ахмад Хожиматов аранжировкаси. Клип режиссери,  сценарийси муаллифи ва бош роль ижрочиси хам халқимизнинг севимли актери актер Алишер Узоқов. У  нафақат зўр актер балки зўр инсон хам , мени қадрдон дўстим. Операторликни профессионал оператор Рустам Муродов ўз зиммасига олди.  Алишер ўзи азалдан менга бир клип олиб бериш ниятида бўлганди, ва мана ният амалга ошди, имкониятдан фойдаланиб унга каттакон рахмат айтаман.  Алишер "Омон-омон" қўшиғимни жудаям яхши кўради ва унга асли клип олмоқчи бўлгандию, насиб қилмаганди. "Отамдан ёдгорим онам" қўшиғини ёқтириб , шунга клип оламиз деб анчадан бери сценарий ўйлаб юриб мана нихоят хақиқатдан жуда чиройлик килип тайёрланди. Ўзимни хам этим жимирлаб кўзимга ёш келди. 

Бу клипда айнан мени хаётим кўрсатилмаган ва умумий қилиб олинган, яъни  оналаримиз бизларни катта қилиш йўлида жуда катта қурбонликларга боришади, ёшлиги, халовати, хаёт завқи  ва керак бўлса бахтидан хам кечади. Лекин афсуски фарзандлар катта бўлгач бу нарсаларни билмайди ва қадрига етмайди. Мана шу нарсаларни клипда кўрсатмоқчи бўлдик. Қолаверса клипда ёлғиз онани бир ўзи ўғлини катта қилиш машаққати кўрсатилган. Афсуски биз клипда кўрсатмоқчи бўлган нарсани 10дан бирини кўрсата олдик чунки вақт оз эди. Жуда кўп кадрлар қолиб кетди, сиғдира олмадик. Шундаям таъсирли чиқди ва мухлисларга ёқади деган умиддаман. Бу қўшиқ нафақат мени онамга балки ёри вафот этган ёки бир ўзи фарзанд катта қилган барча  ёлғиз оналарга бағишланади. Ота оламдан ўтгач қайсидир маънода она отасидан мерос бўлиб қолади. Онани кўз қорачиғидек асраш , бошида кўтариб юриш қайсидир маънода отасидан васият бўлиб қолади. 

​Она ролида халқимизнинг севимли актрисаси Сайёра Юнусова. Шу актрисани жудаям яхши кўраман ва айнан она ролида клипимда роль ижро қилганларидан жудаям хурсандман. Фурсатдан фойдаланиб уларга ва  ижодий жамоадаги хамма: гримёрдан тортиб иккинчи режиссер, рассом, бошқа актерлар, эпизоддаги актерларгача хамма хаммага рахмат айтаман! 

Клипни Рўза кунлари ижодий жамоа  рўзадорлар  билан 45 даража иссиқда суратга олдик. Бу хам клипга ўзгача файз берган бўлса ажабмас. Жудаям исиқ бўлганидан суратга олиш жараёнидан прикол видео қўйгандик "Қалай иссиқми?" деган саволга Алишернинг "Йўқ, атиги 45 даража иссиқ" деб хазиллашган видеоси. Суратга олиш ишлари икки кун давомланди.Клип халқимизга ёқади деган умиддаман!

Клипни ЮТУБДА ТОМОША ҚИЛМОҚ

Майтуб тасиксда томоша