Тадбир бир оз кечикиб бошланганига қарамай кўпгина мактаб ўқувчилари ва ўқитувчилари бизни кутиб туришган экан. Шахноздан олдин мактабга бориб, уларни кутиб турганимда, ўқувчиларнинг  кўчага чиқиб  кутишганини хам гувохи бўлдим.  Соат роппа роса 14.30 да тадбир бошланди. Ўқувчилар ўзларини қизиқтарган саволларини бирин кетин бера бошладилар. Саволларни ёш болакайлар бераётганига қарамай, мантиқий ва қизиқ саволлар эди. "Хааа...яхшигина тайёрланишибти шеклли...” деб ўйладим) 

Қизиғи кейин бошланди, Шахноз хам болаларга саволлар бера бошладилар. "Балки” қўшиғи хақида ўқувчиларнинг саволидан сўнг, Шахноз савол берган болага "Шу қўшиқдан олган хулосангни айтиб бер” деганларида, болакай хақиқатдан хам Шахнознинг мухлиси шеклли, қойилмақом қилиб, тушунчасини айтиб берди.  Четдан кузатиб туриб хар бирлиги сухбатга киришиб кетишганлигини сезиш қийин эмасди. Шахноздан Жонли ижрони сўрамасдан ўтишмади, албатта) Шахноз "Балки” қўшиғини куйлаб берди. Сўнг, ўқувчилар ва ўқитувчилар номидан Шахнозга гул тақдим этилди. Бу йилги тадбирда аксарият ўқувчиларнинг ёши кичиклигини хисобга олсак, тадбир анчагина қизиқарли ўтди. Тарбиявий ахамияти юқори бўлди.

   Шахноздан ўқувчилар ўзлари учун хаётий тажриба сифатида кўп тартибга чақирувчи ва фойдали маслахатлар олдилар деб ўйлайман. Чунки, бу тадбирнинг  бир аниқ  мақсади хақида ўқитувчилардан сўраганимда, "Ўқувчиларга таниқли шахслар фикрлари орқали тўғри йўлни кўрсатиш” деган жавобни олгандим. Шу мақсадга етилди, менинча! )

   Тадбир сўнггида ўқувчилар Шахноздан дастхат олишга тушиб кетишди. Ушбу маросим сал кам бир соат  давом этди, адашмасан, чунки бу орада, бўш ўтирмаслик учун тадбирни ташкиллаштирган ва ташкиллаштиришда кўмаклашган ўқитувчиларнинг бу кунги тадбир хақидаги  фикрлари билан қизиқдим:

 − Бугунги учрашув аввалида Шахноз опа эмас, балки мен ўзимни бегонадек тутган эдим, аммо икки дақиқалик кўришишдан сўнг (мактаб биносига киргунга қадар) 100 йиллик қадрдонлардек бемалол гаплашиб кетдик. Хаттоки бир ўқитувчи бизни олдиндан бир бирларини танишар экан, деб ўйлаганини хам айтди (кулади)

 Шахноз опа жуда хам дилкаш ва киришувчан шахс эканлар. Аминманки, ўқувчилар хам берган маслахатларига амал қилиб, бор кучларини ўқишга қаратадилар энди. Омад!

  Бугунги қизиқарли адабий−бадиий учрашув учун, албатта,  Sayyod.com ва Сардор Камиловга ўз миннатдорчилигимни билдираман! Рахмат!

                                                       Она тили ва адабиёт ўқитувчиси Сухбатова Дилобар

− Шахноз опа кучли психолог эканлар, жуда хам очиққўнгил инсонликлари биргина учрашувнинг ўзида намоён бўлди. Ўқувчилар билан хам, ўқитувчилар билан хам тезда тил топишиб, қадрдонлардек гаплашиб кетдилар. Улар билан сухбат чоғида менга айниқса болалик хотиралари хақидаги айтганлари қаттиқ таъсир қилди. Хаммамиз нафақат бастакор, шоира ва қўшиқчи Шахнозни яқиндан танишга муваффақ бўлдик, балки "Бола Шахноз” хақида хам маълумотга эга бўлдик.

   Учрашув менда катта таассурот қолдирди.

                                               Она тили ва адабиёт ўқитувчиси  Акбарова Дилшода

− Ушбу учрашувда Шахнозни яқиндан танидик дея оламан. Шахноз опа, менимча, агар ўқитувчилик касбини олганларида, аниқ биламанки, зўр ўқитувчи бўлган бўлар эдилар. Хар бир ўқувчига эринмасдан дастхат кўйиб бераяптилар, хаттоки, биз ўқувчиларни четга тортсак: "Йўқ, мен хар бирлигига дастхат қўйиб бераман”, − деб таъкидладилар хам. Қойил.

                                            Она тили ва адабиёт ўқитувчиси Шукурова Комила

 − Қўшиқчи Шахнознинг фақат жонли ижрода қўшиқ куйлашини билар эдим, бунга концерт дастурларида хам гувохи бўлганман, аммо ёнгинамда ўтириб, хеч қандай микрофон, мусиқасиз айтган қўшиқлари менда янада уларнинг ижодларига қизиқиш уйғотди. Уларнинг овозлари жуда хам ёқади менга. Рахмат сизга!

                                          Она тили ва адабиёт ўқитувчиси Хусинова Фарида

  Дастхатлар қўйилиб бўлганидан сўнг, фотосессия маросими давом этди) Ўқувчиларнинг ичида Шахнозга шогирд бўлиш истагида бўлган ёшлар хам топилди. Улардан хам ўз маслахатларини аямаган Шахноз мактаб биносинин такр этишлари осон кечмади. 

  Бугунги тадбир хақида шахсан ўзимнинг фикримни айтадиган бўлсам,  тарбиявий ахамияти жуда  юқори ва беғубор тарзда кечди. Дўстона сухбат ва хар бир тингловчи ўзи учун керакли хулосаларни олди деб ўйлайман.

Сайтимиз мухлислари фикрича, сайтимиз адабийликдан жуда бир неча чақирим нарида бўлса-да, адабиётга муносабатимизни ёзувда эмас, харакатда намойиш қилишимиз афзалроқ бўлса керак. Асосийси ижобий тарғиботларнинг ижобий  натижалари!

   Шундай қилиб, бугунги  репортажга якун ясаган холда,  сизлар билан 14 февраль кунини адабий − бадиий тадбир  билан ажойиб тарзда ўтказган  Шахло Қодирова бўлганини эслатиб ўтаман)))