Ижтимоий тармоқларда айни дамда мухокама қилинаётган икки мавзуга аниқлик киритмоқчимиз. Ортиқча суриштирув ва исбот далилларсиз чунки бу икки воқеадан икки тарафлар,  уларни билганлар хам аниқ "подстава" бўлаётганини билишади.

Райхон номидан Шахзода хақида инстаграмдаги изохда билдирилган хақоротли сўзлар фотошопда амалга оширилган! Буни фотошопда (деярли хар куни)  ишлаш бўйича 16 йиллик тажрибам билан бемалол фарқлаб айтишим қийинмас. Фотошопдаги имконлар беқиёс. Райхонни гўёки хақоротли ёзуви изохдаги бошқа шрифтларидан нисбатан ажралиб туриши ва оралиқлар аро нисбатан хар хил экани билан хам билиш мумкин. 

Бу фотошоп махсулотини менга ва инстаграмдаги "директ"да кўпчиликни "отметка" қилиб хам жўнатишди. Аммо бир кўришда бу фотошоплигини билганим, Райхонни  нафақат мен балки хамма яхши билгани хамда бундай ишларга қодир эмаслигини инобатга олиб хам қўл силтаб ахамият бермагандим. Бироқ бу жўнатишмалар тинмаётгани хамда Райхонни ўзи хам менга жўнатиб "Профилимни кимдир бузганмикин?" деб асабийлашганча соатига паролларини ўзгартирар даражага келгани учун расман эълон беришга ахд қилдим. 

Райхонни ўзи бу борада шундай дейди:-Бундай одамлардан шокдаман. Уларни қиладиган иши йўқми тушунмайман. Бирор ишда ўзларини банд қилиб ўз устиларида ишлашса бўлармиди. Бошқа одамлар ортидан интригалар яратиб   лой чаплашга уринишмоқда. Лойку менга етиб бормайди  ва ўзларини қўллари ифлослангани қолади холос. Бировларни умрига ахлат ағдаргунча ўз хаётлари билан шуғулланишларига вақт етиб келгандир. 

Гўёки Хулкар Абдуллаева тўйда "Пака пак" қўшиғига бехаё қилиқлар билан рақсга тушаётганию ва хоказолари видеоси хам тобора мухокама ўчоғига айланмоқда. Ўзингизни босинг, видеода Хулкар эмаслиги аниқ равшан кўриниб турибди. Жуссаси хам бошқа параметрлари хам. Оддий фонограмма. У видеодаги аёл халпа эканини бир неча одам тасдиқлади хам. 

Хуллас интернет оламида Райхон фотошопни Хулкар эса "дальтониклар" қурбони бўлмоқда. (Прозопагнозия какаята) Хар иккиси хам машхурликка хос бўлган яна бир шов-шувли видир-видирлар қурбони бўлмоқда холос.  Хечқиси йўқ бу шоу-бизнесда кўп учрайди. 

Бошқа тарафдан буларни ортида хамиша хам қандайдир манфаат ётмаса керак. Шундай бир шахсий хаёти унмаган одамлар зерикканидан интригалар қилиб тарқатиб маза қилишга уринишлари натижаси  холос бўлса керак. Худога нола қилиб нега бахтсизман дегунча аввал нималар қилаётганинг ва аслида умрингда нималарга вақтингни кетказиб харакат қилаётганингга ахамият берганингда хаммасига жавоб оласан. Тухмат ва шунга ўхшаш бировга дилозорлик қиладиган нарсани била туриб қилдингми, кейин намоз ўқиб Худодан сўрасам кечирар деб ўйласанг хато қиласан. Хамма нарсани жавоби бор. Ниятингга яраша ўзингга хам шундайи совға қилинади. Қайтар дунё бугунги даврда ўзини узоқ куттирмай  шиддат билан келиб урилмоқда. 

Инсоф!

Юқоридаги холатлар юзасидан фотошопланган ёзишмада хақоротли сўзлар бўлгани,  хамда Хулкар Абдуллаевани фонограммасига халпани қилиқлари бехаё тусда бўлгани сабабли хар иккаласи мақолада келтирилмади.