Март ойларида хабар берганимиздек, НТТ канали қайтмоқда. Бу орада каналнинг қайтиши борасида қатор муаммолар юз бераверди. Норасмий хабарларга кўра рухсат тегиши жудаям мураккаб кечган.

Ва нихоят канал қайтмоқда, аммо бошқа номда! 

Аслида бизда шуку, бирон муаммодан кейин номи ўзгариб қайтаверади, таркиб эса ўша-ўша) Яхшиям охирги нуқта "крайний"си шу ном бор))

НТТнинг хам таркиби ўша-ўша, шунчаки номи ўзгарди холос.

Айни дамда бошқа форматда қайтиши кутилаётган каналда машхурлар билан реклама роликларини суратга олиш ишлари кетмоқда.

Мазкур каналнинг қайтишини кўпчилик кутаётгани сир эмас, айниқса санъат олами, зеро,  "Наво" каналидан кутилган промони улар олишмади, исталган натижа учун эса "чўнтак" хижолат чекди.

НТТ янги номида нархлари хам янги бўлармикан ё...?

Умуман, мусиқий каналлар оламида хам рақобат мухим! Бир хиллик бо жойда ўсиш бўлмайди, ривожланиш мухим.

"Наво" канали хар қанча турфа тарзда намоёнланаётган бўлмасин, турфалик чегарадан чиққандек. Очиғи, аввалгидек промо билан зомби қилиниши тарафдоримасману, аммо истаган одамни твга чиқиб куйлаб кетавериши хам ғалати туюларкан. Реклама қилинган хит-парадни таркибини кўрибку, очиғи бу канал ўзининг алохида мамлакатида яшаяпти деган фикрга келдим. 

Энди таниш-билишчилигам эви биландеееее. Халқ учунам ишлийлу, бор нарсани бор дийлу илтимос!

Кейин, канал ходимларидан илтимос, тушунаман, эски клипларга хам харажат қилинган, уларни айлантириб туриш яхши, буни тарафдориман хам, аммо нахотки Зиёданинг ўша шаддод давридаги клипини (плагиат қўшиғи билан) эфирга қўйишдан бошқа клипи бўлмаса?! Айни дамда турмушга чиққан ва болалик аёлга бу клип (ундаги хатти харакатлар) камида ярашмайди, кўпида эса плагиат қўшиқ.

"Наво" каналининг  бадиий кенгаши қаттиққўллик донғи таралдию, амалидаги плагиатни ўтказиб юборишлик мантиқсизлиги эса кучида. Ғалати...камида ғалати.

НТТ қандай номда қайтсанг хам, сендан умид катта!