Ман қайтарман хурматим бироз,

                        тупроқлардан  баланд бўлганда,

Алами кенг махрами ишқнинг,

                         виқорлари улуғ бўлганда.

Мен қайтаман  ғуруринг бироз,

                          ишончингдан кетганда йироқ,

Юраккинанг энтикиб  оз-оз,

                          соғинчлардан тутганда титроқ

Мен қайтаман ишончим бироз,

                          соддаликдан баланд бўлганда

Хазонларнинг япроғи каби,

                          тупроқларга  бўлганда яқин.

Бир бирини сезганда симиб,

                         бир бирини қучганда тиниб,

Бир бирига тенг бўлса  сабр,

                         бир бирини татиса кибр!

Гўзалликка шайдоси кимлар,

                         мухаббати сингди тупроққа.

Осмон узра бўлсада  севги,

                         туролмайди асло оёққа

Ўтар экан умр сезилмай,

                         кетар экан чирой билинмай,

 Хазон бўлиб тушар тупроққа,

                          дарахтига содиқ қололмай...

Шундай хурмат қолган тупроқда,

                          шундай тақдир деб адашганлар,

Кимларгадир у сўнгги манзил,

                           кимлар  юзидаги  хатолар

Кимларнидир айби чапланар,

                           тупроқлардан лой бўлиб юзга

Йиқилганда татитиб қадрин,  

                                   тупроқ азиз боши эгикка

Оёқ остида деб шошилма,

          қўлдан баланд бўлар тупроқлар

 Ундан кимлар қурар бинолар,

          кимлар ясар тандир, кўзалар

Хазонини кутган тупроқлар ,

           ўтаверар оёқ остида.

 Дарахтлардан баланд бўлмоққа,

           имкони  йўқ  севган юраклар.

Кимларгадир нон берар бўлса,

                         кимларгадир бошпана бўлиб,

Кимларнидир чанқоғига кор, 

                         кимда гуллар қучар туваклар

Кеча бўлган оддий тупроқлар,

                         хазонларга зору гирёнлар

Қайтар хазонлардан баландда,

                           тандир, тувак, кўза,  бинолар.

Мен қайтарман хурматим келиб ,

                             тупроқлардан бино бўлганда

 Чанқоғидан силласи қуриб,

                             юрагига малхам кутганда

Обрусида, бир азиз бўлиб,

                              иссиқ нондек  бўлиб қароғим

Мухаббатдан устуни  мехр,

                             буюк  бўлар бўлса тупроғим..

Мен қайтарман хурматим бироз,  

                             йўқлигимда азиз бўлганда

Ўзи билмай ёдига тушиб,

                               хотираси  асир қилганда

Соғинганлар кўзларидаги ,

                               бир томчида  кўринмоқ учун,

Шундагина  яна бир  қайтиб,

                                     сатрларда яшамоқ учун....

(с) Sayyod  (Сардор Камилов)

Аудио турини кўчирмоқ 4мб

Матн ва ижро Sayyod

Мусиқа Yanni