Кечир мени, сева олмадим. Қучоғимда алқаб эритиб..

Кечир мени оғринган юрак, кечир мени рости хақ севган.

Хеч ким сендек сева олмаган, сендек менга қараб турмаган. Сендек сўзсиз қалбимни тирнаб, уялтириб бошим эгмаган...

Кўнглим тошмас аслида билсанг, ўз ўзимга у бир бевафо, танлаганим суймайди юзсиз, интилади бевафоларга.

Ўз жисмимга беркинган юрак, билсанг доим оғриб яшайди. У хам ўксик мухаббатини, хануз эслаб-эслаб туради.

Бирдек инсон эканмиз қара.

Сенинг юрагинг хам сенга бевафо. Бўлмаганда бунчалар бебурд, мени танлаб қийналармиди?

Кечир энди, кечирақолгин, ўз қалбингдан итқитақолгин,  кетгин дея тилингдан эмас, қалб тўридан қувиб  юборгин.

Қийнамагин мени хам бошқа, тушунаман бу дардни мен хам, ёлвораман бошқа ўкинма,  мунгли нигохингла мени тиғлама...   

Кечир мени айта олмадим, севгим дея қувноқ шодланиб, ўз бағримга боса олмадим, юрак зарбларини тинглай олмасдан..

Ишон, сендек хеч ким кутмаган, исмимни хам мисоли куйдек,  эркалабгина  чақирмаган хам.

Кечир мени адашган севги, сўқир мухаббатнинг мажрух юраги...

Ишқинг лаъли бўламан девдим,

            афсус...

                           кўзларингда ёш бўлиб қолдим...

Аслида инсонлар бевафо эмас. Инсонларга туйғулар бевафо бўларкан...

На самом деле не люди предатели, а чувства людям не верны.

 Болалигимда ойим юрагингни қўлингга олиб боргандек ишқни тақдим этгин дегандилар. Катта бўлиб хамиша юрагимни шундай тутганча топширардим. Гохида титрардим, гохи қўрқмасдим, негадир кўпинча маъс қолардим.

Гохи ердан қоқиб-суқиб олардим, гохи оловини шошиб ўчириб, гохи музлаганда базўр илитиб, юрагимни яна кўтариб юрардим...

Энг қийини яраланганда қонларини тўхтатолмасдим, кейин эса чандиқларини бошқалардан яширолмасдим....

Сени учратганимда қанча гапирсам,  шунча қўрқдим. Бу гапларнинг сийқаси чиққан, ишонармикан деб. Кечалари, ишонсанг сўзлар танлардим, ўзимга ўқитиб тайёрланардим.

Охири ойимнинг сўзларини эсладим. Сўнгги ният билан юрагимни бу сафар қўлимда авайлаб хам эмас,  титраб хам эмас, ховучлаб бордим.

Юрагимни олмадинг-а....

Болалигимда  куйган, кир босган, ямоқ-ясоқ ва хеч кимга керак бўлмай қолган  юракни нима қилишни ойим айтмаган экан...