Бош сахифа » 2014 » Январь » 25 » Кун фикри: Кимни алдаяпмиз? Худоними?
12:56
Кун фикри: Кимни алдаяпмиз? Худоними?
Кўзи оч одамдан аслида кўзи тўқ одам гохо хавфлироқдек. Сабаби, аксарият кўзи оч инсонлар нормал ва стандарт нарсаларга интилишади. Кўзи тўқларни айримлари эса....мумкин бўлмаганига интила бошлашади.

Кўзи очлар етганига шукр қилса, кўзи тўқи имкон қадар таъқиқлар устида одамларнинг хаётини, керак бўлса хавф остида қолдириш йўлида хам тап тортмайдилар. Чунки, хаётда кўп нарсага эришишга ўрганган кўнгил, ўртанганида мумкин эмасига етишмоқ хам шартдек бўлаверади.

Катталарнинг катта ўйини... 
Мансаби улуғнинг иймони сустлашмасин, хамёни каттанинг шукронаси йўқолмасин, зеро харқанча имкони кенг бўлганнинг нафси хам кенгайиши оддий холатдек.

Сўнгги пайтлар муғомбир кўзи тўқ ва маккорлардан,  кўзи оч бўлсада, аммо соддароқлар хурматга сазоворроқдек. Менинг наздимда!

Бир вақтлар ёзгандим, камбағалларнинг аксарияти қувноқ холатда юради, сабаби улар ўз орзусига ЕТИШИШ илинжида бахтиёр, порлоқ келажагига ИШОНЧ билан ижобий хислатларини мустахкамлаб боради. 
Аксарият бойларнинг қовоғидан қор ёғиши эса, келажагини шу қадар кўра билиши сустлашиб қолганида. Нимага интилиш бўлсин? Нима орзу?
Жараённинг ўзи қизиқ. Орзунинг ўзи гўзал. Интилмоқнинг шижоати завқли.

Хаммасида бир жавоб, бир ечим ва бир даво: Шукрона?!
Бу камлик қилади. Натижаларга жуда камлик... худбинликдек туюлади. Шукр қилиб хамёнинг устида атрофда зорларга қараб ўтишнинг кимга нима фойдаси бор? Ўзингга шукронангданми? Бефойда шукр...
Мажбурмассан, бироқ бир тахлил қилингчи, бефойда шукр... фойданг тегиши мумкинлигини билиб, шукрни бахона номи билан алиштирмоқ. Кимни алдаяпмиз? Худоними?

Боймисан? Орзуларингга етган инсонмисан? 
Атрофингга боқ! Узоққа эмас, шундоқ ён-верингга кўзингни оч.
Сен учун чақадек туюлган пул эвазига келиши мумкин бўлган шундай мўъжиза кутиб яшаётган, орзусини кечалари уйқудан олдин Худога пичирлаб чин дилдан сўраётганлар қанча.

Хайрия хам эмас, шунчаки уларни орзусига калит бўлиш, шахсан сенга чўнтагингдаги ортиқча бўлган бир икки юз минг билан бахоланар. Сенинг бир кунлик овқатланиш пулингдир, аммо кимгадир бу бир олам. 
Ёки бир кун молдек ичиб, эрталабгача хожатхонадан қўшниларга "Боғ аро" "қўшиғини куйлаб" текин концерт бериб , натижада  икки кун капельница остида ётқизадиган харажатинг эвазига бир неча одамни хаётини сақлаб қолиш имконинг бордир.
Улар умри охиригача сени номингга шукр айтганини , юқоридаги шукринг билан фарқи қанчалик экан?

Хавфли тўқлик ечимим хам шундан иборат: Бўлишмоқ ва завқланмоқ! Кимнингдир орзусига сабабчи бўлиб, ўша инсонни рахматига қулоқ тутиб эмас, кўзларига бир қараб, уларнинг чақнашидан завқланиш нақадар бахт!

Инсоният бойликка интилиши тубида бахт тушунчаси ётадигандек. Етдим деганингдами, ё кейинчи? деган саволидами?
Яна, яна ва янами?

Етдингми? Ортганидан завқлан, бошқаларга орттираётганингдан завқлан! СЕН сабабчи бўлган АКСАРИЯТ бахтидан завқлан!

Ўзингни бахтингдан кўра аксариятнинг бахтидан завқланмоқ ва уларга сен сабабчи бўлганингни ўзи асл шукрона, хам шараф, хам савоб ва хам тасвирлаб бўлмас хақиқий ва хаққоний бахт!

 Амалда синаб кўр, хаммасини сезасан!
 
Бўлим: Din | Кўрилган: 7797 | Чоп этди: Sayyod | Теглар: Fikriston

Нравится
Барча изохлар: 10
1 Shahzod   (25-Янв-2014 13:02) [Материал]
Dimgidek Manoli va O'ylantiradigan Fikrlar ,Qoyil !

2 nav   (25-Янв-2014 13:30) [Материал]
yashang umringiz uzoq bulsin afsuski shu boylar bularni uqirmikin ha mayli hammaga olloh insof bersin

3 Jasur   (25-Янв-2014 14:52) [Материал]
Lolani konsertini nie yozmadila?

4 MeRoJ   (25-Янв-2014 15:16) [Материал]
Етдингми? Ортганидан завқлан, бошқаларга
орттираётганингдан завқлан! СЕН сабабчи бўлган
АКСАРИЯТ бахтидан завқлан!
qoyil oka zo'r gaplar sizdek aqili insonga xovas qilsa arziydi

5 Bek8111   (25-Янв-2014 15:35) [Материал]
Доно халкимиз бекорга айтишмаган "Бирни куриб фикр кил, бирни куриб шукр" деб. Пули куплигидан узига хаддан зиёд ишонворишнинг окибати булар. Бунга мисолларни хохлаганча келтириш мумкин. Дэвид Коперфилд хам узига куп ишониб охири нима булди. Лекин бойлигидан унумли фойдаланадиган  яъни яхши ва савоб ишларга сарфлайдиган инсонлар хам йук эмас. Дунё мисолида олиб карайдиган булсак менинг билишимча Стив Жобс хам яхши инсон булган. Умри канча колганлигини билса хам шу тезрок колган умрим давомида янгиликларни чикариб халкка етказиб бериб кетишга улгуришим керак деб жон куйдирган. Вахолангки, умрим оз колди деб бор туплаган бойликларини еб ичиб, колган умрини кайф сафода утказса хам булар эди. Улим хак, эртами, кечми барибир у келади. Шунинг учун имконимиз борми, имкони йукларга ёрдам берайлик. Ердам бериш кулимиздан келмайдими ердам берадиганларга хасад килмайлик.Кимдир курсатиб, мактаниб яхшилик килгиси келади. Яна кимдир эса умуман сездирмай билдирмай яхшилик килгиси келади. Майли мактанишса хам яхшилик килишса булгани. Кимникини кабул киладию кимникини йук бу бизнинг ишимиз эмас. Яратганнинг хукмига хавола. Мухими ердам бераяптими шуни узи етарли.
Баъзида уйлаб коламан хар бир инсонни ичида яна битта инсон булади. Ичидаги инсон хакикий инсон булса керак деб. Чунки хаммамиз биламиз нима тугрию нима нотугрилигини. Ичи кора, кунгли кора инсон деймиз баъзида. Лекин уйлашим буйича анашу кунгли кора инсонни хам кунглида яхшилик килиш илинжи умиди булса керак. Яъни ичидаги инсонни виждон деб оладиган булсак. у хар бир одамда бор. кимдадир купрок, кимдадир камрок. Кимдир купрок ишлатади, кимдир эса умуман ишлатмайди. Лекин энг мухими бор. Кимдадир уша ички инсони кучлилик килиб купрок уша ичидаги инсонни айтганини килса. Кимдир ичидаги инсонни баъзида айтганини килади. Умуман айтганини килмайдиганлар хам йук эмас. Виждон хеч качон нотугри йул курматмайди, агар у ишлаб турса. Виждон хам арра ва болтага ухшаш нарса канча ишлатсангиз шунча яркираб очилиб бораверади. Агар ишлатмасак аксинча занг босиб колади. Агар уни ишлатиб юрсангизу бир икки ишлатмасангиз у уз тиши ва тиглари билан сизни ичингизни гажиб бошлайди. Хаммамиз виждонимизни яркираб ишлаб юришига харакат килайлик.

6 ledy   (25-Янв-2014 18:34) [Материал]
Биз истаган асл нарса бу хотиржамлик. Буни кимдир бой булсам маза килиб яшаймн деб уйласа керак.

7 Your_Prince   (26-Янв-2014 19:18) [Материал]
tabaqachilik rivojlanib ketmasa bo'lgani

8 Юрист-афиритс   (27-Янв-2014 00:15) [Материал]
Ўзингга тегишли бўлмаган нарсага жон борича интилма, барибир у сенга насиб этмайди.
Аммо, ўзингга тегишли бўлган нарсага хам жон борича интилма, у барибир сендан бошқасига насиб этмайди.

Бахт - бу мен бахтлиман деб айта олиш. Бахт - бу кимнидир бахтли қилганингни хис қилиб уйқуга кетишдир.

9 Юрист-афиритс   (27-Янв-2014 00:18) [Материал]
Хар тонг уйғонганингда нафас олаётганингга, қуёшни кўрганингга Оллохга мингдан минг шукрона келтир. Кечқурун уйқуга ётишдан олдин Оллохга сенга етказган барча неъматлари-ю омадлари учун мингдан минг шукрона келтир. Ахир билмайсанку эрталаб кўзингни очиб қуёшни кўрасанми йўқми?...

10 LiamNeeson   (27-Янв-2014 11:49) [Материал]
''Одамлага ердам кигин биродар'' диб перевод киса булади. Тогри Комилов езгандей кечкурун пичирлаб ухледигонла куп росаям. Килиш кере яхшиликни, хар хил рангидан. Шукр сабабиданми или рахми кеганиданми, бахтти сезиш учунми. Сабаб мухиммас. Лижби самимий ва (хуфиена) темний булиши, менимча. Худо хар хил касалликлани бермагани, йулдан утятганда мошина уриб кетмаятгани, туйиб овкат еганимиз йоки умуман юта олятганимиз учун, устимизда кийкирик мода кийими, чунтакда айфонни охиргисилиги учун умуман за все шукр кимаслик гунох точни. Уша шукрри бошкалага яхшилик килиб ифода килинади

dth="100%" cellspacing="1" cellpadding="2" class="commTable">
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

YUQORIGA!