Яна саволларимдан толиб,
Сокиндаги шовқиндан безиб
Қани қайларга қочиб кетиб,
Кимга керак, керакмас сезиб... 

Ўзим билан ўзим курашиб,
Ожизликдан хўрлигим келиб
Ўзимни хар охангга солиб,
Кимга керак, керакмас билиб... 

Сабабларни тўқиб чиқариб
Овунмайди барибир ишқим  
Биламан  ўзим айбдорлигим
Кимга керак керакмаслигим... 

Одамманку менам оғриниб,
«Лойиқмидим?»-саволи эзиб
Кўзларимдан аччиқ ёш сизиб,
Кимга керак, керакмас сезиб...

Аламларим бўғзимдан тутиб,
Ўз қадримни нархини билиб
«Шунчаларми хорлигим?!»-дея
Кимга керак, керакмас билиб... 

Уйга қайтар афсуслар қилиб
Бироз муддат бошимни уриб.
Эшигимдан киролмай йиғлаб,
Кимга керак, керакмас билиб... 

Қон-қариндош ё мухаббатинг
Хаммасида манфаат билдинг
Тушунасан шунда...
                      тегмай ёрдаминг

Кимга керак, керакмаслигинг...

(c) Sayyod                                                                                                                                  19/01/2023