Изланарди турли бахона, бир кўрмоққа, гаплашмоқ учун... назоратсиз табассум билан, ёнар кўзлар, енгил хаяжон...
керакмасдек ортиқча сўзлар. Юракларнинг қулоғи хислар! 

Кет деса, кетгиси келмаган кунлар, ёнингда қолмоққа бахона излар...
Тегинма деганда қаттиқроқ тутиб, қалбингга ўрнашиб яшагандилар... 

Ўтар умр, ўтар туйғулар. Алишдилар ўринма-ўрин. Шарт хам эмас кўришмоқ энди, баланд учган гаплар чиройлик.
Завқланамиз хислардан эмас, айтиб, таскин топар сўзлардан.
Билиб ранжиса-да юраклар, чалғитамиз малхам-гаплардан. Ўрганиб қолибмиз уларга, ёлғон таскин юпанчга қолиб. 

Етиб келар муносабатлар, ёнгинангдан осон ўтилса....
Минг соғиниб чорлайверганда, кўрмасликка бахона айтса... 

Кел деса, келгиси малол келганлар, ёнингдан совуққа қочиб қолганлар,
ўзи ўзгаргану, ўзгардинг дея
яна бир бор ўзингни айбдор қилганлар... 

Энди бу тарихда қолган ёлғонлар: 

«изланарди турли бахона, бир кўрмоққа гаплашмоқ учун...
назоратсиз табассум билан, ёнар кўзлар, енгил хаяжон...
керакмасдек ортиқча сўзлар. Юракларнинг қулоғи хислар!»

(c) Sayyod                                                                                                                         14/01/2023