Бош сахифа » 2012 » Июнь » 25 » Кикбокс "мастер"и ижодда зарба бермоқчи: Халқ артисти бўламан!
06:24
Кикбокс "мастер"и ижодда зарба бермоқчи: Халқ артисти бўламан!
                Шоу-бизнес ривожланганда ривожланиб, рейтингда бўлиш тугул,  шунчаки қиёфани ёдда қолдириш қийин кечмоқда. Салмон бирина "Ўзимга топмай жой” қўшиғи билан тобора ўзига қизиқиш туғдираётганини, менга бўлаётган талаблардан билмоқдаман.
Кимдир уни номерини излаган, кимгадир тезроқ у хақида мақола керак, кимдир уни кўргани захоти юраги така-пука бўлгани, яна кимдир уни Шохруххонга тақлидда айблаган.

Бизнинг шахсий назоратимиз натижасида дархақиқат Шохруххонга тақлид бордек туюлди. Сабаблари кўп,  кўринишдаги имидж, қўшиқдаги ўхшаш йўналиш ва "Чорлайсан” қўшиғию, сўнгги пайтлар қизил рангни имидж қилиб олган Шохруххондек қип-қизил кийимда тадбирда  пайдо бўлиш.... Энг қизиғи, Салмоннинг продюсери Тохир, аввал Шохруххонда маъмур бўлган.

Ундан ташқари, унинг асл исми Улуғбек эканлиги ва асли кикбоксер бўлиб, чемпионликларни қўлга киритганидан хабар топганимиздан сўнг, қани бир бу йигитчани саволга тутиш йўқми?-деган фикр пайдо бўлди.
Сайтимиз жамоаси сўнгги пайтлар деярли хар куни кирадиган "Бонита кебаб” кафесида Салмон билан учрашдик.

Sayyod:-Асл исмингиз Улуғбек эканлиги ростми?
-Рост

Sayyod:-Нима учун Салмон? 
Салмон:-Менга шу исм ёқади.

Sayyod:-Хинд актеридан хавас қилинганми?
Салмон:-Йўқ,  актер Салмонхонга хавас эмас. Шу исмни эшитганимда ёқиб қолган.

Sayyod:-Қаердан эшитгансиз?
Салмон:--Салмон деган танишларим бор, ўшаларни исми ёқарди. Мен учун қадрли бўлган инсонлар хам шу исмни айтишган. 

Sayyod:-Бошқа яна нима билан шуғулланасиз?
Салмон:--Санъат сохасига болаликдан қизиқаман. 

Sayyod:-Энди кириб келяпсиз...
Салмон:-
-Энди кириб келяпман лекин болаликдан қизиқиш жуда катта! Тўғриси. Имконияти бўлмаганди, мана энди Худога шукур имконият бор. Продюсер ва маъмур сифатида хам Тохир акани (Шохруххонни собиқ маъмурини назарда тутади) ёрдам катта бўляпти. 
 Суратда Тохир ва Бобур Умаров билан.

Sayyod:-Бир хонандага  қизиқишингиз натижаси  ё   стратегия  қўллангандек... Шохруххон!
Салмон:-
-Ааа Шохруххон (жилмаяди) 

Sayyod:-Тасодифлар кўп, имидж, у чорла деб куйласа, сиз чорлайсан деб куйлайсиз, уни қизил кийимдаги имиджи каби, сиз хам қизил кийимда кийиниб келяпсиз
Салмон:-
-Шохруххон ўзимизни окамиза-ю, уларга унақа тақлид йўқ. Рақиб қилиб қўйишди, эшитдим бу гапларни . 

Sayyod:-Уни асабига тегиш стратегиясими?
Салмон:-
-Йўғ-э, ўзимизни яқин окамиза-ку. Ўзлари хам бу хақида эшитдилар. 


Sayyod:-Мухлислар эътиборини тортиш учун пиар йўлими?
Салмон:-
-Хеч қанақа ундай йўл йўқ. Мени ўзимни йўлим мана шу, Шохруххонгаям бошқасигаям тақлид қилиб эмас!

Sayyod:-Тасодифлар кўпдек
Салмон:-
-Йўқ, ўзимни қизиқишим. Ўзи кийинишим хам шу ёшлигимдан бери шу имиджда.

Sayyod:-Қизил-а?))
Салмон:-
-Қизил ранг ёқади.

Sayyod:-"Чорлайсан”  хам тасодифми?
Салмон:-
-"Чорлайсан” лекин ёқиб қолганига анча бўлган . Устозим Бобур Умаров ўзларига ёзгандилар,  ўзим куйлайман деб. Менга  қўйиб берганларида ёқиб қолганди, илтимос қилувдим бердилар.  Илк "Ўзимга топмай жой”  қўшиғимдан тортиб хамма қўшиқларни Бобур Умаров ёзиб беряптилар.  Шохруххонга умуман тақлид йўқ, Шохруххон ака ўзлари хам биладилар. Тохир акани Шохруххонга атайин қилаяпти деган гапларини хам эшитдик, лекин ундай эмас.

Sayyod:-Бошқа тарафдан бундай фикрлар туғилишига асос хам бор-да. Аввал Шохруххон билан ишлаган одам хозир сиз билан ишламоқда. Ва сизда ўхшашликлар кўп.
Салмон:-
-Шохруххон даражасига етгунча хали бизага бор. Хавас қиламан албатта, лекин тақлид эмас. Ижодларига хавас қиламан ва хурмат қиламан.

Sayyod:-Яна кимларга ижод тарафлама хавас қиласиз?
Салмон:--"Сарбон” гурухига. 

Sayyod:-Хонанда Дилсўз билан бўлиши кутилаётган дуэтингиз хақида. Нима учун айнан Дилсўз?
Салмон:--Ижоди ва овози ёқади. Биз ўзимиз таклиф билан чиқдик, қўшиқ ғояси хам биздан. Қўшиқда мен айтадиган жойлар оғирроқ, Дилсўз айтадиган жойлари эса баланд нотада бўлади.

Sayyod:-Болаликдан санъатга қизиқиш қандай кечган? Нимаси қизиқ? Қўшиқ куйлаш, ўзингизни кўрсатиш?
Салмон:--Қўшиқ куйлашга қизиқиш катта, мактабда хам мусиқа дарсидан фақат 5 олардим.

Sayyod:-У пайтлар кимни ижодидан куйлардингиз?
Салмон:--Ботир Зокиров ва Фаррух Зокировни қўшиқларини куйлардим

Sayyod:-Ботир Зокировни масалан қайси қўшиғини?
Салмон:--"Раъно”ни айтиб юрардим. 

Sayyod:-Қани бир жонли ижродан бўлсин "Раъно”дан
Салмон:--Йўўўқ  (уялиб кафедаги мижозларга қараб қўяди)

Sayyod:-Болаликдан қизиққан одам жонли айтолмайдими?
Салмон:--Йўқ, хозир бу ерда ғалати-ю...

Sayyod:-Нима қилибди, халқни олдида ишлайсиз-ку,  халқ олдига расмий равишда чиқяпсиз, нимасидан уялиш мумкин? Майли туриб олибмас, шунчаки куйлаб беринг...

(уялиб, кулади)


Sayyod:-Сўзлари ёдимда йўқ бўлади а?
Салмон:--(Кулади) Шунақароқ.  Лекин санъатга болаликдан қизиқиш катта, тўғриси. 

Sayyod:-Боксер бўлганлигингиз ростми?
Салмон:--Хозир хам.  7 ёшимдан бери шуғулланаман, мусобақаларда қатнашиб келмоқдаман, "Мастер спорта”м бор, "Камар”им хам бор. Охирги маротаба 2006 йил Ўзбекистонда ўтказилган Кикбоксинг бўйича жахон чемпионатида 55та мамлакат вакиллари қатнашиб, мен (Улуғбек Маликов) 2-чи ўринни олдим. 

Sayyod:-Улуғбек Маликов, батафсилроқ..
Салмон:--1989 йил  24 январь куни туғилганман. Авиация институтида ўқийман.

Sayyod:-Болаликдан санъатга қизиқамиз, Авиация институтида ўқиймиз ва кикбокс билан шуғулланамиз...
Салмон:--Тўғрисини айтсам, онамни ниятлари билан авиация институтига кирганман. Хажга борган пайтлари самолётдаги учувчи ва борт инженерларини кўриб, бу касбга хавас қилганлар.

Sayyod:-У сохада ишлаб кета олармикинсиз?
Салмон:--Унақа зўр эмас қизиқиш, санъатга қизиқишим кучлироқ

Sayyod:-Спортчи сифатида  билиб, энди хонанда сифатида намоёнланган Салмонни оила аъзолари ва яқинлар қандай қабул қилишяпти?
Салмон:--Оила аъзолар хаммаси қўллаб-қувватлашмоқда. Спортчи дўстлар хайрон, "Сендан кутмагандик” дейишди. Аввалдан мени таниганлар эса "Охири ниятингга етибсан-да” дейишди. 

Sayyod:-"Одноклассники” сайтида статусга сиз учун қандай савол бериш мумкинлиги хақида савол бергандим. Хозир улардан қизиқроқларини берамиз:
"Спонсори ким, или адасида "соққа” кўпми?

Кулгу кўтарилади

Салмон:--"Спонсорим” (ўйланиб) адам! 

Sayyod:-Демак дадангизда  "соққа”(пул) кўп?)))
Салмон:--Кўп эмас, мен илтимос қилдим. Санъатга қизиқишимга ишонтирдим, ва дадам амин бўлдилар.

Sayyod:-Кўзимни олдига келтириш қийинроқ, ўғли спортчи бўла туриб, бирдан санъатга қадам қўйса, хайрон бўлмаслик қийин.
Салмон:--Мактаб пайтиданоқ, алгебра ва геометриядан кўра, дадам мусиқа устозимдан яхши гап эшитардилар. Шуларни эслатдим. Ростан қизиқишим хақида суриштиргач, кейин қўллаб-қувватлай бошладилар.

Sayyod:-Яна статусдаги саволлардан "Нима учун ўзини имиджини яратмайди ва Шохруххонга тақлид қилади?”
Салмон:--Имиджим азалдан худди шундай. Лекин тўғриси, мактабни тугатиб, институтда 1 курс пайтларимда  Шохруххон деб менга лақаб хам қўйиб олишганди. Лекин яна қайтараман: уларга тақлид қилмайман, уларни ўзимни окам деб биламан. Ижодни бошлаганда уларга ўхшаш тарафлар борлигини ўзим сезмагандим, кейин сайтингиздан ўқиб ўйланиб қолдим. 

Sayyod:-Мендан бошқа хеч ким фикр билдирмадими?
Салмон:--Йўқ хеч ким айтгани йўқ.

Sayyod:-Мен айбдор а? Зарба беради а?))) Фикрим ноўринмиди?
Салмон:--Йўқ, лекин шу хам сабаб бўлди. 

Sayyod:-Сиз билан сухбатлашишимизга хам хозир шу сабаб бўлди.
Салмон:--Менга хозир у-бу ким қандай фикр билдирса, мен фақат хурсанд бўляпман. 

Sayyod:-Санъатда нима каромат кўрсатмоқчи деган савол хам беришибди. Рости хам, санъатимизда алохида ўзлиги билан ажралиб чиққанлар жудаям кам. Дадо, Ал-Вакил, Сетора каби. Ёшлардан танқидларга учрагани билан ўша  Жасур Умировни хам  бақириб куйлайдиган ўзига хос йўналиши мавжуд. Сиз хам қандайдир ўзлигим билан чиқай, нимадир қолдирай деган тарафларини ўйлайсизми?
Салмон:--Хамма санъаткор ўзи олдида шундай мақсад билан  чиқади-ку.  Вақт кўрсатар, Худо хохласа яхши тарафларимизни намоёнлармиз.

Sayyod:-Хўш, спорт энди нима бўлади?
Салмон:-
-Спорт хам ўз йўлида кетмоқда, лекин энди шунчаки ўзим учун. Авваллари спортга жиддий қараб, чет мамалакатларига чиқиб, охиригача шу йўлдан кетиш ниятлар бор эди. Чунки ўша пайт санъатга имконият бўлмаган.  Унга бўлган қизиқишимга хам хеч кимни ишонтира олмаганман. Ёрдам қилишди..оқлайман!

Sayyod:-Спортдан ютуғингиз хозирча иккинчи ўрин экан. "Генерал бўлишни орзу қилмаган аскар, аскар эмас” деган бир гап бор. Санъат ўзига бир тортиб кетадиган нарса. Албатта 2 ўрин хам катта ютуқ, лекин ўша сохада ғолибликни тўла эгаллаб кейин...
Салмон:-
-Шахар, вилоят ва Ўрта Осиёдаги мусобақаларда биринчи ўринни олганларим хам бўлган. Жахон чемпионатида эса  финалда Таиландликка ютқазиб қўйиб, 2 ўринни олганман. Лекин, спортчи ютишни хам, ютқазишни хам билиши керак. Кейинги сафар албатта ютаман, барибир биринчи ўринни оламан деган ният бўлган. 

Sayyod:-Демак, жахон чемпионатида 2 ўринчалик зарбаларингиз бўлса, шоу-бизнес оламидаги зарбаларингиз энди қандай бўлиши мумкин? Ё шунчаки машқ майдонимикан? Қизиқиш деганингизга айтяпман, ё хақиқий ижодий жангга киришиш нияти хам борми? Нокаут қилиш масалан шоу бизнесдагиларни?
Салмон:-
-Ўзимни ўрнимни топиб кетаман Худо хохласа. Бу нарсага ишонаман! Қизиқишим қанчалик кучли эканлигини гап билан тушунтириб бера олмайман. Буёғига шунчаки хобби эмас, мақсадим  жиддий. Ниятларим катта, халқ артисти бўлгим келади.


Sayyod:-Кикбоксингда иккинчи ўринда бўла туриб, санъатда биринчи бўлиш  ниятлари ёмон эмас.
Салмон:--Халқ артисти бўлиш орзуим.

Sayyod:-Шундай йўналиш орқалик а?)) Йигирма йилдан кейин ўзингизни қайси йўналишда кўряпсиз? Дейлик халқ артисти даражасидаги ёшга етдингиз. 
Салмон:--(кулади) Билмадим, энди буни вақт кўрсатади. Лекин мақсад ва ниятлар катта!
 

Сизга аталган саволларим  айтарли  кўп эмасди, хали сизни анча кузатишимиз керак. 
 Секин секин саволлар туғилаверар, лекин одамларда қизиқиш уйғота олганингиз, илк ютуғингиз бўлса керак. Буни бизга сиз хақингизда сўраб мурожаат қилаётганларни сони ортаётганидан билсак бўлади. 

Шундай артистлар борки, йиллар давомида ижод қилаётган бўлса, беришга савол топилмайди. 

Сизда эса хали эндигина ижодни бошлаганингизга қарамай, ўша ўхшашлик интригасидан тортиб, асли спортчи эканлигингизгача қизиқса бўладиган саволлар  бор. 
Адашмасам спортчилар бўлмаганди, яна билмасам...

Хотимага ёзилган жавоб:
Салмон:--Илк маротаба сахнага  9 май куни "Истиқлол” санъат саройида чиқдим. Сиз билан сухбатим эса биринчи интервьюим.
 

Бўлим: Suhbat | Intervyu | Reportaj | Кўрилган: 6606 | Чоп этди: Sayyod | Теглар: Salmon

Нравится
Барча изохлар: 22
1 Xurshida   (25-Июн-2012 07:43) [Материал]
ну энди курамизу ижодларини канчалар Шохруххонга таклид кивотганларини. Но омад манга "узимга топмай жой" ёккан эдилар.

2 Gulsum   (25-Июн-2012 08:54) [Материал]
Манга ижодлари роса ёк,ти гап йо! Ман чорлайсан, узмга топмай жой: к,ошуларини радиода эшитиб к,олиб узиям 1ой диганда ким этканини тобганман! Музыка овоз жуда ёк,имли билмадим манга битада ёк,б к,оган к,ошулари! Шохраухонгами бошк,асигами так,лид к,лишвотими значет нимдадр бор булада! Буям хаммагаямас, Салмон бундан хапа эмас балки хурсан болшлари кере! Ман улага омад тилиман!

3 Dilshod_A   (25-Июн-2012 09:24) [Материал]
omdini bersin chorlaysanni yaxshi etibdi

4 Kamola_5   (25-Июн-2012 11:33) [Материал]
Aviatsiya instituti 4 yil oldin yopilib uning binosi Westminsterga berilgan u hozirda akademik litseyku,qiziq qayerdagi Aviatsiya institutida o'qirkan? biggrin Hozirda faqat Toshkent davlat texnika universitetida Aviautsiya fakulteti bor.

5 Diyoraxon   (25-Июн-2012 11:41) [Материал]
bu qo'shiqchini nominiyam o'ziniyam endi ko'rib turishim, ashulalariniyam eshitmadm hali, lekn intervyu judayam qiziq o'tipti, uni o'qib chiqib beixtiyor g'oz haqidigi masal esimga tushib ketti biggrin etardiyu: "ham suvda suzaman, ham yerda yuraman, ham osmonda uchaman" biggrin

20 Bakhtisher   (26-Июн-2012 23:48) [Материал]
Gaplaringizni o'qib beixtiyor kulib yubordim, lekin hozirdan bir narsa deyishsa sal erta menimcha! Aslida men bu yigini birinchi marta ko'rib turibman, qo'shiqlarini hali eshitganim ham yo'q, biroq hammaga ham bir imkon berib ko'rish deyishadiku! Lekin oxirgi gapizga gap YO'Q!!!:-D

6 gulim89   (25-Июн-2012 11:59) [Материал]
Балки бошкага таклид килиб уз урнини топмокчи булгандир. Кийинчалик уз йулини топиб кетар бу танкидладан сунг

7 Ulugbek   (25-Июн-2012 13:10) [Материал]
Чорлайсан кушиги яхши чиккан

8 DiLinZaDa   (25-Июн-2012 13:38) [Материал]
Salmon Udaci faqat oldinga intilin Siz albatta XALQ ARTISTI digan nomga sazovor bulas XUDO XOLASA mi tebe verim!))) SARDORaka Intervyu judayam qiziqarli bugan RAHMAT KOTTAKON Sizga OMAD tilamiman Chunki siz uziz OMADli YIGITsiz!)))

9 Feruza   (25-Июн-2012 14:02) [Материал]
Salmonga omad tiliyman.Inervyu uchun raxmat.

10 Alisher_A   (25-Июн-2012 14:20) [Материал]
Кушик яхши чиккан!омад Салмонга...:-) Аммо сардор ака шу кушикчига нега бунча ёпишволдиз? Качон сайтга кирсам шу Салмон хакида ёзасиз?Уз кучи билан юлдуз бусин

11 skarlett   (25-Июн-2012 15:22) [Материал]
salmoooooooooon

12 skarlett   (25-Июн-2012 15:23) [Материал]
super

13 Bahti   (25-Июн-2012 15:56) [Материал]
Ajoyib bolamikan))

14 gabarjuba   (25-Июн-2012 16:11) [Материал]
1 yildan keyin bu bolani hich kim eslamidiyam

15 izzatbek   (25-Июн-2012 16:32) [Материал]
халк артисти боламан дидими))) сардор ака жавобниям едириб койипсизу а? Омадини берсин. Лекин бу йоналишда халк артист бир чекада уйокда турсин, хизмат корсатканам бумаса кере. Яна билмадим. Омадини берсин

16 Frenk   (25-Июн-2012 19:50) [Материал]
Maladess niyatla yaxshi,omad hali ishitib kurmadim qushigini yaxshi suxbat bulibdi,intilganga tole yor faqat olga oldinga cool
Mani akam boriydi xuddi shunga uxshaykan hozirda mani okam kasal,ancha uzgargan,bir egitga 40 xunar oz,Xal artisti bulish yaxshi lekin pogonama pogana kutarilish ancha mexnat talab qiladi,lekin orqaga chikinmay maqsadga intilish keray .

17 Zulfiya_A   (26-Июн-2012 01:09) [Материал]
Ulug'bek Malikov звучит лучше,чем Salmon cool
и да не верю я ему,что он не подражает Шохруххону...не верю!))

18 Dilfuza   (26-Июн-2012 01:33) [Материал]
Salmoni javoplaridan keyin umuman fikrim özgardi,boshida bir körinip yö böp ketadigan artistga öxshödi,ishlariga omad,orzulari amalga oshsin.Mayli Xalq artistiniyam osin xamasi Hudodan.OMAD.

19 moki   (26-Июн-2012 23:30) [Материал]
hmmm omad

21 Bakhtisher   (26-Июн-2012 23:54) [Материал]
Men Salmonning o'rnida bo'lganimda sport sohasida davom etar edim. Menimcha u san'atga qiziqmaydi, shunchaki mashhur bo'lgisi kelgan xolos, yana xudo biladi. Agar shu darajada san'atni sevsa aviatsiyadan chiqib konservatoriyaga topshirsin. Ko'ramiz hali bu bola kinoda rol o'ynab qolsa ham ajablanmasdim. Lekin omad tilayman. Aytishadiku, tajriba eng zo'r muallim deb!!!

22 Abduhalil   (06-Июл-2012 16:00) [Материал]
Ustoz körmagan odam boshini har teshikka tiqib köradi.

dth="100%" cellspacing="1" cellpadding="2" class="commTable">
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

YUQORIGA!