Юлдузга уйланаман дерди... "Ота фарёди" қахрамони Muhlis Minbari
Юлдузга уйланаман дерди...

Ёқдими?

Бошқаларга хам кўрсатинг:

Хабарингиз бўлса сайтимиз орқали Юлдуз Усмонова томондан "Ота фарёди” деб номланган қўшиқ куйлангани,бу қўшиқ бир инсоннинг хаётидан олинганлиги айтиб ўтилган эди.

"Якшанба-мухлис минбари" рукнимизни махсус сонини , шу инсон тақдирига бағишлаб, у билан учрашиб сухбатлашдик.

Даволаш Профилактика Марказида иш фаолиятини юритадиган, Учқун ака деган бу инсон билан сухбатлашиш мақсадида иш жойларига ташриф буюрдим.

Учқун ака: -Икки қиз бир ўғил фарзандим бор эди.ўғлим Жумаев Отабек кенжам, 11 ёш эди. Чирчиқ шахридаги 13- мактабнинг 5-синфида ўқирди. 

2013 йил 15-апрель куни мактабга борган, ўқитувчиси бетоблиги сабаб уйга эрта жавоб беришибди. Мактабдан қайтаётганда сирғанибми билмайман, канал устидаги кўприкдан ўтаётганда сувга тушиб кетган. Сувда ётганини бир қизча кўриб қолиб, катталарни чақирибди. Ботир деган бола қўшним(шу болага рахмат) югуриб келиб, сувга сакраб ўғлимни олиб чиқибди. Касалхонага кеч олиб борилганлиги сабаб, фарзандим дунёдан кўз юмди. 

Менга қўнғироқ қилиб айтишганда, кўтара олмадим, бир тарафим бутунлай ишламай қолди. Онаси адо бўлди бечора. Фарзанд доғи ёмон болам. ..Шунча йил катта қилиб 11 ёшга кирганда йўқотиш бу азоб, дардим ичимда (чуқур ох тортиб сигареталарини тутадилар).

Кузда ўғил тўйларини қилиб бергандим. Шу кўприкка панжара қўйинглар деб минг маротаба айтдим, халигача қўйишмади. Орадан бир қанча вақт ўтиб, уша ерга яна бир қиз тушиб кетиб вафот этди. Бир ойдан сўнг яна бир бола уша жойда жон берди. Учаловлигини қабри ёнма ён хозир. 

Нахот инсон қадри тийин бўлса?!

Ўғлим кичик бўлса хам ақилли, зукко бола эди. Хурмат қилишарди, жанозасида синфдошлари- ю ўқитувчиларини тинмай йиғлаганидан билиб олса бўлади. Фарзанд доғи ёмон болам , буни душманимгаям раво кўрмайман. Бу тақдир, пешонага ёзилганидан қочиб қутила олмаймиз, яратганни иродаси (кўзлари ёшланди).

Юлдуз Усмонова билан учрашув

Тасодифан юз берди бу...шу даволаш марказида хайдовчи бўлиб ишлардим. Ўғлимнинг вафотидан кейин бир тарафим ишламай қолди. Тузалганимдан сўнг,  енгилроқ шу иш,  яъни қоравулчиликка ўтказишганди. Бизда 21:00 дан сўнг кириш таъқиқланади.

Кечки пайт бир аёл келдиб салом берди ва киритишимми, ичкарида устози даволанаётганини айтди.

Киритмадим. Ичкаридан устози чиқиб киритишимми илтимос қилди. Ёши катта одамга йўқ дея олмадим. Қарасам халиги устозини кўришга келган аёл Юлдуз Усмонова экан. Қоронғуда танимабман, рости одам хижолат бўлди...

Жудаям камтарин инсон эканлар, мен бошқача тасаввур қилгандим уларни. Тасаввур қилганимни акси эканлар.

Ичкаридан қайтиб чиқаётганларида тўхтатдим, узуримни сўрадим ва илтимосим борлигини айтдим. Агар қўлимдан келса бемалол деб айтдилар.

Ўғлим оламдан ўтган шу хақида қўшиқ қилсангиз деб айтдим. Гап бўлиши мумкин эмас дедилар ва шошилиб турган эканлар беш дақиқа сухбат қилдик. Шу беш дақиқада бор дардимни сўзлаб бердим. Юлдузхонни кўзлари ёшланди, албатта шу хақида қўшиқ қилишларини айтиб хайрлашдилар.

Ўзи ўғлим Юлдузхонни қўшиқларини ёқтирарди. Телефонида Юлдузни ашулалари кўп эди. Юлдузхонни ашулаларига ўйнаган видеолари хам бор. 

Катта бўлсам Юлдузга уйланаман деб айтарди. Биз хазиллашиб, сенга Марғилондан Юлдуз олиб келиб берамиз дер эдик.

Қўшиқ бўлибдими? Мен хурсандман! (кўз ёшларини артиб) инсонлар тақдирига бефарқ бўлмаганига Юлдузхонга мингдан минг рахмат, отасига рахмат.

 

Сочи оқарган, камида олтмиш ёш кўринган бу инсон, асли 52 ёшда экан. Унинг дард тўла кўзлари ю, инсонни сочини ғам оқартирар экан деган сўзлари хамон кўз олдимда. 

Дархақиқат, ота учун энг оғир юк фарзанди тобутини елкасида кўтармоқлик, уни хотираси билан яшаш. Булар қандай инсонлар ўзи бири тақдир зарбаларига йиқилмай тик турса, бири кўра билмай туриб етти ёт бегонани дардини қўшиқ қилса. Инсонлар орасидаги қахрамонлар улар.

Дунёда мехр оқибат қолмади деганлар адашишади, у бор!

 

Дониёр сухбатлашди.  

 

09-Мар-2014 11:00
Бўлим: Muhlis Minbari | Чоп этди: Sayyod | Тег : Yulduz Ibragimovna Usmonova, Yakshanba-Muhlis minbari
ТЕГИШЛИ МАВЗУЛАРДА:

1 Bek8111   (09-Мар-2014 11:19)
Ха мехр окибат албатта бор. Мехрли инсонлар борлиги туфайли бу олам бор. Отага уз фарзандини тобутини кутариш накадар огир.

2 Dilfayz   (09-Мар-2014 11:29)
Otaga sabr tilayman, bu musibatni ko'tarish huda og'ir, hech kim bolam demasin. Yulduzga esa yana bir bor qoyil qoldim, chunki hadeb sevaman, yonaman, kuyaman deb kuylayotgan san'atkorlarni me'daga tekkan qo'shiqlaridan ko'ra o'rnak bo'ladigan, o'ylantiradigan qo'shiqlar odamlarga ko'proq kerak. Raxmat Yulduzga!

3 zilola   (09-Мар-2014 11:54)
olloh bu ınsonada sabr bersın .yulduz halknın dardını kuylaganı uchunn halk sevb ardolaydı.sılagaym rahmat sayood.sıladanam olloh rozı busın .

4 Your_Prince   (09-Мар-2014 12:26)
Бу дардни бошидан утказганлар билади. Шу каби мен хам. Аввало отага хамдардлигимни билдириб коламан. Хеч кимга раво курмайман бу дардни!

5 Daqyonus   (09-Мар-2014 13:06)
ko'zlaridagi dard u odammi sochini dard oqartiradi digan gapi hamon ko'zim oldida

6 Inkognito   (09-Мар-2014 15:19)
YULDUZ OPAGA RAHMAT MING MARTA HALQ DARDI BILAN YASHAB MAVZUNI HALQ ICHIDAN TOPIB KUYLAGANLARI UCHUN. OTABEKNING OTALARI UCHQUN AKAGA OLLOHDAN SABR SÒRAYMAN ILOHIM ÒĢILNI ÒRNINI BOSADIGAN KUYOVLAR ATO QILSIN OLLOH ÒZI YORUQLUKKA YETKAZSIN

7 Madina0096   (09-Мар-2014 16:09)
Аллох хич кайси бандасини фарзанд догидек синовга дучор кимасин!

8 Zodibek   (09-Мар-2014 16:19)
Эххх афсус ишкилиб ота - онасига худо сабр берсин.

9 Odina   (09-Мар-2014 17:33)
Hayot sinovladan iborat ekan,yaxshi ham yaxshi insonlar kop er yuzida, Otaga sabr tiliyman, Doniyor Yaxshi maqola yozibsiz oxirgi da  Bular qanday insonlar uzi diganizi uqib Vir va Zara esimda tushdi

10 Юрист-афиритс   (10-Мар-2014 00:24)
Чирчиқ шахридаги 13-мактаб бизнинг уйимизнинг теппароғида жойлашган. Онам шу мактабда бошланғич синф ўқитувчиси бўлиб ишлайди. Бу воқеа хақида ўша пайтда эшитгандим. Ростдан хам кўпчилик қурбон бўлган. Опам ўша кўприк орқали ўтиладиган махаллага келин бўлиб тушганлар ўтган йил шу воқеадан 1 ой олдин. Эшитиб биз хам ховотирга тушиб қолгандик. Мана хозир опам фарзандлик бўлди. Шу нарсаларни ўйлаб қўрқиб кетаман. Оллох ўз панохида асрасин хаммани! Юлдуз Усмоновани бу воқеа билан боғлаб қўшиқ айтганига тўғриси қойил қолдим! Ижодларида омад! Хеч кимга бундан жудолик насиб этмасин!

11 Islomiddin   (10-Мар-2014 15:01)
Otaga olloxdan sabir tilayman.bu qo'shiq nafaqat uchqun akani dardiga shu mutxish dartdan azob chekayotgan otalarnixam dardiga malxam bo'la olsa ajapmas(Yuldiz opaga yanada xurmatim oshti

12 nodira   (10-Мар-2014 15:56)
Qayerdan eshitsa boladi bu qoshiqni

13 Maloxat   (11-Мар-2014 13:58)
Salom

14 Gulsum   (13-Мар-2014 00:19)
Tomogim tiqilip yigladim...Bor haqiqatdan ham bor Yahshi insonlar.!

15 anush   (14-Мар-2014 13:36)
уша каналга панжара куйишни иложи йукикан, а ушаттаги мутассади ташкилотлар каёкка карашвотти! битта панжара куйиш кийинми шунчали, бегунох болла улиб кетвотти, бойларга мурожаат кимокчи эдим: кайсидур бар ресторанларда пулларизни совургандан кура канални тусадиган битта панжара куйсаларинг котта савоб тегади силага! ота онала хам хурсанд боларди........эх нега инсон шунчали кузи кур а?

16 Sayyora   (17-Мар-2014 21:37)
Yulduz baribir Yulduzda.

17 Sayyora   (17-Мар-2014 21:39)
Yulduz Usmonovani qo'shiqlari bilan yashayman har kuni kerak bo'lsa har soatda eshitaman ularni qo'shiqlarini.Konsertlarini orziqib kutib qolaman.

18 Odiljon   (07-Апр-2014 14:50)
Xudo sabr bersin, kim keyin kim ilgari.

19 Musofir   (22-Апр-2014 00:16)
Yulduz opa shu inson dardini qoshiq qilib savob topdilar, tanishlari ko`b, bir harakat qilsalar bu ko`prikka panjara qilishga ruhsat va homiyni ham topardilar. Alloh har amalimizga yarasha mukofotlantirsin.

20 Muxlis(OLD)   (19-Июн-2015 09:40)
ALLOH SABR BERSIN... InshaAlloh boqiy dunyoda jannatlarda birga bo'lasiz...
O'sha ko'prikka o'sha atrof aholisi o'zlari panjara qo'yishsa bo'lar ekan. Boylar,amaldorlar aksariyat holatda tushunmasligi mumkin. Uning o'rniga oddiy xalq o'zlar pul to'plab remont qilishlari kerak.

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1008]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [65]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [237]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 26
Мехмонлар: 26
Рўйхатдагилардан: 0