8 октябрь соат 21:00дан Тошкентдаги Ичанқалъа мехмонхонасида шохона кеча бўлиб ўтди. Хар тарафлама! Аввало бугунги кунда  мода ва дизайн  тарафлама хам  ўзбек маликаси номига лойиқ Гули эканлиги сир эмас. Тарихий матолар билан модерн ва эклектик синтези билан  Милан ва Парижни буюк ижодкорларини диққатини тобора тортаётган ва керак бўлса рақобат борасида тобора "қитиқлаб” қўяётган Guli ижоди фақат либослар билан эмас, балки тилла тақинчоқлар билан хам   яхшигина  диққат марказида. Бунинг яққол исботи сифатида танқидлар авж олгани мисол бўла олади. Тош отишга арзигулик мевамисан, мева, дарахтмисан дарахт..))

Қитиқлар ва қитиқланишлар ва унинг аломатлари хақида кеча хақидаги таассуротларимга  салбий оханг беришни лозим топмаган холда, репортажимни хануз менда бу тадбирдан  кечаётган юқори кайфиятда давомлайман:

Кеча ёпиқ тарзда кечиб, фақатгина махсус тарзда таклиф қилинган мехмонлар  билан кифояланди.

Хар тарафлама шохона деганим боисининг иккинчи сабаби, тадбир ўтиши танланган жойнинг номи ва бинонинг кўринишидан то жихозланишигача шохона. Мехмонларни кутиб олиш учун ташкиллаштирилган дастурхонлар хам.

Ичанқалъа мехмонхонаси мен учун шохона бир маскандек сезилди. Суратда кўриб турганингиздек, ховлида совуқ хаводаги очиқ жой учун бундай мосламалар мен учун жудаям қизиқ туюлди. Очиқ хавода худди гулхан олида ўтиргандек ўзингизни сезасиз.

Учинчи сабаб эса, "шохона” мехмон Султон Сулаймон образини яратаётган ва бугунги кунда миллионлаб одамларни тв-га мухрлаб қўйган "Мухташам юз йил” сериали бош қахрамони актер  Холид Эргенч ташрифи бўлди. У кириб келганида одамлар ўраб олиб, тинмай суратга туша бошлашди.

Кўчаданоқ оловли шоу тақдим этилди. Кираверишда Guli бренд логоси тирик гуллардан ясалган.

Биринчи этаждаги залга кираверишда Guli бренди фонида жонли атиргуллардан бежирим стенд.

Ичкарида икки яасама ўтов қурилган бўлиб, уни шох тансоқчиларидек, миллий либосдаги қўриқчилар қоровуллаб туришибди.

Жонли ижролари билан Сато гурухи барчани ром айлаб, кези келганда қизитиб, хорижий мехмонларни хайратлантириб туришди.

Бу инглиззабон фокусчини танимадиму, лекин мехмонларни ғаройиб фокуслари билан росмана ажаблантириб хайратлантириб турди. (видеода лавха бор)

Кеча бошланиб, Guli нинг янги кашфиёти  GULI  VICTORIOUS эркаклар  ва GULI MYSTERIEUSE  атирлари премьераси бошланди.

Экранларда унинг рекламаси намойиш қилинди.

Бу пайтда кечага Гули ташриф буюрди.

Атирларни яралишдаги француз муаллиф сўзга чиқиб, атирлар таркиби ва барча маълумотларни маълум қилди (видеода томоша қиласиз)

Сўз Гулига берилди, кейин эса Холид Эргенчга.

Холид Эргенч:- ....Бу атирларни эркаклар сотиб олишади, аёллар эса бу учун уларни севишади.. дея фикр билдирди (Батафсил фикрларини видеода томоша қилиб танишасиз)  

Юқорида айтилган ўтов мосламаларини хар иккиси очилди...уларда атирлар намоён!






Эркаклар атири ўтовига биринчи бўлиб Холид Эргенч кириб, атир ифоридан хидлаб уни жонли равишда намойиш қилиб суратга тушди.
(Хуррем хатун энди суратга олиш жараёнида султонидан GULI  VICTORIOUS ифорини сеза бошласа ажаб эмас))



Гули эса аёллар атири турган ўтовдаги атирни намойиш қилди.

 Шундан кейин Guli ижодий кечасининг яна икки премьераси учун иккинчи этажга мехмонлар кўтарилди. Бу премьера янада ёпиқроқ тарзда кечди.

Залнинг ўртасида Guli бренди билан ясатилган узун мухташам подиум ярқ этиб кўзга ташланади. Аввал Гугушанинг Раунд Ран клипи намойиш қилиниб, Guli либосларининг янги  коллекцияси премьера тариқасида намойиши бошланди.

Шундан сўнг, Гугушанинг   "How dare” қўшиғига ишланган клип премьераси бўлди. Дилноза Кубаева Гугушанинг ички дунёсидан бирини талқин этган клип....

Хуллас, Guli либослар коллекцияси ва клип премьераси хақида кейинги репортаждан танишасиз...

Албатта уч премьеранинг видеолари хам кейинги репортажда..

Сурат видео ва матн муаллифи Sayyod-Сардор Камилов.