Режиссер Рустам Саъдиевнинг янги "Ўгай она" фильмидаги бош қахрамон қиз яна Дилноза. Лекин бу сафар Кубаева эмас, Умарова!
Янги чехра билан (балки) тажриба қилишни  истаган режиссернинг, янги танлаган актрисаси исми яна Дилноза бўлиши,  илк Дилнозанинг омадли кашф қилинишига ишора эмас,  шунчаки тасодифдир.

Фильм билан боғлиқ кейинги интрига, бу Алишер Узоқовнинг Рустам Саъдиев фильмидаги илк иштироки. Узоқов режиссер Рустам Саъдиевнинг фильмларида хали иштирок этмаганди.

Фонд Форумнинг "Олтин Гепард" кинофестивалига тайёрланаётган янги ролиги устида ишлаётган режиссер Рустам Саъдиевнинг айни шу жараёнда суратга олиш майдончасида сухбатга тортдим.

Алишер Узоқовни сизнинг фильмингизда кўриш янгилик
Рустам Саъдиев:- Алишер Узоқовни ижодини бошқа фильмларда узоқ кузатдим, ва уни бир хилликда танқид қилинишига қарши, бошқа амплуада кашф этишга қарор қилдим. Барча сирларни хозир оча олмайману, лекин унинг образи ёлғонга айланган чин мухаббат аро ота-она ва фарзандлар сарсон бўлишларида гавдаланади.



Дилноза, энди Кубаева эмас, Умарова..

Рустам Саъдиев:-Қачондир янги қиёфаларни хам кашф этиб туриш керакку. Натали Портман ижросидаги "Черный лебедь" фильмидан жуда таъсирлангандим. Дебютант актрисамиз Дилнозада  айнан шу хориж актрисаси Натали Портманни кўргандек бўлдим. Ундан ташқари ноанъанавий типаждаги қиёфа сохибаси.
Дилноза Умарова Санъат олийгохини драма кино актерлиги факультетининг 2 босқич талабаси.



"Ўгай она" мавзуси хақида
Рустам Саъдиев:-Бир йил давомида фильм суратга олмадим ва узоқ кузатувлар натижасида мана шу мавзуни олиб чиқишга қарор қилдим. Ўзбек киносида "Ўгай она" фильми бўлмаган ва бу фильм илк маротаба шу мавзуни кўтаради.

"Томоша" гурухининг қатнашчиси  Абдухаким исмли бу болакайнинг фильмдаги роли хам мухим ва боғловчи хисобланади.





Одил Ахмедов

Режиссер: Рустам Саъдиев

Сценарий муаллифи: Шахло Ахророва

Ролларда: Алишер Узоқов, Дилноза Умарова, Эркин Комилов, Гулбахор Йўлдошева, Райхон Уласенова,  Жамила Ғофурова, Рахим Ғофуров...

Премьера: "Олтин Гепард" кинофестивали хафталигида, конкурсдан ташқарида томошабин билан хамнафас тарзда намойиш этилади.