Даврон Кабулов: -Ассалому алайкум «Sayyod.com»сайтини кузатиб борувчи мухлислар. Авваламбор, вактингизни олаётганим учун узр. Эсингизда булса, бир неча кун аввал ушбу сайтда КВЗ терма жамоасининг концертидан репортаж тайёрланган, унинг сунгги сатрлари менинг кизлар аудиториясига йуналтирилган сузларим мухокамасига багишланганди. Парча келтираман:

 «Даврон Кабулов хафа бўлмаслар бир танқидга, лекин бу фақатгина мени фикрим эмас, бошқалар хам гапиргани учун айтишга мажбурман:

Халқни махорат ва чиройлик сўз билан  қалбидан жой олмоқ, ўша залдаги томошабинни гулдурос қарсаклар билан олқишлаши устида изланар эканмиз, менимча ўз ғоя ва ижодимиздан фойдалансак яхши. Тайёр хинд фильмларида ишлатилган доно сўзларни сал ўзгартириб ўз номидан айтиш менимча плагиатнинг бир тури ва ўзимизга бўлган хурматни сусайтириш демак.

"Бир фильмда уйдан чиқиб кетаётганида ўзи билан орни олиб чиқиб кетасан дейилганига ўз қўшимчам билан мана бундай деган бўлардим"- десангиз менимча мақсадга мувофиқ бўлиб, Интизор Очилованинг юзлари бужмайиб, энсалари қотиб кетмаслигини олдини олган бўлардингиз.))»

 Очиги, бу гапларга эътироз билдириш ниятим йук эди. Биринчидан, бу гаплар асоссиз эканини узим учун яхши биламан. Иккинчидан, (буни Сардор Комиловга хам дархол айтдим) хинд фильмларига мутлако кизикишим йук. Учинчидан, умуман кино куришни унчалик ёктирмайман (Тасаввур килинг, шу пайтгача «Титаник»ни хам, «Гладиатор»ниям курмаганман). Туртинчидан, уша якуний гапни айтишимнинг сабаби мутлако бошка ёкда. Дарвоке, тулик тасаввурга эга булишингиз учун айтган гапимни ёзма куринишда хавола этаман:

«Кувноклар ва зукколар курик танловида кизларнинг маданияти, юриш-туриши, хусусан кийиниши хакида танкидий хазиллар куп. Ва бу баъзида опа-сингилларимизнинг норозилигига сабаб булади. Лекин, билиб куйинг: биринчидан йигитлар хам фаришта эмас. Иккинчидан мини-юбкангизни узунига алмаштиришни талаб килишга бирорта одамнинг хакки йук. Сизни атлас ё адрас кийишга хеч ким мажбур кила олмайди. Кинотеатрга ким билан бориб, нима иш килишни хам узингиз биласиз. 

Факат эрталаб кучага отланишдан олдин остонада зарар килмайдиган битта гапни хаёлингизнинг бир чеккасидан утказиб куйинг: сиз бу хонадондан АКАнгиз, УКАнгиз, ОТАнгизнинг номусини елкангизда кутариб чикиб кетяпсиз! Либосингизни алмаштириб чикасизми, ё йулингизда давом этасизми — уёгини узингиз хал килинг. Узбекнинг орини, шаънини, кадр-кимматини улуглаб сахнага чиккан ёшлар — Кувноклар ва Зукколар терма жамоаси!»

Агар бу гапларни кимнингдир кузига яхши куриниш учун айтганимда бирор юмшокрок мавзуни танлаган булардим. Интизор Очиловага эса алангали салом. Харкалай, узаро сухбат давомида юзлари бужмайганини хам, энсалари котганини хам катъий равишда инкор этдилар. Сардор Комилов эса концертдан кейин хам шу мавзуда гаплашишганини, Интизор яна бир марта норозилигини тасдиклаганини айтмокда. Галати замонда яшаяпмиз – кимга ишонишниям билмайсан… Матчоновани эса бундай «зерикарли» концертлар билан энди кийнамасликка ваъда бераман)))

Хуллас, уша гапларимнинг хинд фильмларига алокаси йук. Хохласангиз ишонинг, хохламасангиз йук. Вактингизни олганим учун яна бир бора узр. Нохакликни хазм кила олмадим… Шунчаки, баъзи бир «хайрихох» одамлар учун бу танкид айни муддао булди ва Давроннинг хааамма гаплари «угирланган»га чикди. Холис одамларга каттакон рахмат!

Sayyod-Сардор Комилов: -ДҚ, йўғэ, Даврон Қобулов....яна йўғэ, Даврон Кабуловнинг эътирози ўзгартирилмаган холда тақдим этилди.

Албатта хар ким шахсий фикр ва эътироз билдиришга хақли. Танқидми, шахсий фикрми, ўз йўналишимда билдиришим кўпчиликка аён, ва афсуски кўпида хазиломуз охангни тушунмай қолишлари хам ачинарли хол.

Давроннинг айтган сўзига келсак,  у каби мен умуман фильм кўрмайман дея олмайман, тўғри, хинд фильмларини жудаям кам кўраман, лекин аксарият одамлар гапирган, хит даражасига етган хар бир фильм билан танишишга харакат қиламан. Кўпчилик тан олган нарсани хамиша кузатиб туриш керак фикримча.

"Девдас" хинд фильмининг бир сахнасида айнан шу сўзлар қизи уйидан чиқиб кетишидан олдин онаси томонидан айтилганини келтиргандим. Сўзма-сўз бўлмаслиги мумкин лекин мохият бир, кўрган бўлсангиз ўзингиз бахо берарсиз. 

ЛЕКИН!

Даврон Кабуловни аниқ бир айблай хам олмайман, чунки оддий бир сўзку тўғрими? Қизбола уйдан чиқиб кетаётганда оила шаънини елкасида олиб чиқиб кетиш тушунчаси хиндлар онгига келган, орияти алохида бошқа миллатлардан янада юқорироқ бўлган ўзбекка келмайдими?

Даврон жа бир Эйнштейн даражасидаги  формулани ёки Колумб даражасидаги кашф этишни қилмаганлигини инобатга олган холда, қатъий бўла олмаймиз.

Интизор Очиловага келсак, тўғри айтасиз Даврон, кимга ишонишни хам билмайсиз. Мен кўрганимни ёзсаму, эртасига сиз унинг номидан эътироз айтсангиз, Интизорга бу гапларингизни етказсам, унинг эътирози хақидаги  сизни эътирозингизга яна эътироз...хуллас чалкашиб кетди хаммаси. Эътирозларга эътирозлар шоуси хаммаёқ. Кимга ишонишни хам билмаймиз аслида.

Шунинг учун хам хамиша ўз кўрганларимга, эшитганларимга таяниб ёзишга харакат қиламан. Хусусан ўша Девдасни кўрган сахнам, сизни сахнадаги гапларингизу, Интизорнинг лабининг чап тарафи чап кўзининг чап тарафига қадар сурилиб қолгани... балки буниям жавоби бордир, масалан  медицина тарафлама кулаверганидан концерт сўнггида юз-жағ мушаклари абцессидир...ва хоказо))

Матчоновага келсак, ундан хафа бўлманг, аслида хазиломуз оханглар билан бойтганман, видеода хам хазиллашиб уни ухлаб қолгани ва уйғотганим лавхаси бор, агар кўрган бўлсангиз. Гап аслида унда ва унинг зерикишида эмас, ўша билдиргам танқидим, яъни маълум аудиторияга эмас, барчага "доступный" бўлиши афзал бўлган юмор хақида эди. Хамма кулиб ўтирсада, сиз тушунмасангиз зерикмайсизми? Оддий хақиқат.

Кейинги эътирозлар энди "Матчонованинг уйқуси аслида ростмиди ё кулгудан хушини йўқотганмиди? Матчонова аслида қовушиб ўтирганмиди ё бир зум кўзларига ором берганмиди? Сайёд аслида атайин Матчоновани ўша концертда ухлаганга солишга мажбурлаб видеога олганмиди ё йўқми?" мавзусида бўлмайди деган умиддаман.

Хуллас хаммага омад. Кимгадир бўлган танқид шахсий адоват ёки антисимпатия натижаси эмас. Бу оддий фаолият тақозо этган холат холос.

Шунинг учун энг асосийси:

Даврон, укам, Сизни хурмат қиламан. Қолгани....ўша гап-ўша гап)))