Сўнгги ижод намуналарию дастурларни кузатаману.... Хаммасини негизию ниятида стратегия, қандайдир фойда кўзланиб қилинганини сезиб, ачинаман. Ўз-ўзидан, нима учун сўнгги йиллардаги хитларни жони  қисқа ва нима учун у хитлар бир йилдан кейин тингланмаяпти деган саволга жавоб оламан.

Қўшиқни ўзи яшаб, ўзида яшатаётгани йўқ! Ўзида йиғлаб , ўзи йиғлатаетгани йўқ, ўзида қувнаб яшнатаётгани йўқ!

Қўшиқлар куп , аммо ўлик қўшиқлар даври келди. Худди сохта чирой-силикону ботокслар каби файзсиз, жонсиз қўғирчоқлар каби, ўзи гўзал ёқимлию аммо, жонсиз ва файзсиз қўшиқлар даврида яшамоқдамиз...

Мақсади аниғу, аммо нияти кўнгил асари бўлмаган тароналар гўёки роботлар каби. Қулай аммо жонсиз. Мақсади бор ва у манфаат.

Мақсадсиз, шунчаки, аммо жон билан туғилиб яшаб , яшатадиган қўшиқлар истайди кўнгил. Соату кунлар, ойлару йиллар учиб ўтаётган тезкор даврда, бир зум тўхтатиб ,  ўз оғушида аллалаб, бутун оламни унуттириб вақтни тўхтатиб қўядиган наволарни соғинди диллар...

Қачонгача  ўтмиш наволарига мажбуран суянамиз? Қачонгача ностальгия билан ёшланамиз? Қачонгача зўрлаб сингдираётган қўшиқлар остида зомби бўлиб юрамиз?

Бизнинг давримиз тарихга кирмаяпти, бугунимиз аллалари йўқ! Эртага нимани эслаймиз? Тарихи тўхтаган санъат оламида яшаяпмиз....

Хаммаси бир хил...бир нарса қайтарилмоқда, турли овоз ва кўринишда, бироқ бари бирдек...

Одамлар нима учун тошбағир бўлиб кетяпти дейсиз тағин.... Хаммаси бир-бирига занжирдек боғлиқ чамбарчас нарсалар!

Кўнгилни жони бор. Уни қулоғи бор. У фақат жонли навони тинглай олади холос, хисланмагунча тингламайди у. Жони йўқ қўшиқлар билан у тошга айланиб бораверади.

Бугунимни эртага нима билан эсларкинман? Қай қўшиқ дилимни бир титратиб кунларимга уланди?

Афсус, фақатгина ўша-ўша табиатнинг бахор фаслидаги қалдирғочлар қийқириғи холос.... Севгимни хам, умидларимни хам, севганимга аталган номаларимни хам эслатиб тураверади.... Соддагина ахмоққина қалдирғочларим!