Актер Алишер Узоқов санъат оламидаги яна бир долзарб ва оғриқли бўлиб бораётган муаммони кўтарди.

У "Му5" телеканалида намойиш этилаётган   хориж актери Том Круз иштирокидаги бир фильмидан сурат қўйиб, шу ва бошқа телеканалларга хурматни сақлаган холда таржима, овоз ва дубляжни майнавозчилик дея танқид остига олди.

"Олдинги фильмларни айнан дубляжи учун кўрардик, хозирги фильмларни айнан дубляжи учун кўргим келмайди"-дейди Алишер ўз танқидида.

Назаримда танқид тағнам ўта юмшоқ тарзда айтилди.

Хонанда Жахонгир Отажонов ушбу танқид изохида пессимистик рухда бўлсада аммо хамфикрлик кинояси  билан Алишерни қўллаб-қувватлади. 

Шу ўринда айтиб ўтишим керак, шахсан ўзим хам русларнинг машхур ретро шлягер фильмларидан  "Иван Васильевич ўз касбини ўзгартиради" ва "Ишдаги ишқ" фильмларини рости фақат ўзбекча дубляждагисини томоша қиламан. Русча турини бир кўриб, ўзбекча тури анчайин мос ва фильм характерига монанд кулгулик чиққанини англагандим.

Ўзбекча дубляжи учун руслар қойил қолгани хақида билмаган одамни ўзи йўқ. 

Дубляж фильмни етказиб беришда жуда мухим рольни ўйнайди.  Тасаввур қилинг,  Озодбек куйлаётгани видеосини овозини ўчириб ўрнига халиги "Негяяяя"си билан танилган Умид (миди) қўшиғини қўйиб беришса.

Томоша қилиб завқланармидингиз?

Бу худдики шундай деган гап. 

Бугунги кунда эса зўр фильмларни томоша қилиб кейин ўзбекча дубляжда телеканалларимизда кўриб қоламану хайрат...... йўқ,  нафратланаман!

Ғалати овозу, "характерсиз" оханг ва ғирт оми таржимасидан хам. .

Агар инсониятни қулоғи хам қусиб юборганида очиғи мана шу бугунги давр дубляжига "ичагини ағдариб" берарди.

Майнавозчилик бу жуда хам енгил таъриф!

Бу санъатдаги яна бир мухим бўлган касбнинг долзарб "деградация"си!