Актерларга профессионал бахо! Сўз актер Нозим Тўлахўжаевга! Suhbat | Intervyu | Reportaj
Актерларга профессионал бахо! Сўз актер Нозим Тўлахўжаевга!

Ёқдими?

Бошқаларга хам кўрсатинг:
 

"Hi-fi” болакай” фильми 15 сентябрда премьера бўлиши кутилмоқда ва бу фильмда суратга тушган актёр Нозим Тўлахўжаев билан қисқача суҳбатлашиш учун "Киночилар уйи”га келганимда, улар "Киномания” дастурига интервью бераётган эдилар.  

 

Феруза Фаттохова: - "Hi-fi” болакай” фильмида роль ижро этишдан ташқари, бу фильмда бадиий раҳбар ҳам экансиз. Фильм ҳақида фикрларингиз?

Нозим Тўлахўжаев: - "Hi-fi” болакай” фильми ҳақида фикрларим, албатта ижобий. Режиссёр Наргиза Салом ўз олдига қўйилган вазифани бажара олди, деб ўйлайман. У фильм суратга олишни ҳоҳлаганди ва буни амалга ошира олди! Уни режиссёр сифатида актёрлар, оператор, бастакор билан ишлаш тажрибаси йўқ эди. Лекин, у бу ишни муносиб даражада амалга оширганига амин бўлдим. Мен бадиий раҳбар сифатида, анча ёрдам беришимга тўғри келади, деб ўйлаган эдим. Аммо, унчалик уринишимга ҳожат қолмади. Чунки, мен қаршимда тайёр режиссёрни кўрдим. Бу унинг биринчи фильми бўлишига қарамай! У аввал учта фильмга продюсерлик қилган. Шунинг учун ҳам, у ҳаётий ва профессионал тажрибага эгалигига ҳайрон қолмаса ҳам бўлади. Мен уни бу муваффақияти билан табрикламоқчиман, чунки бугунги кунда дебют режиссёрлардан, у бу картинада эришган муваффақиятга эриша олганлар, унчалик кўп эмас.  

 

Феруза Фаттохова: - Актёр Алишер Узоқов ҳақида фикрларингиз?

Нозим Тўлахўжаев: - Алишер Узоқов профессионал актёр. Мени биргина ташвишлантирадиган жиҳати, унинг ҳамма ерда бир хиллиги. Масалан, мен яқинда "Висол” фильмини суратга олдим ва унда актёр Адиз Ражабов суратга тушди. Нафақат мен, балки бадиий кенгашдагилар ҳам, Адиз Ражабовни қанчалик ўзгарганлигини, актёр сифатида янги қирралари очилганлигини айтишди. Бу жуда ҳам муҳим! Тушунаман, жаҳон киносида ҳам ўзига хос тенденция бор. Актёр қайси фильмда бўлмасин, ўзини ўйнайди. Драматик ролми, комедикми, ҳамма ерда унинг ўзи! Мисол учун, Аль Пачино, ҳамма фильмда Аль Пачино! Лекин, Аль Пачино, қаерда Аль Пачино бўлмасин, у албатта, ҳар бир картинадаги ўз ролининг ўзгача жиҳатларини, ноодатий топилмасини топа олади. Биз экранда ўша Аль Пачинони бутунлай бошқа, янги жиҳатларини, янги қирраларини кўрамиз. Мен ҳам Алишер Узоқовни экранда, бошқа янги ижодий қирраларини кўришни истардим. Ўша бир хил ҳаракатлар, улар билан ролдан ролга ўтиш, бу мумкин эмас. Ахир у актёр-ку! Актёр эса ҳар хил характерларни ижро этиши керак, деб ўйлайман.  

 

Феруза Фаттохова: - Суратга олиш жараёнлари давомида Алишер Узоқовни актёр сифатида қандай салбий жиҳатини сездингиз?

Нозим Тўлахўжаев: - У дисциплинага риоя қилмайди. (кулиб) У суратга олиш майдончасига кеч қолиб келади. Баъзида умуман, келмайди. Бу ҳамма юлдузларда учрайдиган касаллик, менимча. (кулиб) У мени дўстим, унга тилагим, ҳамкасб сифатида ҳаққоний гапираман, сен халқимиз севган юлдузсан, яхши актёрсан, лекин бу яхши хислатларга яна бир хислат қўшсанг, кинони муқаддас ва азиз билиб муносабатда бўлсанг, янада ёрқин актёр бўлардинг. Бу каръерага ҳам таъсир кўрсатади.

 

Феруза Фаттохова: - Бугунги ёш актёр ва актрисалар ҳақида фикрларингиз?

Нозим Тўлахўжаев: - (ўйланиб) Мени бугунги кундаги ёш актёрларни ўз ижодларига бўлган муносабатлари ташвишлантириб ранжитмоқда. Уларнинг асосий ҳоҳиши, экранда кўриниш, оммага ёқиш, майнавозчилик қилиб, ҳаммани кулдириш, ёмон маънода кулдириш, яъни томошабин қалбини таъсирлантириш эмас, айнан кулдириш, асосийси "сен ҳақингда гапиришсин, сени кўчаларда танишсин, сендан дасхат сўрашсин”, муҳими фақат шу! Ғалати тенденция, асосийси, "мен бу дунёда борман” деб ўзини кўрсатиш! Бу нотўғри, менимча. Актёр, санъат одами, оммага ёқиш, ўзини олиш ва ҳадеб "бу мен” дейиш  учун яратилмаган. Актёр, бу қалблар ҳукмрони, у инсонларда ижобий эмоция уйғотиши, энг яхши инсоний хислатларни шакллантириши, гўзаллик, меҳр каби сифатларга эга бўлишга интилишга ундаши керак, менимча.

Актёрнинг маънавий позицияси, ана шундай деб ўйлайман. Бу катта экранлардаги шунчаки майнавозчиликлар эмас, улар миллат ҳаётига, маънавиятига таъсир кўрсатадиган инсонлар. Бизнинг ёш актёрлар, энг асосийси пул ва шон-шуҳрат, машҳурлик эмас, асосийси томошабин қалбида нима қолдираётганликларини тушунсалар, ана шундагина яхши актёр бўла оладилар, деб ўйлайман. Агар улар ўз касбларига юқорида айтганимдек, "муносабат”да бўлишда давом этсалар, бир-икки йил ўтиб, қариганларидан сўнг, ҳеч кимга керак бўлмай қоладилар. Чунки, улар аслида экрандаги ёшлик ва гримёр томонидан чизилган «чиройли қўғирчоқлар” холос. Негаки, уларда юрак йўқ, назаримда. Актёр ўзи шуғулланаётган санъатни ҳурмат қилиши, ўзи санъатни севиши ва у ўз санъатига содиқ бўлиши керак. Лекин, минг афсуски, пул тушунчасини, санъат тушунчасидан олиб ташлаб бўлмайди, назаримда.

 

Феруза Фаттохова: - Ёш актёр ва актрисалардан кимларни ўз касбига тўғри муносабатда деб ҳисоблайсиз?

Нозим Тўлахўжаев: - Мени фикримча, Адиз Ражабов, ёши катта актёрлардан Мурод Ражабов, актрисалардан энг яхши актриса Раъно Шодиева. Бу гапни очиқ ва ҳаққоний айтяпман. Ҳозирги ёш актрисаларни кўпларини ишларини кузатганман, улар деярли бир хил. Асосийси, улар учун чиройли қомат, чиройли кўзлар, чирой..... шунчаки чирой. Актриса Раъно Шодиева эса,  профессионал актриса бўлмаса ҳам, кинога ҳаётдан кириб келган. У туғма қобилиятли, кучли драматик потенциалга эга. У ҳам комедик, ҳам трагик образларни бирдек маҳорат билан ярата олади. Фақат бир жиҳати, унинг характери оғир,  ахир албатта, қобилиятли инсон, яхши актёр характерли бўлиши керак. Яна мени фикримча, актриса Шахзода Матчонова ҳам, драматик ва бирдек комедик актриса сифатида, кучга тўлиб, тажриба орттиряпти, деб ўйлайман.

 

Феруза Фаттохова: - Сиз учун драмада ёки комедияда, қайси бирида рол ижро этиш юрагингизга яқин?

Нозим Тўлахўжаев: - Юрагимга яқини албатта, драматик санъат, лекин комедияни ҳам жуда яхши кўраман. Менга томошабинларда эмоция уйғотиш ёқади. Бу кулгими, ёки кўз ёшларими, қандайлиги муҳим эмас. Энг асосийси, бу эмоция пайдо бўлиши, энг ёмони эса, актёр томошабинларни ғашига тегиши ва бундан бошқа, ҳеч қандай эмоция уйғотмаслигидир, менимча. (кулиб) Лекин, актёр барибир томошабинда қандайдир реакция уйғотади. Агар актёр ўз ролини яхши ижро эта олмаса, ундан томошабинларни кўнгиллари қолиши мумкин.

 

Феруза Фаттохова

 

13-Сен-2011 05:46
Бўлим: Suhbat | Intervyu | Reportaj | Чоп этди: Sayyod | Тег : Hi-fi bolakay filmi, Nozim To'laho'jayev
ТЕГИШЛИ МАВЗУЛАРДА:

1 Dilnoza   (13-Сен-2011 06:06)
Aktyor bir xilligi tòg'ri lekin eng zòr aktrisa bu Kubayeva. Chunki u xar bir rolida òzgara oladi. Maromiga yetkazib rolini ijro etadi. Teatrlarda xam uchratamiz. Xamma biladi. Teatrda dubl bòlmaydi. Aynan teatrda namoyon bòlgan aktyor yoki aktrisa xaqqoniysi. SH.Matjanova salbiy rolga juda mos. Intervyu bergan aktyorga kelsak N.Tòxtaxòjayev juda zòr aktyor.

2 Dilnoza   (13-Сен-2011 06:08)
Feruza Fattaxovaga raxmat. Bedor Sardor Komilovga OMAD.)

3 Patriot   (13-Сен-2011 06:53)
Salom. Albatta Nozim To'laho'jayevning fikrlariga to'liq qo'shilaman. O'zbekistondagi sanoqli eng qobiliyatli aktyorlarimizdan. Ijodlarini juda hurmat qilaman va tez-tez rollarda ishtirok etishlarini tilayman. Darvoqe, yaqinda internetga chiqqan, "Hur qiz" deb nomlangan filmdagi bosh rol sohibi Karim Mirhodiyevga ofarinlar bo'lsin.

4 LEMON   (13-Сен-2011 07:18)
RAHMAT KATTA HAKIKIY PROFESONALLARCHA JAVOBLARIZ U-N MANGA SHU YOSH AKTYOR VA AKTRISALAGA BERGAN TARIFLARI JUDA YOKDI HAKKONIY SUZLAR SIZLARGAYAM OMAD SAYYOD IJODKORLARI TINIB TINCHIMAY IZLANISHLARDAN CHARCHAMAYLAR ILOHIM

5 nigora   (13-Сен-2011 07:48)
wu aliwer umuman yoqmedi adawib keb qogan sanatga

6 nigish   (13-Сен-2011 09:24)
Adiz Rajapovvi aktyorlik maxorati judayam zur

7 Zoyi   (13-Сен-2011 12:13)
Рано Шодиева красоточка и самая лучшая актриса современного узбекского кино, я имею в виду из молодых. А из более старших, самая классная Дилором Эгамбердиева, а какая она еще красивая!

8 Loading   (13-Сен-2011 13:49)
ko'ramiz. Yaxshi reklam bo'ldi.

9 Zoyi   (13-Сен-2011 15:24)
кстати, мне А. Узоков совершенно не нравится, как правильно отметил Н. Тулаходжаев, он сейчас везде, впрочем равно как и Адиз Раджабов. Они оба во всех фильмах одинаковые. Мне только Улугбек Кодиров нравится, и то честно сказать из-за внешности, вообще нет внятных профессиональных молодых актеров сейчас, увидев игру которых хочется закричать как Станиславский "Верю!", больше хочется просто выключить телевизор и забыть увиденое. Мне вот честно сказать нравились парни из фильма Осмондаги Болалар, только я их имена не помню, вот они были НАСТОЯЩИЕ, и фильм сам замечательный.

10 TRISTAN   (13-Сен-2011 20:42)
Бизни саньатимиз худди бир тепаликка ухшайди у тепаликки хохлаган одам чикиб олиши мумкин Голливуд ва Болливуд эса бамисоли бир ТОГ у токка бизи актёрларимизхам чика олади албатта! (ухлаётганида) лекин биз хам уз тогимизни узимиз яратишимиз керак! Бунинг учун Нозим Тулахужаев, Ёлкин Туйчиевдек ижодкорлардан керак булади.

11 Dilrabo   (14-Сен-2011 02:28)
Nozim Tölaxöjayev serqirra aktyorlar deb øylayman.Adabiyotimiz namoyandalaridan biri Turob Tölani farzandlari,adawmasam.Rollarini maromiga yetkazib ijro qiladilar.

12 Dilrabo   (14-Сен-2011 02:29)
Nozim Tölaxöjayev serqirra aktyorlar deb øylayman.Adabiyotimiz namoyandalaridan biri Turob Tölani farzandlari,adawmasam.Rollarini maromiga yetkazib ijro qiladilar.

13 STUDENTKA   (14-Сен-2011 07:42)
Professional aktyor dib Bobur Yo'ldoshevni bilaman, kinoda ham teatrda ham o'zining iwini haqiqiy professionali!!!!!
Alisher Uzoqovning ham potensiali kuchli, dramatik roldayam, komedik roldayam, rejissorlikdayam kuchli ijodkor, faqat bowqa aktyorlar rol o'ynamasdan hamma rollar Alisherga qolip ketganidan, ko'pchilik uni yoqtirmi qo'ygan. tan oliw kerak, Aliwerning birinchi rollarini hamma qiziqiw bn ko'rgan, hattoki wu saytda yomonlab yozvotganlayam.
Aktrisaladan Ra'no Shodiyeva, Dilnoza Kubayeva professionallar man un.

14 ledy   (14-Сен-2011 16:33)
Алишер хакикий хаётда жуда самимий ва очиккунгил инсон. Айникса танимаган одамига хам хазил кила олиш хусусияти бор экан. Балки бир хилликдан чикиб кета олмас, лекин инсон сифатида хурматга лойик

15 muxlis   (15-Сен-2011 00:29)
Nozim To'laxo'jayev sanoqli aktyorlarimizdan!

16 baxtiyor_muslim   (16-Сен-2011 01:46)
da Нозим Тўлахўжаев professional aktyor meni eng sevimli aktyorim,
men kino tan'qitchi emas manu: ammo bizning kinochiligimizda bir tragedya bor u ham bo'lsa: Yaxshi senary topilganda mablag' yo'q,Mablag' bo'lganda yaxshi senary yo'q,
bu mani fikrim

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1012]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [66]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [238]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 38
Мехмонлар: 38
Рўйхатдагилардан: 0