Айни дамда актёр Адиз Ражабов Япония киносахналарини забт этиш билан завқланмоқда.

"To the Ends of the Earth" (Дунёнинг бир чеккаси) Япониялик  режиссёр сценарист Киёси Куросаванинг артхаус фильмида Адиз Ражабов иккинчи даражали бош қахрамон сифатида роль ижро этгани хақида у аввалроқ ўз ижтимоий сахифаларида эълон қилиб Ўзбекистонда олинадиган лавхалари бўйича суратга олиш ишларидан суратлар қўйган эди.

суратда актёр Адиз Ражабов Япониялик режиссёр ва сценарист Киёси Куросава билан биргаликда.

Фестивальга мўлжалланган ушбу фильм премьераси 14-июньга тўғри келгани учун КАНН кинофестивалида иштирок этишга кечикди, аммо шу йили август ойида Швейцариянинг Локарно шахрида бўлиб ўтадиган фестивальнинг ёпилиш маросимидагги дунё миқёсидаги премьерасида бу фильм  намойиш этилиши кўзда тутилган.

Демакки Адиз Ражабов август ойида Локарнога жўнаб кетади. 

Актёримиз иштирок этган фильм премьерасида Ўзбекистон Республикасининг Япониядаги фавқулодда мухтор элчиси Ғайрат Фозилов хам қатнашди.

Хозирда Японияда бўлган актёр Адиз Ражабов билан боғландик.

Адиз Ражабов:- Ушбу фильмдаги қахрамоним гид-таржимон.  95% япон тилида гаплашишимга тўғри келди. Фильмга "Ўзбеккино" миллий агентлик  хам кўмак бериб айрим молиявий тарафларини қоплаган. Эпизодларда Ўзбекистонлик актёрлардан  Юнсужон Асқаров, Зулфия Раимкулова, Мехмонали Салимов, Муяссар Бердиқулова, Мирза Азизов ва Маъруф Отажоновлар хам  иштирок этишган.

14-июньдан бошлаб Япония бўйлаб 60 кинотеатрларда  намойиш қилиниш бошланди ва шу сабабли хам хозирда Япониядаман. 

15-июнь куни Токио шахрининг Синдюко  кинотеатрида Япония ОАВ  вакиллари телеканал ва газета журналистлари иштирокида  ушбу фильмнинг икки маротаба тақдимот маросими (премьера) бўлиб ўтди.

Токиодаги яна  "Евроспейс" ва "Шибуйя" кинотеатрларида хам  тақдимот маросимлари бўлиб ўтди. Шундан сўнг, шу куниёқ фильм жамоаси  Япониянинг Йокогама шахрига йўл олишди. Токиодан деярли ярим соатчалик масофада жойлашган бу шахарнинг  хам кинотеатрида томошабинлар билан кўришдик. 

Уларда бу тақдимот бизникидан бироз бошқачароқ тарзда ўтиб, бизда аввал актёрлар сахнага чиқиб тақдимот тадбири ўтказилиб кейин фильм намойиши бўлса, уларда аксинча, аввал фильм намойиш қилиниб кейин актёрлар сахнага чиқар экан.