Кеча содда ва мулойим, бугун эса жиддий лекин хануз мулойим. Suhbat | Intervyu | Reportaj
Кеча содда ва мулойим, бугун эса жиддий лекин хануз мулойим.

Ёқдими?

Бошқаларга хам кўрсатинг:

Зиёда...

Кечагина бу қизни илк чиқишидан танқидлар билан кутиб олинганди. Бугунга келиб, санъатдаги мавқеига  кўриниши ёки олди-қочди ижоди билан эмас, хаққоний ва хақиқий истеъдоди, куйлаш махорати ва мехнати билан эришиб келмоқда. Келажакдаги устоз санъаткор номига сазовор бўлишда ўз хақ-хуқуқини хеч бир ғирромликсиз амалга ошираётганлигига хеч ким шубха қилмаса хам керак. 

Ахир бугунги кунда бир неча йил санъатда бўлган ва устоз дея юритилаётганларнинг хаммаси хам шу номга сазовор дейиш қийин, зеро аксариятида шунчаки йиллар стажи устоз номини бериб тургандек.

Зиёда билан    2008 йил май ойидаги  илк сухбатимни эслар эканман, бугунги кунгача   хам ижобий хислатлари қахри қаттиқ бўлган шоу-бизнес таъсирида ўзгармаганлигидан қувондим. Ахир неча одамлар бу орада  ўзгариб ўзлигини йўқотди?

Кези келса энг аччиғи бизда бўлган танқидларга хам мулойимлик билан жилмайиб, хамиша қўли кўксидан тушмас,  хулқи, муомала ва маданияти намуна тарзида бўлган Зиёда ёш хонандаларнинг аксариятидан санъат тугул   мана шу хислатлари билан хам бир поғона юқори бўлса не ажаб?

Мана нихоят у яккахон концерт дастурини тақдим қилиш арафасида.

Юқоридаги келтирган фикрлар асосида, хам шахс ва хам санъаткор сифатида сайтимиз жамоаси хурматида бўлган Зиёдани концерт олдидан қўллаб қувватлаш истагини ўзимиз билдирдик.

Зиёда билан концерт олдидан сухбатни Феруза Фаттахова тақдим этади.

                                                                                                                      Sayyod

 




Деярли бир вақтда  кечга қолмадимми деб шошиб келаётган Зиёда билан  "Акфа-медиа” компанияси олдида учрашдик. Компанияда у бадиий рахбар лавозими бўлгач, унга  шахсий хона ажратилган бўлиб, сухбатни айнан унинг шахсий кабинетида ўтказдик. Хонадаги "Ниҳол”,  "ММТВА” мукофотлари ва синтезаторни айтмаса хонанданинг кабинетидан кўра кўпроқ бизнесмен ёки бирор мансабдор шахс кабинетига ўхшаб кетар экан.

Зиёданинг бугунги кўриниши хам кўпроқ бизнес аёлини эслатарди. Хар холда кресло ва столга ярашган.

 

 

Феруза:- Нима учун концертингизни айнан куз ойига белгиладингиз? Кейинчалик ҳам фақат шу ойда концерт берасизми ёки ўзгаришлар бўладими?

Зиёда:- Куз ҳам ёқади. Энди кўпчилик баҳорга белгилагани учун, биз куз ойига белгиладик (кулади) Балки ўзгартириш киритармиз, кейинги йилларда балки.

 

Феруза:- Бу илк яккахон концертингиз. Концерт олдидан кўнглингизда нималар кечмоқда?

Зиёда:- Бу биринчи концертим бўлгани учун ҳам, жуда ҳам катта ҳаяжондаман. Яна жуда катта масъулиятни ҳис қилмоқдаман. Ҳали менга вақтлими деб, яна балки вақти келгандир деб ўйлаяпман. Барибир жуда катта ҳаяжондаман.

 

Феруза:- Нима учун концертингизни "Бахт тўла” деб номладингиз?

Зиёда:- Концертимизни номини "Бахт тўла” деб қўйганимизни сабаби, ҳамма бахтли бўлсин. Халқимиз янада хурсанд бўлсин, бахтли бўлсин, янада бахт улашсин деган мақсадда шундай деб номлашга қарор қилдик.

 

Феруза:- Концертингизда бошқа концертлардан фарқ қиладиган қандай янгиликлар бўлади?

Зиёда:- Концертдаги янгиликлар, у ерда битта кўриниш эмас, 3-4 та кўринишлар бўлади. Шоу дея олмайман-ку, лекин барибир орасига шоу қўшилади. Яна албатта рақслар бўлади. Театрлаштирилган (театральный) кўринишлар бўлади, дуэтлар ҳам бор. Хонанда Даврон Эргашев билан ва яна бир-иккита санъаткорларимиз бор, ҳозирча уларни исмини айтмаганим маъқул. (кулимсираб) Сир бўлиб тура қолсин, қизиқроқ бўлади деб ўйлайман. Яна санъаткор дўстларим ҳам, албатта иштирок этишади. Ҳозирда декорациялар қурилмоқда. Концерт "Пантерра” ва "Акфа медия” студиялари билан ҳамкорликда ўтказилмоқда. Концертимиз режиссёри Рустам Шамсиддинов. Концерт ғояси эса продюсерим Абдураҳмон акага ва ўзимга тегишли. Худо ҳоҳласа, оригинал бўлади деган умиддамиз.

 

Феруза:-Концертда рақслар бўлади деб айтдингиз. Қайси хореограф билан ҳамкорликда ишламоқдасиз?

Зиёда:- "Сабо” гуруҳи билан ишламоқдамиз. Асосан, бир хиллик бўлмаслигига ҳаракат қилмоқдамиз. Навоийдан "Стег” гуруҳини чақиртиряпмиз. Ҳар бир ишни ўзига яраша қийинчилиги бўлганидек, ўзига яраша қийинчиликлари ҳам бор экан. Мен энди рақс билан доимий шуғулланмаганман-ку. Ҳозирда улар билан бирга шуғулланмоқдамиз.

 

Феруза:-Концерт жонли ижрода бўладими? Концерт давомида нечта қўшиқ ижро этилади?

Зиёда:- Концертда жонли ижро ҳам бўлади, фонограмма ҳам. Худо ҳоҳласа 5-6 та қўшиқ жонли ижрода айтилади. Концерт дастурига 22 та қўшиқ киритилди.

 

Феруза:- Концертдаги қўшиқларни нечтаси янги?

Зиёда:- Тўғрисини айтсам, эски қўшиқларимиз ҳам жуда ҳам кўп экан. (кулиб) Янги қўшиқлардан ҳам қўшдик, фақат сал камроқ қўшдик.

 

Феруза:- Концертингиздаги қўшиқларингиз, асосан кимлар томонидан яратилган?

Зиёда:- Ўзи кўпроқ Рустам Тўлашев билан аранжеровкада ҳамкорликда ишлаймиз. Яна янги ёш ижодкор Фурқат Бобожонов билан ишладик. Улар билан ҳамкорликдаги қўшиқларимиз "Ўйнаганда жанон”, "Севиб қол”. Шоирларга келадиган бўлсак, Темур, Иброҳим Жиянов, Бобур Бобомурод ёзган шеърлардан фойдаланилган қўшиқларимиз концертимда бор.

 

Феруза:- Шеърини ўзингиз ёзган қўшиқларингиз ҳам борми?

Зиёда:- Бор. "Шаддод қиз”, "Супер келинчак” қўшиқларим. Ўзим ҳам кўп қўшиқлар ёзганман, фақат улар концертга киритилмаган. "Шаддод қиз”, "Супер келинчак” қўшиқларимни мусиқасини ҳам ўзим ёзганман.

 

Феруза:- Либослар қандай ва неча хил бўлади? Имиджингиз ким тарафидан яратилади?

Зиёда:- Асосийси 3 хил бўлади. Улардан ташқари, яна 4 хил кийимимиз бўлади. Энди қўшиқларга мослаб, чунки блогимиз бор, кийимлар ҳам уларга мосланган. Имиджим билан Артём Дробышев шуғулланади.

 

Феруза:- Ноябрь ойида концертлар кўп. Концертингизни улардан айнан нимаси билан ажралиб туради деб ўйлайсиз?

Зиёда:- Менимча, ажралиб турадиган жиҳати, концерт декорацияси, рақсларда бўлади. Театрлаштирилган (Театральный) кўринишларда бўлади деб ўйлайман.

 

            Интервью давомида Зиёда ўзини жиддий ва босиқ тутгани билан, ундаги ҳаяжон сезилиб турарди. Самимий ҳаяжон ва улкан масъулият ҳисси билан, концертга катта куч-ғайрат ила тайёргарлик кўраётган Зиёдага, мухлислар олдида юзи ёруғ бўлишига, ҳамда илк яккахон концерти кўнгилдагидек ўтишига тилакдошмиз.

            Зиёда интервью ниҳоясида, бизни концерт олди репетиция жараёнларига ҳам таклиф этди. Демак, Зиёданинг концерт олди тайёргарлик жараёнлари сиз учун қизиқарли бўлса, сайтни кузатишда давом этинг.


Феруза Фаттохова




03-Ноя-2010 05:53
Бўлим: Suhbat | Intervyu | Reportaj | Чоп этди: Sayyod | Тег : Ziyoda
ТЕГИШЛИ МАВЗУЛАРДА:

1 Aktiv_Xonim   (03-Ноя-2010 09:44)
КОЙИЛ ЗУР ИЖОД КИЛАДИ ШУ КИЗ. БУЛИБ УТАЖАК КАНСЕРТЛАРИГА УЛКАН ОМАД ВА ЮЗЛАРИ ЁРУГ БУЛИШИНИ АЛЛОХДАН СУРАБ КОЛАМАН ВА АЛБАТТА КОНСЕРТГА ТУШИШ НИЯТИМ БОР.

2 zilola   (03-Ноя-2010 12:25)
ziyoda konsertizga omad sizdan hamisha yaxshi qo'wiqla kutib qolamiza

3 manzura   (03-Ноя-2010 14:01)
Nimaga Ziyodani stolida rossiyani bayrog'i turibdi?

4 FarhoD   (03-Ноя-2010 15:45)
Ziyodani Konsertga omad excluzev va rial Ariginal Tarzda O'tadi Degan Umitdaman va OMAD OMAD OMAD

5 armonli bola   (03-Ноя-2010 19:33)
konserti odamlar bn to`liwini tilab o`ziga omadlar tilab qolaman

6 SEVAR   (03-Ноя-2010 22:13)
Ziyodani ijodlarini juda hurmat qilaman,gap yo, konserlariga omad yor bo'lsin

7 Abdugani   (03-Ноя-2010 22:32)
Ziyodani Ijodida omad bye

8 Parizoda   (04-Ноя-2010 05:30)
Ziyodaga hamisha omad va konsertini ajoyib tarzda o'tishini tilakdoshiman!

9 armonli bola   (04-Ноя-2010 13:41)
qisqagina omad

10 Farzona ♥♥♥♥ DK ♥♥♥♥   (04-Ноя-2010 15:06)
Konsertni boshlovchisi kim bo'lishini etmabdiku shuncha ma'lumotni etib manimcha Davron Kabulov (DK) Ziyodani konsert dasturini olib borsalar kere tahmin qivomman yana bilmadim

11 BOSS   (05-Ноя-2010 07:55)
IJODIGA OMAD YURTIMDA BULGANIMDA ALBATTA KIRARDIM KONSERTIGA AFSUS OMAT YOR BULSIN KUTIB QOLAMIZ wacko surprised surprised wacko

12 sevara   (05-Ноя-2010 15:47)
sizzi mani kursdowim rossa yaxwi koradi uni oti eliz sizga omad biza sizzi rossa yaxwi koramizaaaaaaaaaaaaa

13 Kamella...   (06-Ноя-2010 03:32)
....

14 Oygul   (06-Ноя-2010 15:26)
Xorazmdayam konsert qo'ysangiz yaxshi bo'lardi

15 Boboxon   (08-Ноя-2010 02:28)
Ziyoda hamisha omad sizga yor bo'lsin biz sizni sevamiz va yangi qo'shiqlar kutib qolamiz FAQAT OLDINGA ZIYODA.

16 NozishkA   (08-Ноя-2010 13:41)
Ziyoda sizga OMAD yor bo'lsin Hudo holasa kansertizga tushish niyatimiz bor Kansertiz zo'r bo'lishiga ishonchim komil FAQAT OLGÄ

17 Мохира   (08-Ноя-2010 20:13)
Ziyoda я жилаю успехов

18 --------   (05-Июн-2011 16:35)
---------------

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1008]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [65]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [237]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 21
Мехмонлар: 21
Рўйхатдагилардан: 0