Сўнгги пайтлар зўр бериб Ватан хақида қўшиқлар кўпайтирилишидан сизларни билмадиму шахсан ман хайратланаман.

Нега зўрма зўракилик тарғиботи керак? Менимча хеч қайси бир юрт фуқароси ўз ватанини ёмон кўрмаса керак?

Бу оддий нарсаларку.

Ватан бу Ватан, уни СЕВАМАААНлаворишам шартмикан? Қанаққилиб?

Ватан қадрини хаммамиз биламиз, хаммаси оддий, бу Ватан, яшаймиз шу ерда, яхши кўрамиз, бу норма...

Бу кетишда эртага "Махалламни тупроғи кўзларимга тўтиё" танлови, "она уйим деворларига ўзимни осгум" номли гала концерт, "Далаларим ўғитлари ифори ўзга" номли йиғилиш ва хоказо...Шуми келажак?

Худдики айрим ташкилотларни қиладиган иши бўлмаганидан режа учун мана қилинди хисоби учун ўйлаб топилаётгандек.  Ғояларга эринишади, ишлашни истайшмайди. Ха, нима бор? "Яшасин Ўзбекистон!"

Эсингиздами "КПССга шон-шарафлар!" деган шиорлар бўларди. Ўша собиқ Иттифоқ промо шаблони ўзгармади ўзгармадида... Ё у ташкилотларда мустақиллик даври ёшларига халиям йўл йўқми...жой йўқми...

Хулласи, янгилик йўқ фақат ўша эски қолипдаги энг осони шу рахбариятга ёқиш учун бир мавзу "мақта ва мақТАН!"

Тўғриси жуда примитивдек туюлади шу нарсалар манга.  Нима кераги бор? Тарғибот?  

Ўзбекистон умуман тарғиботга мухтож эмаску.  Ортиқча сўз ва қўшиқлар керакмас, амалида кўряпмиз Республика тинч, мошиналар кўпайган, бизнеслар ривожланган, ишлаганлар яхшигина тишлаяпти, хар чоррахада тўйхоналар очиляпти, тўйларнику қандай ўтаётганини айтмаса хам бўлади.

Ватан бу жуда катта тушунча! Унга жудаям жиддий ёндошиш керак, худа-бехуда қўшиқ ва керак бўлса тўғри келган одамга хам куйлавериш хам жиддий ишмас-да....қадри қани Ватанни?? Лойиқлар куйлаяптими?

Республика, Ватан хақида қўшиқ куйланаяпти ахир! Маъсулият ва юк дегани шу бўлдими Ватан олдида?

Ўн йил , юз йилда бир қўшиқ бўлсину асрларга татигулик бўлсин. Тарихий юз йилликлар юбилейларига ярашадику бундай қўшиқлар. Худди хар хафта "Наврўз" ёки хар ой "Янги йил" қўшиғи бўлиши шарт деган тарғиботдек гапде буям.

Чунки оддий нарсалар кўпиртирилган холда намойиш қилиниши ғалатию.

Хеч қайси бир давлатда мамлакатига атаб айтилган қўшиқларни бу қадарини билмайман очиғи.  Дунё миқёсида рекордни лекин урдик аниқ! "Гиннеслар рекорди" китоби маъмурияти қаерда адресини айтворийлар ёзвори, келиб хисоблаб бир киритсин. 

Юқорида айтганимдек, шу  ёпишиб олинган  Ватан  мавзуси примитивлаштириб юборилмоқда, вахоланки  уни тарғиботидан ташқари турли ғоялар борку. Нима бўлса "Ёшларда Ватанга бўлган мухаббатни ривожлантириш борасидаги..."....

Ўзингизни кулгингиз келмаяптими ўртоқлар? Матнни қарейла шу қадар қолоқ ва кулгуликки... Қайси Ватан фуқаросига Ватанга мухаббатни ривожлантириш керак???!!!

Бошқалар севадию бизларни  фуқаролар Ватанни севмайдими? Севиши керакми ё қадрлаши?

Хар бир мамлакат фуқароси туғилиб ўсаётган Ватанини қадрлайди, бошқасига боргани билан ортига қайтгиси келаверади, бу примитив даражасидаги оооддий нарсаларку.

Бу уйку! Уйимизку. Энди уйимизни деворини қучиб хар ой дохлаб ашула этворвурсе эртага "Ғиштларингни пайпаслаб, сувоқларингни ялай!" деган даражага бориб ёшларда фетишизмни ривожлантирворамизаку. 

Хув, идеология бўлими ходимлари! Ватан қадри қўшиқ билан ўчланарканми? Амалидачи? 

Ғоялар камми? Мархамат:

-Ёшларда мехнатга интилиш, бор нарсаларимизни қадрлаш, Ватанни ХИМОЯЛАШ каби нарсаларни тарғибот қилиш керак!

Ахир энг асосий Ватанпарварлик бу Ватанни химоялаш демак!

Армия бугунги кунда қандай? Неча ойлик контрактда Ватанни химоялашни ўзлаштиряпмиз?)

Ёшлар орасида энг Ватанпарвар клипни эслангчи?)) Сеторанинг "Борсан" ва Озоданинг "Асрасин" қўшиқларига ишланган клиплар! (+Сеторанинг "Аждодлар рухи" қўшиқ ва клипи)

У ерда нима акс этганди?

Байроқни орқа фонда хилпиратиб Тошкентдаги жамийки сийқаси чиққан  иншоотларни реклама қилиб Ватааааанлаб турилганмиди?

У клипларда Ватан химоячилари акс этганди!

Ватан учун жон қурбон қилиш кўрсатилганди!

Хозирчи? Бир ўйлаб кўринглар нима учун "асал чойингдек ичгин мани" кабилар кўпайиб кетмоқда? Қўшиқ ва хонандалар орқали тарғибот бўлганидан кейин нимани кутган эдик?

Мардонавор,  эркаклик уфуриб турган касб ва кўринишларни эфирда кўряпмизми? Эртага уйлантирсанг 7-тасини кетма-кет туғдираман деган хўкизде йигитлар мухаббатдан йиғлагани йиғлаган. Шуми Ватанимизни тарбиялаётган йигитлар?

Аскарлар қани? Спорт...ооо бу умуман энди бошқа мавзу. Вахоланки шу тарғибот қўшиқ ва клипларида спортниям кўрмаяпмиз.  

Хонандалар орқали Ватанпарварликни тарғибот қилишни билмасангиз шартмиди примитив даражасига тушириб қўйиш? Примитив ва кулгулик, очиғи! 

Ватан номи билан  ХОНАНДАЛАР гала концертларига қилинаётган тарғибот натижасида шу қўшиқдек жиддий бўлмаган тушунчада ўсишмаяптими? Вақт ўтиб Ватан деганда кўзларига хақиқий чегарадаги химоя эмас оддий бир хонанданинг қўшиғи билан ёдда қоляптими?

Шуми қадр?

-Ёшларда ўз Ватанида ШУКР ҚИЛИБ ЯШАШ учун шу ВАТАНДА ИШЛАШ деган нарсани тарғибот қилиш керакмасми?

Ўзбекистонда ишлаган тишлаяпти, шунчаки катта пулга ошиқиб тезроқ машина ва тезроқ участка қурай деганлар хорижга соғлиғини гаровга қўйиб чопяти.

Шуни Тошкентдаям қилса бўлади, фақат соғлиқ ёнга қолиб, яқинларинг ўтганида шу ерда бўлиб, болаларинг катта бўлишида тарбиянгни ўзинг берасан ва майли, тез бўлмаса хам бироз кечроқ аммо эришарсан!

Шу хақида қўшиқ қилсин ундан кўра. ШУКР қўшиқлари кўпайсин ундан кўра.

Ватаааааан!

-Мехр оқибат ва қадр қимматни тарғибот қилинглар ! АМАЛДА!  Қўшиқларни ана шу хақида ёки клипларни шундай қилиб қойиллатишсинки.

-ОИТС, гиёхвандлик  ва бошқа  турли ижтимоий муаммоларни олдини олиш устида ишлар қилиниб, шу хақида қўшиқ ва клиплар кўпайгани яхшимасми? Яна ўша Сеторанинг "Қора" клипи эсга тушади...Яначи?

Умумий қилиб айтганда, муаммо хамиша бор ва бўлаверади,   ва уларни ЕЧИШ керак, улардан қочиб,   Республика идеологиясини куни хонандаларга Ватан хақида хар ой қўшиқ куйла дейишга қолмаслиги керак. Бу энди жиддий ишмас-да!  

Хулоса ўрнида айтадиганим: хар нарсани кам бўлса-да, СИФАТЛИСИ ҚАДРЛИРОҚ!

 Ўзбекистон ва  Ватанланган мингта  қўшиқ бўлди, аммо биронтаси "Халқим" ва "Хечкимга бермаймиз сени Ўзбекистон"чалик БЎЛ-МА-ДИ!

Бу инкор этиб бўлмас факт! Ўша ёмон Юлдуз қўшиғи.

Юқоридаги клиплар хам ўша тарқатилиб ўз номидан мосуво Сетора гурухи ва ўша яна бир ёмон Озода қўшиғига ишланган клиплар.

Ёмонлардан қолган мерос хануз ҚАДРЛИ!

Яхшилар деб тарғибот қилинаётган хонандаларни балки оилавий ахволи, муомала маданияти, хулқи хамма хаммаси яхшидир бироқ, Ватанга реал хиссаси теккан ижоди ўша ёмонларчалик бўлмаяптику.

Ижоди эмас, шахси мухим давр... Қай даврда хонанданинг шахси  юқори деб билинган экан ўзи?

Бугунги кунда  сонга қараб шошамизу...сифати йўқ...чунки  ният қадр эмас...

                                                                          ғоясиз кераксиз ва кулгулик режалар холос...

Шахсий фикр.