Нилуфар Усмонованинг илк лойихаси  "Усмонзода” тахаллуси  билан ижод қилаётган йигит бўлган ва у  хақида хабар бергандик. Айни дамда у хануз Нилуфарнинг лойихаси сифатида фаолият юритмоқда.

Ижтимоий тармоқларда  кастинг хақида эълон берган Нилуфарнинг илк кастингига 22-та қиз келди. Улардан фақат биттасини танлаб олди. Бироз кейин ўтказган кастингидан эса икки қизни танлаб олди. Режаси бўйича гурух учун уч қизни танлаши керак бўлган Нилуфар танланган уч қиздан бири билан хайрлашишга мажбур бўлди. Сабаби, бир қиз хомиладор бўлиб ишлай олмасди.  Яна кастинг уюштириб, 9 қиздан биттасини танлаб олди.

Нилуфар; Уччала қиз  хали жуда ёш,  Муниса  кастингимдан ўтганида 14 ёш эди, хозир 15га тўлди.  Мохинур 18 ёшда ва Чарос айни дамда Театр ва рассомлик институтида тахсил олади. Қизлар устида имидж борасида  ишланди.

Нима учун гурух номи Махита?

Нилуфар:-  Аввалига уч танланган қизларни хаммасини исмини бош харфи М-да бўлиб, Мохи кейин эса менга ёққани учун МАХИТА деб номлавордим.  Юқорида айтганимдек, гурухда алмашинув бўлиб Чарос қўшилгач, гурух номини ўзгартирмай қолдиришга қарор қилдим.

Гурух қизларини қандай критерияларга асосланиб танладингиз?

Нилуфар:- Тўғрисини айтсам, кўпроқ инсонийлик жихатларига қараб.  Хозирги танлаган қизларимдан аъло овозлик қизлар хам кастингга келишганди, афсуски уларнинг характерлари...  Биласизми,  бу танлаган қизларим ота-онасини даврида ялло қилиб юрганлардан эмас, кўп нарсаларни фош қилгим йўқку лекин, бир сўз билан ёш бўлишларига қарамай яхшигина қийинчиликларни кўрган қизлар. Уларни воқеаси билан танишганимда  ғалати бўлиб кетганман. Балки вақт ўтиб ўзлари интервьюларда хаммасини айтиб беришар.  Инжиқ ва талтаймаган қизлар бўлгани учун менимча санъатда нафақат ўз ўрнини топишади, балки яхшигина бу оламда ўрнашиб хам олишади деган умиддаман.    

Илк тарона ва клип

Нилуфар: Сайтингизда МАХИТА гурухининг илк "Излайман” қўшиғи ва унга ишланган клипни премьера қиларканмиз, қизларнинг дебют илк ишига қатъий нигох билан хулоса қилмасликларини сўрардим.

Хуллас, Нилуфар Усмонова кунлар исий бошлагач кўпчиликни ёқимли ичимлиги МОХИТО  бўлиши билан биргаликда, ўша ичимлик каби "фреш” сифатида "фреш” гурух, яъни янгилик, янги  мусаффо нафасни тақдим этмоқда.

Премьерани қабул қиламиз.

Маълумотнома

Қўшиқ ва аранжировка муаллифи Жасур Абдурахмонов

Матн: Бобур Умаров

Қизларнинг соч турмаги ва макияж: Лидия Андрэ

Қизларнинг либосларни Нилуфарнинг дизайнери  Шерзод тикиб берган.

Клипмейкер: Шарипов Акром

Клип жараёнидаги сувдаги лавхалар жудаям совуқда олинган.