Турмуш ўртоғимдан кучлироқ севганман... +Видео Suhbat | Intervyu | Reportaj
Турмуш ўртоғимдан кучлироқ севганман... +Видео

Ёқдими?

Бошқаларга хам кўрсатинг:
 

«Андишалик келин», "Келгинди келин” билан фасллар келинчаги бахорда сухбат!

 

2010 йилнинг энг яхши актрисаси дея "M&TVA” тақдимотининг тарихида иккинчи маротаба мукофотига сазовор бўлган Дилноза Кубаева бугунги кунда энг ёшларбоп актрисаларнинг илғор намоёндаси десак адашмаймиз.

Бахорнинг илк кунлари айнан Дилноза билан сухбат қуришимиз беъжиз эмас. Гарчан унинг хаётдаги тимсоли кўпроқ ёз ойига яқинроқ бўлса-да, унинг "Келинчак” образлари фасллар келинчаги бахор билан таққослашга ундайверади.

 

"Даракчи” газетаси жамоаси билан Дилнозани   бахорнинг илк кунлари ва 8-март халқаро хотин-қизлар куни билан биринчилардан бўлиб табрикладик.


Қизиқ фактлар:

-Яқиндагина  оқ "Ласетти” мошинасини харид қилди, лекин ўзида хайдаш учун хохиш бўлмагани боис Сардор исмли укаси Дилнозани олиб юрибди.

 

 Хуш кайфиятда кутиб олган Дилноза театрдаги гримхонасига таклиф қилиб интервьюдан аввал мехмон қила бошлади.

 Бироз норасмий сухбатдан сўнг расмий интервьюга ўтдим.


 

Бахорни интиқлик билан кутасизми?

-Хамма фаслга шукур қилиб яшайман, бахорни эса ўзгача кутаман. Чунки ўз номи билан янгиланиш, кайфият, романтика...

 

Мана шу айтганларингиз бахорда содир бўладими?

-(хайрат билан) Биласизми менда кўпинча куз ойида шахсий  хаётимдаги ўзгаришлар содир бўлади. Лекин болалигимдан қуёш чиқишини кутардим,  қуёш чиқса кайфиятим кўтариларди, булут бўлса қовоғим ўйиларди. Хозир эса фарқи йўқдек. (жилмайиб) Романтик кайфият эса кузда бўлади.

 

8 март байрамидан гул ва совғалардан ташқари нималарни яна кутасиз?

-Хеч нарсани. Бу байрамни унчалик қадрламайман. Мен хайтини  бошқача бир  қадр билан кутаман. Тонг сахарлаб шу байрамни қарши оламан. 8 март байрам деб ўзимни алдай олмайман, Рамазон ва Қурбон хайитларини яхши кўраман, Наврўз байрами хам ўзгача. Хақиқий миллий байрам. 8 март эса қанақадир бир Европанихиссини беради-да. Лекин хохлайсизми йўқми шу куни қўнғироқлар, гуллар, совғалар...Бу хам бир бахт бўлгани билан 8-март деб кутмайман. Мухлислар нафақат бу байрамда балки бошқа кунлар хам тақдим қилишади, айниқса премьераларда кўпайиб кетади.

 

Совғалари билан

-Йўқ, менга премьераларда совға беришмайди, сиз актерлар билан адаштирдингиз (кулади), премьераларда йигитларимизга совғалар беришади.

 

Кайфиятингиз яхши пайтида қайси фасл ёки байрамга қиёслайсиз?

-Кайфиятим аъло пайтида хам қандайдир романтикани сезаман ва барибир куз фазли деб биламан. Вахоланки мени  ёзга қиёслашгани билан мени юрак-юрагимни ички дунёимни билган одам  бундай демаган бўларди.

 

Суйган хонандангиз Гулсанам бир сухбатда "Нима учун хонанда бўлмай айтинг?” дегандилар. Мукаммалликка интилаётган актрисалардан Дилнозанинг актрисалик махоратидан ташқари чиройлик овози хам бор, дубляждаги фаолиятингиз бунинг яққол исботи.  "Кўнгил" лойихамда куйлаб хам бергандингиз. Санъатнинг қирралари бисёр, нима учун сиз хам хонанда бўлмайсиз?

-Дубляжда минг овоз бўлгани билан хонандаликда бошқача нарсалар талаб қилинади. Яқиндагина "Озод-шоу”да Махмуд Намозов билан дуэт куйладим. Овозга келсак, актриса сифатида танилдим. Институтга топшираётганимда ўзи менга "муздрама” мусиқали театр актрисасига маслахат беришган. Лекин мен ўзимни имкониятимни биламанку. Қўшиқ куйлашим мумкин, лекин у даражада эмас, менда бир шиор бор қайси касбни танламай мен ўшанда биринчи бўлишим керак. Кўзга кўринган, зўр ва олди бўлишим керак, мана шунга интиламан. Ўртамиёна хонанда бўлиб нима қиламан?

 

Қаердан биласиз қандай бўлишингизни? Актрисаликка харакат қилаётганингизда хам мана шундай ният қилганмидингиз?

-Менда "муздрама”га қараганда  драматик актрисалик "босиб” кетган. Хонандаликка қизиқмаганман бошидан. Роллар ўйнаб, сахнада актриса сифатида ўзимни кўрганман. Микрофон тутиб фонограммада хонанда бўлиш мени хеч хам қизиқтирмаган. Мана "Озод-шоу”да куйлаб кўриб яна бир маротаба амин бўлдим, ўзимни спектаклимдан қўймасин. Ўзимдан бегона, ёт хис қилдим бу нарсани.  Вахоланки касал овозда бўлса хам харакат қилиб куйладим, Махмуд ака катта ёрдам бердилар. Тайёр бўлган дуэтимизни лекин эшитса бўлади (кулади).

 

Ўзингизни Худо юқтирган  қобилият сохибаси деб биласизми ёки тажриба орттирган иқтидор сохибаси дебми?

-Худо юқтирган қобилият эгасиман деб жудаям катта гапира олмайману, лекин  Худо менга шу сохага қандайдир бир ўт-олов берган, касбимга шунчаки ёндоша олмайман. Жудаям яхши кўриб ишлайман.

 

Табиатан хам оловсиз, шу ёрдам берса керак

-Ха, шунақаман (кулади). Табиатим хам ёрдам беради. Лекин актрисаликка  4 йил ўқимаганимда мени оловлигим хам ёрдам бермаган бўларди..

 

Шоу-бизнес оламидаги Кубаевадан оддий Дилнозанинг   фарқи.

-Ўзимда хамиша Дилнозани хис қиламан. Мана бу расмга тушишлар, интервьюларни хаётимда мухим деб билмайман. Вахоланки шунга интилганман! Шунга эришдим хам, лекин касбим тақозо этадиган вазиятлар деб биламан.

 

Актрисаликнинг қандай  завқига интилгансиз унда?

-Ўша машхур бўлиш, мендан хам автограф олишса, интервью олишса, менимча хамма орзу қилади шу нарсани. Лекин эришгандан кейин бу нарсалар ўз-ўзидан мухим бўлмай, янада мехрни оқлаш, уялтириб қўймаслик учун ишлаш, янада баланд чўққига интилиш, шахсий хаёт бўлади албатта. Кейин онам мени доим тергаб турадилар, ана шундай пайтларда мен янаям Дилнозани, кичкина Дилнозани хис қиламан. Янаям эркатой Дилнозага айланаман. Боламни қучоқлаганимда она, маъсулияти ортган, келажакка янаям шахдам қадамлар қўйиши керак бўлган Дилнозани хис этаман.

 

 Сўнгги сухбатимизда "Якка ўтиш бандасига эмас, албатта вақти келиб яна оила қураман” дегандингиз. У гаплар маъноси бугунги кунга келиб қай тарзда кечмоқда? Айнан "Даракчи” газетаси учун сухбат қурган пайтимда шахсий хаёт хақида турмушга хали чиқмайман деб, газета чиққанидан бир хафта хам ўтмай турмушга чиққандингиз. Бугундан бир икки хафтани мўлжал олиб яна тўйни кутсак бўладими?

-Атайлаб айтмагандим (кулади). Йўқ бу сафар ундай бўлмайди, бемалол кўнгилни хотиржам қилаверинг, хеч қандай ўзгариш йўқ. Бир маромида, болам, онам, жигарларим ва касбим.

 

Мухлислар орасидан ёрни танлаб олиш  чегараси. Сизда кўпроқ актриса Дилноза Кубаевани кўришади.

-Тўғри, бу нарса кўпроқ халал беради. Аввало хаётий тажриба бўлиши керак. Ўша инсон билан гаплашганингизда машхурлигингиз ёки қалбингизга ошнолиги барибир билинади. Қандоқ бўлсангиз шундоқлигингизча севиши барибир билинади.

 

Турмуш ўртоғингиз хам мухлисингиз бўлгандилар

-Ха, фильмдан кўриб ёқтирганлар.

 

Мухлислар орасида хаққоний севганлар қандай сизни кўнглингизни олиши керак?

-Буни мени юрагимни ўзи аниқлаб олади. Буни сезаман.

 

Дилноза қандай гул?

-Мени Нилуфар гулига ўхшатишган. Бу нарса менга жудаям ёққан. У гул жудаям бошқача.

 

Атроф ботқоқ бўлиб бошқа гул йўқ, рақобатчим йўқ жойда танхоман дегандек а?

-Йўўўқ (хандон отиб кулиб юборади). Унақа эмас.

 

Дилноза қандай вазиятларда қайси ўсимликлар билан қиёсланади?

-Ўйлаб кўрмаган эканман, мажозий ўхшатишларга энди дуч келяпман. Ёлғиз қолганимда ўзимни атиргулга ўхшатаман, сипо, босиқ аёлга айланаман. Ундаги виқорни(?) (статность?) сезаман. Баъзан жудаям қувноқ бўлиб, бола бўлиб қолганимда бахорий чечакларга айланаман. Жуда хам бир соддалигим бўлиб, ўзимдан кимларнидир ясаб ўзимни хам бошқаларни хам қийнашни истамайман, боримни кўрсатгим келади, шу одми ва тўғрилигим (гвоздика) чиннигулга ўхшайди. Оддий гул лекин барибир қарайсиз, шу гулидаги ўйилган нақшларига бўлса хам эътиборингиз тортилади. Охирги пайт ўзимни хафа қилдирмасликка харакат қиляпман, Хох у мухлис, хох аёл ва эркак бўлсин ўзимни химоялашга, асабларимни асрашга харакат қиляпман. Чунки онаман, боламга хам керакман. Мана шу пайтларимда кактусга ўхшайман.

 

Сўнгги пайтлар жуда қувноқсиз, буни шоу-бизнес оламида кўпчилик сезди. Бу нима билан боғлиқ, балки бахор сизга эрта келди?

-Бу мени хамма нарсани яхшиликка йўйишимда. Кўп айтаман, сиз хам биласиз, шукроналик хисси бор менда. Хар қанақа кунда ёмон кунимга хам яхши кунимга хам шукр қиламан. Инсон хаётида у хам бу хам бўлиши керак. Онам, фарзандим, жигарларим бор, уйдан чиқаётганимда мен мана шууунча (қўллари билан кўрсатиб беради) энергия билан чиқиб кетаман. Чунки онам билан бирга ёнида энди кичкинагина болам хайр қилиб кузатади.

 

Ўғлингиз хақида сўнгги янгиликлар

-(завқланиб) Ўғлим ўзимга ўхшаган чапақай, бир тарафдан хурсанд бўламан, бошқа тарафдан буни хам мактабда қўли билан кўрсатишмасмикан дейман. Боғчага бериш ниятим йўқ, 28 март куни 2 ёшга тўлади. Хозир қўлидан ручка тушмаяпти, фақат расм чизяпти. Коптокни хам чап оёғи билан зўр тепади. Хақиқий бир эркакларга хос куч қувват билан тепади-ки, футболист бўладими деб ўйлаб қоламан. Мусиқани жуда яхши кўради, "слух”и зўрлигини сездим. Жуда бир олов, шунақанги ўйнайди-ки.

 



Ким кўпроқ севилса шунга фарзанд ўхшайди дейишади, турмуш ўртоғингизни севгиси сиздан кучли бўлган шекил


-Мен улардан хам кучлироқ севганман. Ўғлимни кўринишидан хеч ким менга ўхшатмайди, турмуш ўртоғимга ўхшайди. Кулгичи, чапақайлиги ва оловлиги менга ўхшаш. Иккимизга тенг ўхшаш. Нимагадир санъат тараф кўпроқ босаётгандек.

 

Аёллик бахти нималардан иборат ва у қай тариқа ўзгариб туради, нималарга боғлиқ ўзгариши? Ўзингизда қандай кечади, нималарни ўргатади?

-Ўзингиз хам биласиз, доим ўзимни бахтлиман дейдиган хислатим бор. Бахтли бўлганман, бахтлиман ва бахтли бўламан! Балки бу Худо яратган феълимдандир. Бахт рецепти балки шудир. Шукр ва сабр бу хаммаси иймоннинг негизику. Ўзимни хеч қачон бахтсиз хис қилмаганман. Қийинчиликлар бўлса ирода ва сабрим билан енггаман, хаммаси яхши бўлади, бундан хам баттар бўлиши мумкин эди дейман. Атрофга қараб хар-хил воқеаларни кўраман. Нима бўлса тақдирдан деб биламан.

 

Мен билган ва мана шу кўриб турган Дилнозани фильмлардан излаш бефойда бўлиб бормоқда.

-Умуман зид ролларда кўрамиз демоқчисиз, бу яхшику. Ўша пайтлар шаддод қизларни ўйнайверади дейишарди. Бир амплуада қотиб қоламан деб ўйламайман, чунки бизга ўргатилган, сценарийни танлаймиз. "Фарзандим” фильмида образим тўла драматик бўлгани сабабли яқинда комедик фильмда роль ижро қилдим. Яқинда Аюб Шахобиддиновнинг хам янги фильми чиқади ана у ерда эса жудаям бошқачаман.

 

Рашкчимисиз?

-Жудаям

 

Мухлисларни  хам қизғонасизми?

-Бугун менга гул бериб эртаси бошқасига берганини кўрмаганман. Агар шундай вазият бўлса албатта қизғонаман. Рашкчилигим табиатан менда бор. Боламни хам  қизғонаман.

 

Бошқа Дилноза чиқиб қолиши мумкин  бу нарсага нечоғлик тайёрсиз, рашкчи хам экансиз?

-Бўлади бу нарса албатта. Ақл билан иш қилиб, оғир вазминлик билан чиқиб кетаман. Бу албатта оғир, қийин бўлади. Лекин барибир тан оламан. Хозир мен ўйнаяпман, эртага бошқаси чиқади деб тан олганман.  ..

 

Журналист бўлганингизда қайси мавзуни кўтарган бўлардингиз?

-Нима учун одамлар орасида мехр оқибат ва ишончсизлик йўқолиб бормоқда?- деб хар соха вакилларидан жавоб йиғиб чиқаган бўлардим. Чунки атрофни кузатсангиз одамлар вахшийлашиб кетаётгандек. Мехр-оқибат, хурмат ва ишонч йўқолиши кучайдими бу фожеа!

 

Қайси касбни фильмда очиб берган бўлардингиз?

-Актрисаликни. Шунақанги воқеалар бўладики, шу суратга олиш майдончасида кўпинча асли актрисаликни фильм қилиш керак деб ўйланиб қоламан. Томошабинлар учун қоронғу бўлган кўп тарафларимиз бор. Буларни каттароқ ва диққатни жалб қиладиган даражада олиб чиқиш керак. Чунки кўпинча бизлар ёмонотлиқ бўлиб чиқамиз. Суратга олиш майдонида оддий қўнғироққа жавоб берганимизни хам нотўғри тушунишади. Хаётда оғир вазиятни бошингиздан кечириб турган пайтингизда сизга касбингиздан келиб чиққан холда мурожаат қилишади. Кўнгил йиғлаб турган пайт, бошингиздан нима ўтаётганини кўриб билиб туриб касбингиз талаб қиладиган шу бирга суратга тушиш ёки автограф талаб қилишса... Мухлисни кўнгли кўтариш билан худбинликни чегараси бор. Агар фильм қилинса майли фожеа ёқасида турган актрисани хаётини хам тасвирлаб бериш мумкин. Фақат ишга кўмилган эмас.

 

Тилингиздан чиқадиган биргина ният хамма аёлларни бахтли қилиб юбориши мумкинлигини билсангиз қандай ниятни айтган бўлардингиз? Ана ўша нарса бахт келтиришига ишончингиз кўпроқ бўлиши керак. Гўзаллик, соғлик, оила...

-Иймон, эътиқод. Буни ичида чунки кўп нарсалар бор. Бахт келтиришига аминман. Гўзаллик билан бахтга эришиб бўлмайди.

 

Суратлар муаллифлари Феруза Фаттахова ва Равшанга ташаккур билдирамиз.


Сухбатдан сўнг Дилноза бизларни "Андишалик келин” спектаклига таклиф қилди.


Sayyod



 Спектакльдан қизиқ видеолавхалар:

Ютубда кўрмоқ

 Майтуб тасиксда томоша қилмоқ

Кўчириб олиш 26мб ТАСИКС



10-Мар-2011 07:38
Бўлим: Suhbat | Intervyu | Reportaj | Чоп этди: Sayyod | Тег : Dilnoza Kubayeva
1 Xurshid   (10-Мар-2011 10:17)
woow man 1 chi)))Dilnoza Kubaevani judayam sevaman albatta muxlis sifatida,bu qizni shuxligini va quvnoqligini hurmat kilaman.Dilnoza sizga omad har doim,sizni sevaman.

2 NOZI   (10-Мар-2011 10:35)
вой зур сухбат бупти. ман биринчи укидим. урра! Дилноза жа гаплани топиб гапириб куяди-де.

3 Sayora   (10-Мар-2011 10:50)
Haqiqatdan ham judayam iqtidorli aktrisa va barcha go'zal hislatlarga ega o'zbek ayoli. Husin ham insonning dil ko'zgusi, shuning un ham Dilnozaning yuzidan nur yog'ilsa kere. Dilnozaga faqat omad yor bo'lsin doim.:)

4 zilola   (10-Мар-2011 11:28)
dilnozanoi o'g'illari haqaiqatanam o'zlariga o'xwamasakan umri uzoq bo'lsin.
zavqlanibda v tuwib qolibdi.

5 Нигош   (10-Мар-2011 12:21)
Койил гап йу Хардойим шунака очик кунгил саммимий болиб колишларини тилаб коламан келгуси хаётларида бахт омад тилаб коламан яхши филимла кутиб коламиз

6 lola   (10-Мар-2011 12:42)
menga suhbat juda yoqdi. suhbatni darakchi gazetasida ham oqigandim. dilnoza kubayevaga kattta omad.

7 lobarkhon   (10-Мар-2011 13:42)
Dildan suxbat bo'libdi. Mr. Sayyod sizda ham bahoriy o'zgarishlar yarashibdi:)

8 YoJiK   (10-Мар-2011 15:26)
cool Зур! Одамни фикрлашлари, сухбатларидан характерини билса булади! Масалага исломий ёндашувларига ЛОЛ колдим!!! Молодцы так держать!!!!!!!
ОМААААААААДЛААААААР!!!!! hands

9 miss_СоХиБа_   (10-Мар-2011 16:32)
творческих успехов =)))* Умни4ка =*

10 sava   (10-Мар-2011 16:58)
sayyodshu spektaklni polni joylashni iloji bormi juda qiziq ekan...

11 nilushka   (10-Мар-2011 17:31)
Dilnoza aqilli qiz oqip videoni korip kayfiyatim kotarildi :) Sayyod.com saytiga rahmat omad yor bolsin muhlislani bahtiga sog' bolila

12 Marxabo Begim   (10-Мар-2011 18:43)
Xurmat va sevishga loqiy Ayol!!Olloh uzi yor bulsin!!!

13 SHOHIDA   (10-Мар-2011 20:34)
SUXBAT UCHUN KATTA RAXMAT SAYYOD,ISHLARIZGA OMAD.DILNOZA SIZGA XAM OMAD YOR BO'LSIN,OLLOXIM TURMUSH O'RTOG'IZNI UMRINI SIZGA QO'SHGAN BO'LSIN.

14 Guzal   (10-Мар-2011 22:21)
Dilnoza Kubayeva super. Man hurmat qigan aktrisa.

15 Shine   (10-Мар-2011 23:58)
Koshlarini bekorga unaka boyirkanla,uzlarini natural koshlari chiroylirok:)

16 sardor   (11-Мар-2011 00:13)
yahshi suhbat bubti shunaqasidan kuproq bulsin kotta rahmat

17 Roziya   (11-Мар-2011 00:26)
juda ham samimiy aktrisa, o'ynagan rollari manimcha barchaga ma'qul, omadlar va albatta oilaviy baxt tilayman.

18 dilya   (11-Мар-2011 02:50)
sayyod teatrni tulik kuyishi iloji busa kuying iltimosssss

19 Малыш   (11-Мар-2011 04:51)
Я так люблю эту актрису,она прелестная, улыбчивая, жизнерадостная, энергичная и самая-самая весёлая. Кубай Дилнозовна сиздан янада яхширок роллар кутиб коламиза!!!)))

20 armonli_bola   (11-Мар-2011 05:36)
omadlarni bersin

21 Durdona   (11-Мар-2011 06:29)
Avvalambor suhbatila uchun kotta rahmat! Baribir millatdoshlarimiz chiroylik! Sardor sizga savolim bor, nimaga suhbatilani Darakchi gazetasiga ko'chirdila? Manimchalik qanaqadur conflictila boridku??

22 Латиф   (11-Мар-2011 06:41)
Сухбат аъло, Дилноза гузал ва хамиша бошкача.
Сайёд укам жуда очилиб кетибсиз! роса хушсурат йигитсизда, Дилнозани нигохига ахамият берингда Сайёдга бошкача бир мехр билан караяптимикан? Лекин шу кизга уйлансангиз хам савобга колардингиз, хам жуда гузал жуфтлик буларди.
Янги куринишингизга куз тегмасин укажоним.

23 Nargiza   (11-Мар-2011 06:48)
Dilnoza super aktrisa, Sayod super jurnalist, bunaqasi yoq. rostanam 5 va 9 rasmda Dilnoza boshqacha qaravottila. viiiiy rashk kivomman Sayodimni)). Nega hamma shunaqa qariydi sigaaaaa? Rayhonniyam yomon korib qoluvdim, teshvori dib qaragandiya. Odnoklasnikka shu erda olingan rasmni qoyibsizde, faqat bir oziz otda, oshanichi otkritka kilib chikarib oldim)). Yonimda olib yuribman, Hudo hohlasa korsam dasthat ovolaman. Sochlariz biram yarashgan asalllllimmm

24 Noza   (11-Мар-2011 09:04)
Dilnozani juda ham hurmat qilaman. Hr doim uning filmlarini kutib qolaman, juda ham aqillli, latofatli ayol. Haqiqattan ham hurmatga sazovor!!!

25 zuxraxon   (11-Мар-2011 09:18)
Dilnoza Kubayeva judayam iqtidorli aktrisa boshqa aktrisalage nisbatan filmlada xam teatrda xam tabiiyligi bilan farq qiladi xar bir o`ynagan rollarini yurakdan o`ynidila, yig`lidigan joyida xaqiqatdan yig`lidila kuladigan joyida kuladila. Dilnozani xar bir o`ynagan filmlari manga yoqadi. Bundan keyingi ijodlarida omad tiliman farzandlarini baxtini kamolini ko`rib yurishlarini olloxdan tilab qolaman. Yengi filmlada yengi rollarini kutib qolamiz...
Sardor aka(SAYYOD) sizga xam omad tiliman.

26 momo   (11-Мар-2011 09:28)
sayyod darakchi bilan yarashdizmi diyman, nima bugandayam kechirimli bugan yahshi, shu gazetaga uziz muharrir buganizda yahshi bulardi, har bitta maqolani elakdan utkazib, hoziram ilojiz bosa har bir maqolaga uz etiborizni qarating, yolgon yashiqlardan holi bulsin shu gazeta!
Dilnozani bahtini bersin Allah, uzi etganidey etiqodli, iymonli yor nasib qilsin Amin

27 Madina   (11-Мар-2011 14:02)
Bu makiyajda Qizlar davrasini olib boradigan Komolaga juda o'xshab qoptila

28 nilu   (12-Мар-2011 00:45)
Dilnoza Kubayvani ogli meni oglimga ohshab ketar ekan.Meni oglim ham otasining ozginasi. Bu ajoyib aktrisamizga BAHT va OMAD tilayman!

29 korealik mehmon   (12-Мар-2011 18:31)
haqiqatda dilnoza hozirgi kunda eng zur yosh aktrisa muhlislari ham juda kup hamma yoshdagi muhlislar juda hurmat qiladi va albatta ular qatorida men ham ishlariga omad farzandini bahti kamolini kursin uzi hohlaganday turmush urtog bersin yomon kuzdan va har hil bemani mish-mishlardan uzrog bulsin

30 Дилноза   (13-Мар-2011 22:13)
Дилнозаопа ман сизни жудаям хурмат киламан,сиз бн дилдан сухбатдашгим келади,сиздака инсонла купайишин хохлардим,сиз самимий,очик кунгил аёлсиз,илойим бу хислатларизга куз тегмасин,илохим оллох сизни,углингизни ва оила аъзоларингизни бахтини бунданда зиёда килсин.

31 odamlar.uz   (14-Мар-2011 13:40)
fARZANDINI BAXTINI KO'RSIN

32 yasemin   (17-Мар-2011 15:59)
Dilnoza Kubaevani juda xurmat kilaman, ajoyib aktrissa, kanidi boshka aktissalarimiza xam dilnozdan ornak olishsa, dilnoz sizni juda yaxshi kuraman, bir umr yuzizda tabassum arimasin, baxtli bolin,xar doim,

33 Хасан   (18-Мар-2011 17:59)
Жудаям кизикарли сухбат учун Сардор Сизга катта рахмат! Саволларни топиб бергансиз, бошка журналистларга ухшаб анъанавий саволлардан кочгансиз. Хакикатданам Дилноза энергияга бой, латофатли, мафтункор, бегубор кулгиси билан жон олувчи малохатли актриса, ва энг кераклиси мехрибон она. 16 март куни соат 13.00-14.00 гача "Хордик плюс" газетаси Дилноза билан мухлислари уртасида сухбат уюштирди. Шулар каторида мангаям телефон оркали Дилноза билан сухбатлашиш насиб этди. Просто гап йук! Мазза килиб гаплашдим, хаётда уз максадлари сари олга интилишлари йуколмасин. Ижодларига омад!

34 bek88   (19-Мар-2011 14:53)
Ashadiy muxlisez

35 matros   (22-Мар-2011 21:24)
Аввалом бор Барчага салом. Барча Дилноза Кубаеванинг мухлисларини хамда Сардор сизни хам Дилноза опамни хам утиб кетган Навруз байрами билан табриклайман. Барча эзгу ниятларга эришинглар.
Дилноза опам жуда хам латофатли, мафтункор, гузал, шаддот кароччи тарифлашга сузлар кам-дэ, омад ва санъат хамда талант хеч качон сизни тарк этмасин Дилноза опа. Ман сизни севаман. Углингизни хузурини куринг! Хаётда матонатингиз, иродангиз хеч качон сунмасин деб энг ашаддий мучлисларингиздан бири АСКАРБЕК!

36 Malik   (25-Мар-2011 01:36)
Uzbekistonda nomer 1

37 alisher   (08-Май-2011 08:38)
rosdan xam yaxwi suxbat bolibdi dilnozaga omad men sizni awaddiy muxlisingizman sizni

38 бек   (07-Июл-2012 21:36)
менга хам якади шу киз

39 Кахор   (05-Фев-2013 21:24)
Хар доём очилган гулга ухшаб юришингизга тилакдошман +79248778344

40 Тимка   (24-Сен-2015 10:03)
Усвехов (благополучию ) здаровья крепкое и всего наилутчшего

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [455]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1001]
Muhlis Minbari [213]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [63]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [576]
Tabriklar [165]
Taqdimot [46]
Hayriya| Akciya | Tadbir [234]
Turk shou-biz [16]
TV | Teatr, Kino.uz [121]
Yangiliklar [760]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 9
Мехмонлар: 9
Рўйхатдагилардан: 0