Шоу-бизнес оламида энг кўп танқидлар ва мухлисларнинг ғазабли изохларига дучор бўлиб, асабларни қитиқлагувчилардан Жахонгир Позилжонов ва Каниза қаторида Тамила хам борлиги сир эмас. Вахоланки бу хонандаларни санъат оламидаги ижобий тарафи хам йўқ эмас. Кимдир комедик жанрда турфа хиллик сифатида тўлдирувчи ва кайфият улашувчи, кимдир янгиликлар ва оригиналлик борасида кимдир эса сифатли клип ва дидни тарғиб қилишини эътироф этмай илож йўқ. 

Тамиланинг моделлик қиёфаси унинг клипларидаги дид тушунчаларига хамиша мос тушган. Айниқса кўпам хонандаларни эгнида ўлиб қоладиган  бренд либослари Тамилани қучиб туриб ярашишини инкор этиб бўлмайди. Консерваториядаги эстрада бўйича муаллима  ва машхур бастакор Дилором Омонуллаеванинг айтганидек артист учун бирламчи ва мухим нарсалардан бири кўриниш хисобланади ва хархолда Тамилада бу бор.   Бироқ унинг клипларидаги янгиликлари, ўзини тутиши, овози ва куйлаш махорати юзасидан аксар холларда томошабинларга ёқмай келган.

Гўёки уни (ва ёки гўёки уни эмас) бехаё суратлари тарқалгач, гарчан бу борада сайтимизга видеоинтервью берган бўлса-да (манбаа), унга нисбатан мухлислар  муносабати ўзгармагандек.  

 Шу йилнинг 1-июль кунидан эса Тамиланинг лицензияси тўхтатилган (манбаа). "Маэстро" фирмасига қарашли бўлган Тамила, Амира Алибекова ва Ягоналардан яна шу санада Ягонаники хам тўхтатилганди. Лекин бироз муддат ўтмай турли давлат тадбирлари ва вилоятлардаги тадбирларда фаоллиги сабаб Ягонаники қайтарилди. 

Хуллас, кўпчиликники тугатилади, тўхтатилади ва ярим йилга бормай қайтарилади, бунга ўрганиб қолганмиз. Аммо Тамилани на лицензияси қайтарилди ва на ижодда янгилик ва балки ўзгариш сезилмоқда.

Камига келаси йил сентябрь ойида Тамилани "Маэстро" билан шартномаси тугар экан. Тасдиқланмаган норасмий хабарларга кўра шартнома узайтирилмас экан. Бу дегани Тамила беш йиллик ижодий намоёнланиши тўхтади демак. Бу борада Тамилани ўзи нима деркин?

Келаси йил шартномангиз тугар экан, нима қиласиз? Уёғи энди нима бўлади?

Тамила:-Билмадим, аввал келаси йилгача яшаш керак, балки   охир замон келар, зилзилаларми (кулади), келаси йил нима бўлишини билмайманку. 

Қандайдир бир режалар бўладику хаммада?

Тамила:-Йўқ, менда қандайдир бир режалар йўқ, хозирча режаларни билмайман.

Лицензия борасидачи? Қайтариш учун қандайдир бир хатти-харакатлар қилиняптими? Сиз билан бир кунда тўхтатилган Ягонани лицензияси қайтарилди... 

Тамила:-Лицензиямни қайтаришга ваъда беришганди, фақат қачонлиги ноаниқ. Балки бир хафтада, балки бир ойда қайтаришар. Очиғи муддатини билмайман лекин менга қайтаришлигига ваъда беришганди. 

Ижодий тахминлардан кўра кўпроқ совуқ тахминлар қилаётган Эсмеральда де Тамиланинг келаси йил шартномаси давомланадими ё ижоди шу билан тугатиладими билмадиму аммо хархолда уруш, охир замон ва зилзилалар бўлишини истамасдим.) Агар унинг ижоди учун шунча нарсалар бўлиши тикиладиган бўлса илтимос лицензиясиниям қайтариб берийла, бир умр ва умрбод ашулаям этвурсин !)

Достон Усмонжонов тайёрлади.