Жузъий, орфографик, ғализ маънога эга  хатолар учун узр, чунки шошиб ёзилди.

           Дунёга келган чақалоқ қанчалиқ қичқириб йиғласа у шунчалик ёқимли. Чунки унинг йиғисида бутун олам қувончу шодлиги мужассам. Мен ёзмоқчи буўлган воқеалар реал ҳаётдан олинган. Унда бирор бир туқима ёки буртириш мавжуд эмас.

            Мен ҳам кичкина бир оила бағрида дунёга келдим. Ота-онамнинг бешинчи фарзанди ҳам дунё юзини кўрганди. Бироқ бундай ширин болалик хотираларимни отам билан ўтказиш насиб этмади. Чунки мен 3 ёшдан ошганимда адам абадий уйқуга кетгандилар. 5 фарзанди билан ноласи фақат Оллоҳга аён онам барчамизни қўлидан келганча вояга етказди. Барчамизни олий маълумотли қилди. Мен ҳам олийдаргоҳда билим олиш имкониятидан фойдаландим, ҳамда журналист мутахассислигини қўлга киритдим. Шартнома асосида ўқиганим боис акамнинг мени  ўқитиш учун қилмаган меҳнатлари қолмади. Улар барча ишда фаоллик кўрсатиб, мени мутахассислик бўйича дипломимни қўлга киритишимга имконият яратиб бера олдилар.

Магистратура бўлимининг 1 босқичини тугатганимда мустақил оила қурдим. Танлаган инсоним, санъаткор бўлиб ўз касбини жони дилидан севади. Бундан мен ҳам хурсанд бўлардим. Қайнона қайнотам бизни алоҳида яшашимиз учун барча қулайликларни мужассам этди. Биз тинч яшардик. Аммо бизнинг бахтимиз йўлида эримнинг санъаткор қиз олиб юриш режаси озгина муносабатларимизга путур етказди. Бунга биринчи сабаб уша қизнинг умуман санъаткорона кийниш услубини билмаслиги бўлса, иккинчиси кечки пайт соат 2.05да эримга телефон қилиб, унинг нимадандир хафами бўлганини суроқ қилиши. Табиийки бу менга маъқул бўлмади. Эримга айтганимда бунга эътиборсиз қаради. Унга пул зарур, отаси касал ўзи боқади, деб жавоб берди. Майли мен отасиз ўсдим у отаси учун ҳаракат қилаётган экан, деб индамадим. Орада қизнинг отаси вафот этди. Тўғрисини айтаман, бундан озгина хурсанд ва хафа бўлдим. Хурсанд бўлганим энди туйга чиқмайди,  хафа бўлганим отасининг вафот этгани. Бироқ вафодор қиз отаси ўлганига 3 кун булмай яна тўйга чиқишини маълум этди. Бу эса мени ғашимни келтирди. Наҳот отаси учун камида 1 ой чидаб туйга чиқмаса бўладику, деган тушунча фикру ҳаёлимни банд этганди. Бу ҳодисани қайнотамга этдим. Улар ўғлига оиласи учун зарар бўладиган ишлар қилмаслигини уқтирди. Бироқ эрим адаси гапини ҳам эътиборга олмади ва ўз йўналишида давом этди. Бир куни ўқишдан қайтсам, қалин бир тутинган опамнинг туғилган куни, сени ҳам таклиф этган, деб мени ўзи билан олиб  борди. Қайнимнинг мошинасида биргалишиб бордик. Эркакалар ичкари хонада аёллар ташқи балконга жой солинган жойда меҳмон бўлдик. Ўзим чарчаганим боис эримни туришини сабрсизлик билан кутиб утиргандим. Туғилган кун эгаси зериканимни сезди шекилли, олдимга келиб гаплашиб утирди. Гап орасида эримнинг чиқараётган дуетдоши ҳақида ҳам сўзлаб, унинг хулқи бузилганлиги, чет элларда бўлгани ва эрим билан туйда қушиқ этаётганида эркаланиб туриш одати борлигини маълум қилди. Мен индамадим. Опа эримга у қиз билан юрмасликни айтганлиги, унга бу хосият мос эмаслигини, бунга жиддий қарашимни айтди. Уша куни меҳмонга борганимга пушаймонлар бўлиб қайтдим. Эрим билан яна уришдик. Эрим у аёлнинг ғаши келганлигини унинг эри ҳам санъаткорман қиз олиб юраман деган гап билан оқлади.  Орадан 3-кун араз йиғи билан ўтди. Эримни ушбу қиз билан чиқмаслигига қаътий қаршилик қилдим. У эса  бу менинг фаолиятим, “ВИА” йўналишида ижод қиламан деб эътироз билдирди. Уша куни уйда қишлоқдан келган қайнонам, укалари синглиси бор эди. Мен эндигина оналик бахтига муяссар бўлган ойларимнинг илк дамлари эди. Ўзимни босолмасдан қайнонамга этдим. Улар ўғлим харом йўлда юрмайди, деб боласини тарафини олди. Мен эрталабдан уйдан чиқиб ўқишимга, ишимга бир шаҳардан иккинчи шаҳарга қатнардим. Уша куни чиқиб кетдим. Кечга қайтсам поччам билан опам ушбу масалани қайнонамдан эшитиб чиқишган экан. Улар ўзаро келишиб ишлаш лозимлигини айтиб, маслаҳатлар беришди. Поччам эримнинг тоғаси бўлгани боис бу эркак кишининг иши эмаслигини айтди. Эрим бўлди энди чиқмайди деб улар орасида ваъдалар берди. Худога шукр бу мавзу ёпилди. Ёпилгани билан орага тушган совуқчилик из қолдирганди. Бунинг орасида эримнинг отаси саратон касаллиги билан оғринди. Унинг операция қилиш йўли билан тузатиш таклифи шифокорлар томонидан айтилди. Биз барчасига розимиз дея болалари йўлини қилишди. Мен бу орада диссертация ёзиш билан банд эдим, қорним ҳам анча кўриниш берганди. Худога шукр 8 соат ичида қайнотамнинг касалиги енгиллаштирилди. Бироқ бу ёғига қатьий режимда парҳез тутиши лозимлиги тайинланди. Аста секин улар оёқга турдилар ва шу кунгача мустаҳкам иродалари билан бизга бош бўлиб келмоқдалар. Бирор маротаба кунглимга озор бермаганлар, ҳамиша қизим деб очиқ муносабатда бўлардилар. Биз бу орада 2хоналик уйдан 4 хоналик уйга кучиб ўтдик. Қайнотам ўзлари бош қош бўлдилар.

              Яна туй мавсумининг айни пайти бошланди. Эрим яна бир қиз олиб топиб у билан дует айтиш йўналишини изга қуйди. Рости бу менинг асабларимни яна таранглаштирди. Эрим билан анча жанжаллар, келишмовчиликлар бўлиб турарди. Турмушт деб аҳамият бермасдим, баъзида қийналардим. Бу қизнинг қушилгани жанжалларимизни яна кучайтирди. Эрим менга пул зарур, халқ талаби шу олиб чиқаман, мен бу ишни биринчи бошлаганимда йўлимни ёпгандинг деб дуқ урди. Ҳозир ҳаммага маълум санъаткор бўлардим. Омадим келмади сени олиб деди. Мен у қизнинг кимлигини сурадим. 1991 йилда туғилганлиги, ота-онаси ажрашгани, отаси 4 хотинли, онаси таможнийда ишлаши ҳақида маълумот олдим. Бир куни уйда манти, сомсаларни қилиб эримни кутиб утиргандим. У келиб ювиниб, худди хизматга шайдек овқатланди. Орада уша қиз тел қилиб ундан қачон боришини суради. Эрим сен боравер мен бораман деди. Адам у ким дедилар, билмиман кимлигини аниқ бугун кечки пайт студияда қушиқ ёзамиз деб айтиб чиқиб кетди. Мен студиядан келгунича кутиб турдим. Келиши билан уни чиқармаслигини яна такрорладим. Аммо бу самара бермади. Кундан кунга договорлар келиб, эримни олдида доим уша қиз пайдо бўлди.  Шу билан чиқса оиламиз бузилишини айтдим, у бепарво бунга розилигини билдирди. Мен ноилож Тошкентдан акамни чақирдим. Улар келиб муаммо моҳиятини ўргандилар. Куёвларига бу йўл билан қушиқ айтишни мингта йўли ҳақида сўзлаб бериб, келишиб яшанглар деб айтдилар. Акам кетгач эр-хотин утириб гаплашдик. У ҳозир олиб қуйган туйлари борлигини қиз билан чиқишга келишганини айтди. Мен халқ орасида лафз бердизми чиқаринг лекин буёғига бир ўзи чиқишини таклиф этдим. У эса бунга рози бўлди. Аммо этилган ваъда яна бузилди. Пул керак деган тушунча эримнинг бошида айланиб қолдими диман, охирги кунларда фақат уша қиз билан чиқаверди. Мен берган ваъдани эсига солганимда, бу мени ишим, хоҳласанг шу деди. Иложсиз қолдим.

              Яқин кунларда яна шуни орқасидан жанжаллашиб қолганимизни   қайнатам эшитиб қолдилар. Ўзаро уришимиз гувоҳи бўлдилар. Мен ҳам яшамиман уша билан чиқсангиз дедим, у яшамасанг яшама деб бақирди. Хуллас қайнотам насиҳат қилиб чиқиб кетдилар.  Эртасига эримга бир қарорга келдизми дедим у эса қарорим битта. Чиқараман уша қизни деди. Тўғриси тақдирга тан бериб, энди турмушим бузиларкан, деб сиқилдим. Буни орасида мазам бўлмай қолди. Адамни олдиларида гапга борганимиздан хижолат бўлиб, улардан кечрим сураш мақсадида олдиларига бордим. Улар билан салом алик қилгач, хафа қилганим учун узр сурадим. Аммо асл мақсад ва туҳматлар тоши менга қараб отилди. Адам хафалигини айтиб, этмаган қуймаган айби, ўғли санъаткор эканлиги керак бўлса қизлар билан юришини ҳам бақириб чақириб айтди. Мен у инсоннинг касаллиги ва адам деб тан олганлигим учун индамай эшитдим.  Бироқ кўксимда оғриқ пайдо бўлди. Бу оғриқ гуёки ички туғёнга ўхшайди.  Мен ишониб меҳр қуйиб суянган адам мени узоқга улоқтирдилар. Болани бизга бер боқиб оламиз деб ушқирдилар. Мен бир оғиз демасдан тингладим охирида эса яна узр сураб кетишга рухсат сурадим. Улар уғилларини чақириб тинч бир биринг билан яша, деб кўз ёши қилдилар. Мен индамадим.

               2 йил қизим кейинги келинларим сенга ухшасин, сендан розимиз деб ҳар гал такрорлаб юрган инсон қалбидан шу даражада менга нисбатан нафрат борлигидан оғриндим. Дадам уришади деб ўзимни койидим. Аммо ҳар бир айтган гапларида заррача ўз айбимни кўролмаяпман. Улар олдиларидан келгач яшамиман деган эрим яшаймиз, адамдан хафа бўлма, деб юпатди. Бироқ чидаб туролмадим адангиз қанча гапирсалар мен ҳақимда кўтараман, аммо тоғасига келин бўлиб тушган опам ҳақида айтган фикрларида қандай мантиқ борлигини айтдим. Мен ёмон бўлсам, нима учун совчи бўлиб борганликларини, ўғилларига ҳам ўзлари тавсия этганлари айтдим. Гап орасида эримга ўз оиласида умуман ҳақ ҳуқуқга эга эмаслигини ҳамиша анқов деган номга сазовор эканлигини айтдим. Аммо эрим кўзларида буни ўзи билишини, иложсизлик борлигини, укалари адаси этганидан чиқолмаслигини англадим. У адамга аҳамият қаратма,  мен ёнингдаман деб мени юпатди. Кун буйи ўзимга келолмаяпман. Чалғиш мақсадида ўғлим билан анча километр сайрга чиқдим. Аммо фикримда яна уша бақироқ овоз, чинқираш ва тухтовсиз тухматлар. Бу ҳақида уйдагилар ҳам билишди, уларга аралашмаслигини айтдим. Чунки аканг, опанг келиб сени тарафингни олибди, деган ёлғон надоматлар ёғилганди. Шунинг учун ҳам уларга келманглар дедим, акам ўзи билан олиб кетишини айтди, аммо бу таклифни қайтардим. Йўлга чиққан ойимни орқага қайтардим. Чунки эрим яшаймиз, бўлди чиқмайди шу қиз дегандек, гап қилди. Яшасак орага совуқчилик бўлмасин деб эрим гапларига ишондим. Сайрдалигимда эрим адамдан хабар оламан, обед бераман, сенам уйга кел гаплашамиз деди. Хоп дедим, орқага қайтиб сайрни тугатдик. Уйга келдим, аммо эрим кеч келди. Ҳолсизланиб ётганимга боламни олиб ўзи қаради. Аммо кўзлари маюс эди. Домла чақириб учаламизни қайтарма қиламиз деди. Майли ўзизга қулай пайтга айтаверинг дедим. Мен яна гап ковламадим. Қозондан овқатни олиб, адамга олиб кетибдилар. Мен 2 кундан бери туз тотмадим. Шурвадан ичаман деб турсам, қозон мени ювиб қуй деб турибди. Ўзлари билан ўғлимни адам олиб кел деди деб кутариб ҳам кетгандилар. Мен уй ишлари билан шуғулланиб, баъзи ишларни қилдим. Кўзим ёшланганди. Эрим боламни кутариб келиб, менга аҳамият ҳам қаратмай, тухум қовуриб емисанми деб айтди. Эримга йўқ дегандай боламни олдим. У залга кириб чузилиб роса нималарнидир уйлади.  Мен ўғлимни ухлатиб, эримга ётоқга киринг деб ушбу сўзларни ёзишга киришдим.  

              Мен бу ерда тушунмаяпман ҳурматли  Sayyod.com мухбирлари адам нима мақсадда 2 йил индамай қизим деб, кунглимга озор бермай, энди бўлса ичим тўла дард эди деб жанжал устига жанжал кутардилар. Эрим ҳам гаплашамиз деб индамай қолди. Адам олдиларидан келгач менга қарамасликга интилаяпти.  Адам гаплари орасида ўғлимни суяги тоза, бунга тегмаган қизлар ҳозир турмуши бузилиб уйида утирибди, сен кетсанг уйланадиган одами бор дегандек гаплари айтдилар. Нима кераги бор бу гапни. Балки бу мени ўғлимни ажратаман деб қурқитишнинг янгича усулими? Мен туйга бир ўзи чиқсин уша қиз билан чиқмасин деган муаммо қилсам, улар бўлсалар менга бошқа гапларни қистирдилар. Яқинда иккинчи уғилларини уйлантириб биз билан яшамоқчиликларини билдиргандилар, мен майли келишсин дедим. Энди уйинга бормиман иккалангни жанжалинг мени шу ҳолга келтирди деб  дуқ пуписа қилдилар. Sayyod.com сиздан илтимос менга бирор бир маслаҳат беринг, мен адамни гапларидан ўзимга келолмаяпман, ҳаттоки еб ичишимда ҳам уйқумда ҳам уша важоҳатдан қурқиб тураяпман. Чамамда ўғиллари ҳам сиқилаяпти. Адамни мақсадлари бизни ажратишмикан ёки? Адашган бўлсам Худони ўзи кечирсин. Эримнинг яна индамай безрайб олганлигига қандай жавоб қилай? Уша қиз билан чиқаман деса ҳам яшаверайми? Мен кечки эркаклар орасида ўз касби мутахассиси бўлмаган қизларни қушиқ айтиб юришини тўғри деб ҳисобламайман. Индамай яшай десам ғурурим йўл қуймаяпти. Мен индамай яшасам бу бизни этганимиздан чиқмади деб бошқа ишларга ҳам йўл қуймасмикан? Аввало инсофни ўзига берсин. Эрим эркак,шайтон ҳамиша ҳамроҳ, лекин бундай кечки юрадиган қизлар ҳам анойи эмас. Қизлар эрсиз қолаяпти, қўлидан кўп иш келади. Эрим билан уйнаш бўлиб қолишидан қурқаяпман. Илтимос маслаҳат беринг нима қилай? Олдидан барча фикр билдирганларга рахмат!!!

Ёзганларим  чоп этилади деб умид қиламан. Сиздан илтимос, фамилия, исмим ёзилмасин. Яқинларим, қариндошларим журналистлигини эрини ёмонлаш билан бойитаяпти дейишмасин.