Премьера:

Самандарнинг янги "Чойимнинг шакари” номли қўшиғига суратга олинган клипни тақдим қилмоқчиман. Номланиш ажойиб а?

Бира тўла хозир халқимизда модада бўлгани "Асалли қопқоғи” деб қўймабдида)).

Матн муаллифи Бобур Умаровга тегишли мусиқаси Самандарнинг ўзига.

Қўшиқнинг нақороти ўта ажабнавис:  "халелли леллия, халелли леллия” 

Самандарнинг гапига қараганда бу ўзига хос оригинал бир колорит тақдим қилиш ниятида танланган.

Муносабат:

Юқорида Самандар истаган ниятга эришилган деб хисоблайман, менга ёқди. Фақатгина борган сайин шу чўлларга кириб бораётган Самандарни клипда томоша қила туриб , яна нақорот бошлангач  раққослар массовкасини кутдим.

Шу хозир бирдан пайдо бўлиб рақсга тушишадигандек. Йўқ…

Фақат Самандар ўзининг стилидаги рақслари билан кадрни тўлдиришга харакат қилган.

Афсус...чунки  монтаж давомида вертолёт ва бургутлар билан кадрни тўлдиришга харакат қилинган бўлмасин барибир нақорот рухияти айнан кадрда  тўда рақсларни талаб қилаверган.

Балки сизлар томоша қилиб нақорот бошқа нарсани талаб қилаётганини сезарсиз, яна билмадим, бир ўзимни фикрим билан хукм чиқариб қўймай.

Шахсий фикрим айнан нақорот рухияти талаб қилган кадрлар йўқ деб хисобладим. "Тем более”  «Техас» ёзуви бошида кўрсатилгач, бир тўда хиндулар рақси бўлишига амин эдим.

Клипмейкер Санжар Хожиевнинг операторлик махоратига 5 бахо қўйса арзийди, чунки гўзал фонлар танланган.

Хар таомга аччиқ-чучук хам керак бўлганидек, озгина аччиғидан ё чучугидан))):

Мазкур клипдан келиб чиққан холда сайт мухлисларига савол: Қўшиқдаги "Хей йигит нақдинг қайда?” сўзлари нимани англатади?    "Чойимнинг шакари” мурожаати ва умуман қўшиқ хаммаси йигитга аталган десам, "Кел жуфтимга айлан” деган сўзлари хам бор...

Хуллас шахсан мен тушунмадим, мухлислар хал қила қолсин. Нақдинг қайда дегани нимасини назарда тутган ва йигит деб чойининг шакарига мурожаат қиляптими?

Қисқа хронология:

Киноиндустрия олами Ўзбекистонда қайта жонланишидаги фильмлардаги илк қайтарувчи қиёфа ва ёш шоубизнес раққос хонандаси Самандарнинг машхурлик даври қандай бўлганлиги сир эмас.

Актерлик ўрнини Бобур, Улуғбек ва  Фаррухларга бўшатиб берган Самандар раққосликни хам Аслбекдан сўнг қўлдан бой бергандек бўлганди.

Хонандаликдаку рақобатни гапирмаса хам бўлади. Кўрсатувларни олиб борган Самандар Ягона билан "Сени ўзинг” дуэтини айтмаса, хонандаликни жадал бўлмасада, бир  маромида давомлагани билан хит хонандалар қаторида бўла олмади. Афсуски сўнгги иштирок қилган "Зирапча” ва шахсий фильми  "Арзанда” хам омадсизликка учради.

Мана бу клип ва таронадан кейин тўғриси қандайдир бир омад иссини сезгандек бўлдим. Балки омад, балки Самандардаги иккинчи иштаханинг жонланиши сезилди. Унга шижоатни шу тариқа ушлаган холда давомлашини тилайман.

Хулласи:

Джимми хачааа...., йўғэ, Самандар қайтмоқда!

 Халелли леллияяяяяяяяяяя, халелли леллия !