5 октябрь кечаси Тошкент шахрида дабдабали Оскар мукофоти тақдимоти бўлаётгандек кечди. Туркистон саройи кираверишидан қизил гиламлар... одамлар...журналистлар, фотоаппаратлар ёрқин ёғдулари... дунё миқиёсидаги машхурлар..



Бу ўзимизнинг "Олтин Гепард" 2012 ёпилиш маросими.

Тадбирни кўчаданоқ Адиз Ражабов ва Райхон Уласеновалар олиб боришди. Хаво бироз совиган бўлишига қарамай тадбир харорати анчагина тафтлироқ бўлди. Кўчадаги одамларга орада исиниб олиш учун мини диско онлари хам хадя этилди.



Кираверишда мехмонларни коктейллар билан сийлашди. Кечадаги барча нарсаларга алохида эътибор қаратилиб, ғарбона стандартга жавоб берар даражада.
 Шунингдек фойеда кутилган ва энди бошқа давлат киноижодкорлари учун орзу бўлишга улгураётган "Олтин Геапрд" хайкалчалари...
Албатта хар бир ижодкор учун рағбатлантириш ва тан олиш онлари мухим. Янада устида ишлаш учун туртки.
Оскар, Олтин Пальма барги, Ника, Тилла глобус, Сезар, Тилла бургут, Сатурн, Гойя, Эмми, Осиё киноакадемияси, Венециан кинофестивали, Кинотавр... шарқона ва Осиёнинг жарангдор кинофестивали булар орасида қанча?
Ўзимизнинг кинофестивалимиз бу иккинчи йил бўлишига қарамай, бу даражада ривожланар экан, унинг келажаги мана шу рўйхатдаги номлар билан тенгма тенг туришига умид бор.



Мана бу муздан қилинган хайкални қаранг. Олтин хайкалчаларнинг хар икки четида шундай муздан қилинган хайкаллар қўйилган бўлиб, ишонаверинг улар аниқ муздан, сабаби, кеча тугашига қадар сувлари оқа бошлади)). Бу хам бир тадбирнинг ёпилиш маросимига монандлик деб билдим.

Сўнгги қайноқ мавзу оловланганда оловланмоқда.))) Райхон яна Йигитали билан бирга)) Бу хақида кейинги мавзуда ўқийсиз.

Репортажим бироз кечиккани боис ва тадбирдаги тафсилотлар аниқ етиб бориши учун, Олтин Гепард 2012 ёпилиш маросимини фонд форумнинг веб сайтида (fondforum.uz) тайёр қўйилган репортаждаги аниқ маълумотлардан фойдаланиб, уйғунлаштирилган холда давомлайман:

Муҳташам сарой, катта кузатув экранлари, чироқлар, камералар, қизил гиламлар, олқиш ва меҳмонлар ташрифи — буларнинг барчаси 30 сентябрь куни кучли ҳаяжон билан бошланган эди. Олти кун мобайнида пойтахтимизда ҳукмронлик қилган ижодий муҳит — кино кўриклар, премьералар, илмий анжуман ва маҳорат дарслари каттаю кичик ихлосмандларни бир майдонда бирлаштирди. 5 октябрь куни эса қилинган орзулар, қўйилган мақсадлар, бажарилган ишлар сарҳисоби ва кутилган дақиқалар етиб келди. Иккинчи "Олтин Гепард” халқаро кинофорумининг ёпилиш маросими санъат орқали тинчлик, эзгулик, дўстлик улашишдек ниятлари муштарак кино ижодкорларини "Туркистон” саройига жамлади.

Айтиш лозимки, 30 сентябрдан 5 октябрга қадар пойтахтимизда бўлиб ўтган мазкур Кинофорум ўзбек киноматографиясининг "тарих китоби”га яна бир янги саҳифа қўшди. Кинофорум доирасида ташкил этилган 20 дан ортиқ мамлакат ижодкорларининг фильмлари кўриги, "Замонавий кино санъати: макон, замон, кўнгил” мавзуидаги халқаро илмий анжуман, испаниялик режиссёр Артуро Эрреро, лос-анжелеслик таниқли монтаж устаси Кристофер Белл, режиссёр Тейлор Кеннеди ва актёр Матиас Хьюз каби мутахассислардан маҳорат дарслари, ўзбек фильмлари премьералари сингари тадбирлар унутилмас таассуротларни ҳадя этди. "Олтин Гепард” Тошкент халқаро кинофоруми "ХХI аср тамаддунлари: маданиятлар мулоқоти” шиорига бағишланди ҳамда Кинофорумнинг бу йилги мавзуси сифатида "Яширин уйғунлик ошкорасидан кучлироқ” деб номланди. Бу қадимги грек файласуфи Гераклит Эфесскийга тегишли фикр бўлиб, бу йилги "Олтин Гепард” лойиҳасининг моҳиятини очиб беришга хизмат қилди.

Иккинчи "Олтин Гепард” Тошкент кинофорумининг ёпилиш маросими ўзбек ҳамда хориж киноматография усталарини, кино арбоблари, актёрлар, кинотанқидчилар, фахрли меҳмонларни кутиб олиш одати билан бошланди. Маросимнинг фахрли меҳмонлари сафида режиссёрлар Региз Гезелбаш (Франция), Егор Кончаловский (Россия), россиялик таниқли актёрлар Гоша Куценко, Алексей Гуськов, Елена Захарова, Голливуд актёрлари Матиас Хьюз, Марк Дакаскос, франциялик актёр Федерик Дефенталь, буюк британиялик продюссер Питер Алман ва бошқалар бор эди.

"Туркистон” санъат саройи саҳнасига ўрнатилган катта экран кинозал муҳитини яратди. Мусиқа, оммавий рақслар ва акробат усталарининг чиқишлари ҳамоҳанглигида ўзбек ҳамда жаҳоннинг машҳур фильмларидан олинган энг қизиқарли кадрлар экранда намойиш этилди. Шунингдек, кинофорум танловига саралаб олинган анимацион, қисқа метражли ва тўлиқ метражли фильмлар билан яна бир бор таништирилди.

Ниҳоят кинофорум номинациялари бўйича ғолиб ҳамда совриндорларни аниқлаш фурсати етди. Дастлаб, "Энг яхши анимацион фильм” номинациясининг рағбатлантирувчи диплом ва "Олтин гепард” совриндорлари аниқланди. Анимацион фильмлар бўйича ҳакамлар ҳайъати раиси, россиялик аниматор Олег Ужинов биринчи рағбатлантирувчи диплом эгаларини эълон қилди. Унга кўра "Оқ йўл” ва "Ҳурсанд Тони” (Чехия) анимациялари дипломга, "Dove sei, amor mio” (Хорватия) анимацияси эса "Олтин гепард” совринига лойиқ ,деб топилди.

"Энг яхши қисқа метражли фильм” - эронлик режиссёр Сейфулла Самадияннинг "Беш қисқа ҳодиса” фильмига насиб этди. "Автобус” (Туркия) ҳамда "Моҳир денгизчи” (Қозоғистон) қисқа метражли фильмлари эса дипломга эга бўлдилар.

"Энг яхши эркак роли” учун Константин Божановнинг икки инсоннинг тасодифий бўлмаган учрашуви ҳақидаги "Аве” (Болгария) фильмида бош ролни ижро этган актёр Ованес Торосян тақдирланди. "Ионна” (Польша) фильмидаги ажойиб образи учун "Энг яхши аёл роли” номинациясида эса Урсула Грабовски ғолиб деб топилди.

"Энг яхши режиссура”га эга фильм режиссёр Роландо Коллога "Ёзги ўйинлар” (Швейцария, Италия) кинокартинаси учун "Олтин гепард” соврини топширилди.

Иккинчи "Олтин гепард” Тошкент кинофорумининг "Энг яхши фильми” номинациясида "Иоанна” (Польша) фильми ғолиб бўлди. Режиссёр ва сценарий муаллифи Феликс Фалькнинг ушбу фильми воқеалари иккинчи жахон уруши палласида душман томонидан босиб олинган Варшава шаҳрида юз беради. Унда онасидан айрилган яхудий қизалоқни сақлаб қолган Иоаннанинг хавф остида ўтган ҳаёти хақида ҳикоя қилинади.

Бу йилги Кинофорумнинг кутилмаган совғаси "Моҳирона актёрлик техникаси учун” махсус соврини Россия кино усталари суратга олган "Мана, менга нима бўлаяпти” фильмида бетакрор рол ижро этган актёр Гоша Гуценко диплом билан тақдирланди.

- Кўп йиллардан буён Тошкентга келишни орзу қилганман. Авваллари Москвада ҳаво иссиқ бўлса, "бизда Тошкент” деб қўйишар эди. Мана бугун ниҳоят Тошкентдаман ва ўша айтилган гапнинг тасдиғини кўриб турибман. Бу гап нафақат, об-ҳаво, балки халқингиз ва меҳрингиз билан ҳам боғлиқ эканлигига ишонаман, - дейди актёр.

"Олтин гепард” кинофорумининг ёпилиш маросими қизиқарли мусиқий дастурларга бой тарзда ўтди. Ўзбек фильмларининг олтин хазинасидан жой олган "Хўжа Насриддин”, "Жангга фақат "қариялар” боради” фильмларидаги машҳур мусиқалардан тузилган саҳна чиқишлари ўтирганларга кўтаринки кайфият улашди. Шунингдек, "Янги авлод” болалар ижодиёти фестивали, "Келажак овози” танлови ғолиблари иштирокидаги қўшиқ ва рақслар ҳам тақдим этилди.

Шунингдек, "Олтин гепард” ТХФК доирасида танловдан ташқари бир неча дастурлар тақдим этилди. Жумладан, "Замонавий ўзбек киноси панорамаси” дастурида "Ёзсиз йил” (реж. Х.Файзиев), "Жасур” (реж.Б.Одилов), "Бахт уйи” (реж.А.Бектурдиев), "Кечиккан ҳаёт” реж. А.Шаҳобиддинов), "Ўргимчак тўри” ( реж. М.Абдухолиқов) сингари бадиий фильмлар намойиш этилди. "Франциялик таниқли режиссер Жак Тати (1907-1982) фильмлари ретроспективаси” дастурида унинг "Байрамона кун” (1949 й.), "Жаноб Юлонинг таътили” (1953 й.), "Менинг бобом” (1958 й.), "Ўйин-кулгу вақти” (1967 й.), "Трафик” (1971 й.), "Парад” (1974 й.) каби кинокартиналари томошабинлар эътиборига ҳавола этилди. Шунингдек, "Томошабин билан ҳамнафас” дастури (нодавлат студияларда суратга олинган фильмлар миллий фестивали) да 2012 йил ўзбек режиссёрлари томонидан суратга олинган "Энди дадам бўйдоқ”(реж. А.Узоқов), "Ўгай она” (реж. Р.Саъдиев), "О, Марям, Марям”(реж. Т.Мансуров) фильмларининг гала-премьералари бўлиб ўтди.

Тадбир давомида қизиқ сахна кўринишлари намойиш қилинди, хусусан учаётган Матрица...

Рустам Сагдуллаев машхур "Смуглянка" қўшиғини Сахро гурухи билан куйлади

Тадбир ёпилиши...

Маълум сабабларга кўра, концерт дастурини эртароқ тарк этишимга тўғри келгани боис, хонанда Динейрадан репортажни якунлашни илтимос қилдик:

Динейра:-Сегодня прошла церемония закрытия 2го Международного кинофорума "Золотой Гепард". Все прошло на высшем уровне,как и ожидалось! Красивые люди в вечерних нарядах, ковровая дорожка, журналисты...Приятно было встретить своих коллег и пообщаться в этой праздничной атмосфере. Среди жюри было много иностранных гостей и российских звезд,в числе которых Гоша Куценко,Егор Кончаловский,Елена Захарова, Марк Дакаскас и многие другие. Главную премию "Золотой гепард" получили лучшие режиссеры и актеры. Запомнились красивые танцевальные номера. Также гениально выступил великий актер и режиссер Рустам Сагдулаев,исполнив песню "Смуглянка" с группой Сахро. В конце был фейерверк,запах которого напомнил мне о приближении Нового года!)))
Ну и не могу не написать о роскошном платье Гульнары Исламовны! Шикарное платье в пол,переливающееся золотыми и серебряными бликами. Создавалось впечатление,что от него исходит лунное сияние! В общем, я замечательно провела очередной праздничный вечер,в рамках мероприятия, организованного Фонд Форумом.



Фаррух, Улуғбек, Фаррух ва яна...
ва яна Улуғбек))

Асал ва Зарина

Бобур ва Самандар

Жамшид ва Ёдгор


 Бу Райхон

Жди меня кўрсатуви Олтин Гепардда)) Бош ролларда Рустам Сагдуллаев ва Рихси Иброхимова..."Сахнадошимни топдим"))

Яна Бобур ва яна Самандар

Рустам ака))

Феруза опа жудаяяяям ўзгариб очилиб кетибдилар

Фотонигох сўнггида актерларимиз Олтин Гепард образида))

Суратлар муаллифи Азиз Ғаниев ва хонанда Динейра.