Сардор Рахимхоннинг инстаграмдаги "Эстафета" лойихаси тобора шов-шувли ва қизғин кечмоқда ва ишонинг, тв-даги аксарият кўрсатувлардан оддий инстаграм лойихаси анчайин қизғин кечмоқда. 

Мухлислардан ташқари унда таниқлилар хам қатнашиб улардан "Шахбоз ва Навруз" гурухидаги Навруз хамда "Манго" янги таркибидаги (собиқ "Баён" гурухидаги) Ойбек Сангин иштироклари хам қизғин мухокамаларга сабаб бўлмоқда.

Очиғи, ўзим хам бу лойихани кузатиб, изохларда фикримми билдиришдан ўзимни тия олмадим)).   Рости, "ЗўрТв"даги "ЗеКаверАп"ни шу қадар хали биронта сонини кўришга қизиқиш бўлмади ва бу кетишда "Эстафета" у кўрсатувни хам рейтингини эгаллашига шубха қолмаяпти. 

айни шу лойиха сабаб Сардор Рахимхонни инстаграмда нақ икки мартта "ўқимай" ва яна "ўқиш" учун қайта обуна бўлдим)))

Машхурлар иштирокидан ташқари яна бир қизиқ холат, бу бахтли онларидан завқланаётган куёв ўз тўйи куни келин олдида Сардор Рахимхонни "Эстафета" учун навбатдаги вазифаси бўлган "Ишонмасман" қўшиғини куйлагани жуда қизиқ бўлди.

Бир ўқ билан икки куён-лойихада иштирок ва албатта суйган ёри учун жуда мос бўлган қўшиқ  ижроси)

Мазкур лойиха муаллифи Сардор Рахимхонни ўзи ва табиийки у хам бир ўқ билан икки қуённи овлаган кўринади: Бири ёшларга имкон бериб уларни иқтидорини халққа танитиш ва хам ўз қўшиқларини яна бир бора ёдга солиб уларни янада сингдириб ёдда сақлатиш)

Эслатиб ўтамиз, айнан шу лойиха сабаб  Диноза исмли хонанда "Ётиб куйлаган қиз" лақаби билан интернет оламини куйлаш махоратию куйлаш холати билан росмана хайратлантира олди.

Сардор Рахимхоннинг "Эстафета" лойихасида номи ошкор этилмаган ва хамма учун қизиқ бўлган  "ётиб куйлаган қиз"ни биз топиб мини интервью ўтказиб яна "ДЕМинО" лойихасида иштирок эттирганимиздан кейин эса Дилноза Неъматуллаевани машхурлиги  интернетда эплаб бўлмас даражада кетмоқда. Турли сайтлару видеопорталларда Дилнозанинг инстаграм сахифасидаги куйланган парча қўшиқлари видеолари "ётиб куйлаган қиз"дан янги тарона сифатида премьера қилиниб қизғин кузатилмоқда. 

Ва ўша "ЗеКаверАп" ижодий гурухи томонидан кўрсатувда иштирок этиш учун таклифни хам қўлга киритди. Кастингдан ўтгану аммо ўнталикка кирмаган Дилнозанинг  айни дамдаги қизиқ хонанда эканидан лойиха муаллифлари шунчаки фойдаланган бўлса не ажаб?

Хозирда Дилноза бир неча продюсерлар хусусан хонанда Мохимнинг продюсеридан бирга ишлашга таклифдан то кимсан Озодбек Назарбековгача диққатига сазовор бўлиб, унга лойиха бўлиши кўриб чиқилмоқда. Куни кеча Озодбек Назарбеков хузурига таклиф этилиб жонли ижрода куйлаган Дилноза хозирча у воқеа тафсилотларини сир тутмоқда.

Сардор Рахимхонни "Эстафета"си яна қандай қизиқ номларни тақдим этаркин, кузатамиз!

Сиз бу лойихани кузатяпсизми? Қандай фикрдасиз?