27-март кунидаги "Варрак-шоу" иштирокчиларидан варраги энг баландга учган сохибларга махсус ижобий тилак ёзувлари туширилган кружка (финжонмиди, ёмон кўраман шу сўзни, ким ўйлаб топган шу финЖон, ФинБек ФинХўжани?)) совға қилинди.

Олдиндан улар қандайини олишаётганини билишмайди ва танлаб бўлгач унинг ёзувини билишади.

Варрак учира олмаганлар эса жаримага тортилиб қуръа тушганига қараб ё обручь (айлана) айлантириб ва  ё ланка тепиб ўз қўшиғини куйлаши керак бўлади. 

Келинг аввал шу йилги тадбир ғолиблари билан танишамиз:

Биринчи бўлиб осмонни забт эта туриб бошқа варраклардан юқорига чиқиб олгани бу сайтимиз фанфорумидаги Илёсхўжанинг жияни Абдуманноп исмли йигитчанинг варраги бўлди.

Унга "Қувонч" деган кружка чиқди. 

Хонандалардан биринчи ва ягона варраги юқорига кўтарилганлардан фақат Абдулла Қурбоновники бўлди. Унга "Ғалаба" кружкаси чиқди. 

Фанклублардан эса "Беном" гурухи фанклубининг варраги юқори келганида унга "Омад" кружкаси чиқди. 

Шахзода фанклубининг хам варраги юқори келди, уларга эса "Мехр" кружкаси чиқди. 

Фанклублардан тадбиримизга астойидил тайёрланиб келган гурух бу Муниса Ризаеваники бўлди. Улар ўз хонандалари суратлари билан варракларини безашганди. Уларнинг хам варраклари юқори поғонани эгаллаган пайти совға қилинган кружка номи "Зўр" бўлди.  "Варрак-шоу"га зўр тайёрланганларга зўр кружка!)

Тадбир мехмонларидан сайтимиз хамкори "Султон-Саид" кошонаси маъмуриятидан оилавий келганларнинг хам варраги энг тепага чиққанлардан бири бўлди. Уларга "Вафо" кружкаси чиқди. 

Навбат жаримачиларга!)

Варраги учмай унга жилмайишлари хам кор қилмай  жарима шартига тушган Алишер Файз ланка тепар экан "Чаманда гул" қўшиғини куйлаб нақоротига етиб бора олмади)

Яна бир варраги шамолни қучмаган Шухрат Йўлдошев эса Алишердан анча кўпроқ тепа олди ва унга  "Аъло" кружкаси насиб қилди. 

Манзуранинг жононлиги хам варракни тепага кўтара олмаганидан кейин у хам жаримага тортилди. Обручь (айлана) айлантириб қўшиқ ижро қилган Манзурага "Химоя" чашкаси чиқди.   

Лабутен пошнали пойабзали билан хам анча харакат қилган Саиданинг варраги кўтарилган бўлсада...узоқ шамол билан дўстлик риштасини боғлай олмади. Ва тадбирга пошнали пойабзалда келгани учун хам икки карра жаримага тортилиб  шу пошнаси билан ланка тепди ва хам айлана айлантирди...ооо буни кўриш керак эди)) Инстаграмда видеопарча бор)

Саидага "Хотиржамлик" насиб этди.

На лабутенах нах и в бииип..упс, и в восхитительных штанах!) 

Ланка тепишган Шахнозга "Севги", Халимахонга эса "Ишонч" насиб қилди. 

Актер Адиз Ражабов ланкани хар хил позаларда тепкилаб пешона териси билан "Шодлик" кружкасига эришди 

Актриса Луиза Расулова   ланкаям тепди, айлана хам айлантириб ўз "Бахт"ини топди. 

Яна  жаримага тушган Ботир Имомхўжаев, Афруз гурухи йигитлари, Райхон ва Сардор Рахимхонлар шартдан ўтиш пайтигача тадбирдан тинғ этиб йўқолиб қолишди.)

Кейинги ва сўнгги репортаж Фотоқичима бўлади....оооо ёммонидан бўлади) Компроматлар уммонию папараццилар байрами))

Суратлар муаллифи Баходир Матёқубов ва Акбаров Достон