Кириш:

Ғоя тарихи: Хонанда Шахзода "Шамол ортидан қувиб” фильми хақида "Жоним” гурухи клипини суратга олиш жараёнида тўлқинланиб гапириб берганидан шу фильмни томоша қилдим. У ердаги варраклар диққатимни тортди, болаликни эсладим. Миямда варрак билан боғлиқ қандайдир лойиха айланиб турдию, чалғиб ёддан чиқариб юбордим.

Бироз ўтгач форум модераторларидан бири Ғиёс исмли йигит юлдузлар билан варрак учириш ғоясини таклиф қилди. Ана шунда хаммаси бир бўлиб "Варрак-шоу” ўтказишга келишдик.

Мақсади: Оддий! Лойихалар кўп лекин янгилик эмас, қандайдир енгиллик етмаётгандек. Санъат олами бир бири билан аксарият холда тўйларда сахна олдида навбат талашиб кўришишидан кўпроқ мана шундай рухиятда кўришиб туришса, шундай ижобий учрашишга сабаб бўлган лойихалар билан балансни тўғирласак санъатдаги мехр оқибатни ривожлантиришга оз бўлса-да хиссани қўшардик. Бундан ташқари варрак учиришнинг гашти ўзгача, бу билан уларга болаликни ёдга солиш, завқланишни хадя қилиш. Ёш ўтгани билан варрак каби баъзи ўйинларни қўмсаймиз, лекин кап-катта бўлиб, яна устига машхур артист кўчага чиқиб бир ўзи варрак учира бошласа кўпчиликка ғалати туюлади.

Мана бундай оммавий тадбир эса Айни муддао!

Бу имкониятни хам бериш.

Қўшиқ, мусиқа:  Яна бир ютуғи хеч қандай микрофон, колонкасиз табиат, атроф мухитдан завқланиб жонли қўшиқ хиргойи қилиш.

Илк маротаба бошлаганимиз учун бу сафар тўлиқ истаган режамизни амалга ошира олмадик. Кейинги сафар режадагидек ўзбек халқ чолғу асбоблари билан иштирокчи хонандалар хеч қандай микрофон ва колонкаларсиз, хеч қандай аппаратларсиз оддий мусиқий чолғу асбоблар жўрлигида куйлаб беришади.

Бошлангунча;

"Варрак-шоу”ни илк сонини Ғиёс танлаган бир сирли, тарихий баландликда ўтказдик. Бу тепаликка келгач Тошкентнинг ўзидаёқ тоққа чиққандек бўласиз. Манзара ажойиб.

Машхурларга қулайлик учун асосий ташкилий ишларни айнан Ғиёс ва Шахло бажаришди.

Юлдузларимизни йиғиб, тадбирга хомийларни жалб қилишда Феруза Фаттахова ва Саида Вахобовалар хизмат қилишди.

Кимлар келди?

Келганлик тартиби билан қатнашган иштирокчилар:Шоир Мухаммад Исмоил, хонанда Илхом Мий Арма ва унинг маъмури Умид Арма, хонанда  Шербек Шодиев ва унинг продюсери Искандар Шукуров,

актриса Шахзода Матчанова ва унинг дугонаси Земфира (хонанда эмас),

хонанда Шахзода,

хонанда Нилуфар Усмонова ва ўғли Саидағзамхон, Тарона студияси директори Даврон Муқимов,

хонанда  Лола ва қизи Шахина,

 "Жоним” гурухи қизлари: Мира ва Мадина.

Актриса ва хонанда Муниса Ризаева,

балетмейстер, раққос ва хонанда Амир Пўлат,

хонанда Отабек Муталхўжаев, унинг продюсери журналист ва бошловчи Феруза Нодирова ва Отабекнинг хомийси Шухрат ака,

хонанда Ситора Ахмедова,

шоир, бастакор ва хонанда Якзон,

шиора, бастакор ва хонанда Шахноз, Тарона аранжеровкачиси ва бастакор Жасур Абдурахмонов, "Ўзбегим таронаси” радиоси бош мухаррири Сайёра Рўзиқулова,

хонанда Зохиршох Жўраев,

хонанда Динейра,

Актерлар Адиз Ражабов ва Акбархўжа,

хонанда Ягона ва

хонанда Шохруххон.

Номинация ва ундаги ғолиблар

Юлдузлардан энг юқорига "учганлар”: Шербек Шодиев, Отабек Муталхўжаев, Шохруххон ва Шахноз бўлишди.

Фан-клубдан Азиз деган йигитники

Энг довюраклар рўйхати: Шербек ва унинг продюсери Искандар, 

Шохруххон ва Шахноз. Тепаликда жуда қалтис ва чиқиб тушиш ўта хавфли бўлган жойга чиқиб варрак учиришди. Шахноздан лекин кутмагандик. Қойил!

Энг фидоий иштирокчи хонанда: Илхом Мий Арма!

Фан-клубдан Ғиёс, Шахло ва Сарвар

Энг енгилмас хонанда Шербек Шодиев, бир неча маротаба варракларни алиштирди хам, майдонни хар қаеридан учирди хам.

Энг оригинал варрак сохиби: Отабек Муталхўжаев. Харбий самолёт!

Фан-клубдан эса Анварбек, унинг варраги Микки маус!

Энг ғалати варрак сохиби:"Жоним” гурухи қизларида бўлди. Физика қонунини тескари қилиб ташлаганда хам уларнинг бу антиқа варраклари учмаган бўларди. Сувда сузиш учун мосланган кемачанинг ёнига хўл салфеткадан бант ёпиштирилган. Фантазия нималарга қодир эмас а?)))

Энг дахшатли варрак сохиби: Якзон, катта кўршапалак. Рангини айтмаса хам бўлади. Айтганча Якзоннинг кўйлаги хам оригинал эди. Эклектика!

Энг шаддод иштирокчи: Нилуфар Усмонова, мазза қилиб завқланиб варрак учирди ўзиям. Четдан туриб хеч ким уни кечагина иккинчи она бўлган дея олмасди, харакатлари, шўхликлари ёш қизалоқни эслатади. Кўз тегмасин.

Энг ишпиён, талончи, киссавур ва айёр иштирокчилар : Шахзода ва Лола)))))) Лола; Хўўўш, ёмонамас Шахзода, вкусинг зўр)))

Энг пошнали томошабин  юлдузлар: Ситора, Динейра ва Ягона!))) . Вахоланки Динейра кейинроқ барибир чидаб тура олмади, уни Шохруххон илхомлантириб юборди ва у хам  варрак учириб кўрди.   Шохрух эса кўриб турганингиздек Динейрага варракни тутқазиб баландлик сари ошиқди! Ситора эса оригиналлик билан ажралди, бекор турмай деб бир қанча чигал бўлган ипларни чигалидан чиқариш билан машғул бўлди. Тикувчиликка  қизиқади шекил.

Энг қимматбахо иштирокчи: Нилуфар Усмонованинг ўғли Саидағзамхон. Бу лойихада иштироки учун Нилуфар унга ғолиблик титули билан биргаликда IPhone телефонини совға қилишга мажбур бўлди.

Энг кутилмаган интрига сохиблари: Шахзода Матчанова ва Зохиршох Жўраев. Сигир соғиш ва соғилганини ичириш операцияси.

Энг жиддий ёндошган Шахноз, у ўзи билан нафақат бир қанча варраклар, балки иплар хам олиб келди.

Энг катта варрак сохиби, энг беғубор, болаликка берилиб шўнғиган, анча пайт хеч ким уни варракдан тортиб ололмаган, охиригача энг тепада хамма ва борлиқни унутиб  варрак шоудан завқланган Шохруххон бўлди!

Энг зўр номинация барибир меники!!! Энг оддий ва омадли, оригинал қурбақа варрак анча вақт осмонни забт этиб турди! Атиги икки варроқдан букланиб осмонга қўйиб юборилган варрак! Гувохлар бор, алдамадим)))

 Нилуфар: Эх ёшлар, ёшлар. Ўргатавериб ўзимда қолмади, буёққа бер кўрсатаман яна қандай учиришни)))

Интрига ва қизиқ холатлар:

-Шербек Шодиев фикрича хозирда сотилаётган ва "Варрак-шоу”мизда ишлатилган хитой варраклари сифатсиз, шунинг учун у қадар юқорини забт этмайди. Ўзимизнинг "Бешқамиш”, "Лайлак” варракларига хеч нарса етмайди.

-Барча хонандалар ва хаттоки актерларга жонли қўшиқ куйлатдик. «Жоним» гурухи қизларининг куйлашлари аъло бўлди.  Адиз ва Акбархўжа  Достон Убайдуллаевнинг "Тулпор”ини куйлашди. Шохруххон ва Шахноз оригиналлик билан ажралишди, Шохруххон айнан бу лойихага аталган "Варрагим” саундтрекини куйлаган бўлса, Шахноз Шахзоданинг "4 қадам қўшиғини” варракга боғлиқ сўзлар билан "боплаб” куйлади)))

 Зохиршох: Ким соғади-ё шу сигирни-ё? Шахзода: Ман соғаман-о шу сигирни-ё, Зохиршох: Соғолмайсан-о шу сигирни-ё, Шахзода: Вай соғсам сан ўзииинг ичиб ташлайсан! Зохиршох: Йиғил халойиқ соғар-шоуга!

-Зохиршох Жўраев ва актриса Шахзода Матчановалар яқин орада ўтлаб юрган сигирдан илхомланибми гаров ўйнашди. Унга биноан агар шу сигирни Шахзода соғиб берса, у сутни Зохиршох ичиши шарт! Шахзоданинг довюраклигига беш кетса арзийди, қўрқмай қўлидаги пластмасс стакан билан келиб сигирни силаб соғиб кўрди.

Бўлмади. Сигир хали туғмаган кўринади, сути йўқ экан.))))

-Шоир Мухаммад Исмоил шоу бошланишдан аввал келиб, ўзларининг "Осмон тўла орзулар” номли китобларидан бўлишиб, ғолиб учун биттасини ташлаб кетибдилар. Китоб номланиши лойихамизга жуда мос. Ғолиблар кўп бўлганлиги ва улар орасида қизлардан фақат Шахноз бўлгани учун унга тақдим қилдик.

-Лойихада бир "Қитмир” хонандани ажратиб олиб у бошқа хонандаларни варрагини уриб тушириш вазифасини юклатишимиз керак эди. Энг баландда учаётганлардан Шербек танланди. Лекин бу хақида бошқаларга айтилмади. Негадир қитмирликни энди бошлайман деганида ўзининг варрагини уриб тушираверишди.

-Нилуфар Усмонова ва  Муниса Ризаеваларни кузатиш жуда завқли бўлди. Муниса умрида варрак учирмаганлиги харакатларидан яққол кўриниб турарди, у астойидил  харакат қилди.

-Шахзода ва Лола. Лойиха давомида энг кулгули холатлардан бири айнан шу икки хонандага тегишли бўлди. Лоланинг қизи Шахина истаган фильм қахрамони сурати туширилган варракни шоуга келаверишда хар қанча қидиришмасин топа олишмаган. Шу пайт фан-клуб аъзоларидан икки йигит айнан ана шу варрак билан келиб қолишди. Эндигина келиб хали хеч ким билан кўришишга улгурмаган йигитларнинг олдига Шахзода   келиб варракни сўраганида йигитларни холатини тасаввур қиляпсизми? )) Ўзларини йўқотиб қўймай, хатто учиришга хам ёрдамлаша бошлашди.

Бирмунча вақт ўтмай Лола ва Шахзодани яна бир "жиноят” устида ушлаб олдик. Бу сафар у қахрамон сурати эмас, нақ ўша қахрамон кўринишидан тайёрланган варракни шўрлик Якзондан куч ишлатиб, қўрқитиб, мусодара қилишаётган эди. )) Лола: Якзооон, овқатингни...йўғэ, варрагингни учирмисанми?)))

-Юқорида айтганимиздек қалтис тепаликка Шахноз эпчиллик билан чиқиб тушиши хам хайратлантирди ва хам унинг довюраклигига тан берилди. Шохруххон эса у тепаликни эгаллаб хамма хаммани унутиб самони бошқаришга берилиб кетди. Шахноз: Варрагим учиб кеттиииии

-Яшил либосда келганлар кўп бўлди. Худди олдиндан келишиб олингандек. Мен, Адиз, Шахзода, Феруза Фаттахова  ва Ягона

-Хм, вақтни бекор ўтказмай, унумли фойдаланамиз а?Ха Фаттахова? Нима бўвотти сизга? Ражабовни уялтириб юборибсиз?   Бир ахвол қилиб қўйибсизку бола пақирни))))

Хуллас "Варрак-шоу” кўтаринки кайфият, қизиқ ва кулгули ходисаларга бой бўлди.  

 Бу суратнинг номи "Вуяй- вуяй")))

Хаммага ташаккур!

Алохида ташаккурлар бу асистентларим  Феруза Фаттахова ва Саида Вахобова,

фан клуб рахбари ва модератор Шахло, форум модераторлари Ғиёс ва Сарвар, ва

албатта барча адолат посбонлари фан-клуб аъзоларига!

Хамма билан танишганимдан хурсандман!

"Варрак-шоу”ни қўллаб қувватлаб хамкорлик қилганлар:

"Pride” савдо белгиси остидаги ичимлик сувлари

"Samo-film” киностудияси.

Ва яна кимлардир олиб келган печенье ва  писталар)))))))))

Яқин кунлар мазкур шоудан юлдузларга  берилган саволлар ва уларнинг антиқа жавоблари, шунингдек жонли ижролари билан танишасиз.

Келаси йилги "Варрак-шоу"мизгача!

 Энг аъло сурат! Осмонни бошқараётган Шохруххон)).