Азарт, қимор , пул ўлсин...

Инсоният онгини телбаликкача олиб борадиган нарсалардан бири. 

Шу қадар ахмоқоналикларга олиб боряптики, ўзини овутишдан то "крайний" қилишгача хайвонларгача ўтилди.

2010 йил октябрь ойида Пауль номли саккизоёқни башоратлари ўлимга олиб боргани хақида қисқа сатрларда хабар бергандим (манбаа)

Энди эса Қатарлик Шахин исмли туя балогардон бўлиб, хато башорати учун отиб ўлдирилган деган хабар тарқалди. Бу сурат нечоғлиқ хақиқатга яқин билмадиму, аммо гап асли инсоният ахмоқликларига тақалади. Ўлдиришдими, тирикми, фанатлар аламдан атай уюштириб бошқа туядан алам олиб тарқатдими билмадиму, асл негизи бошқа ва нақадар кулгулик...

Шартми хайвонларни номлаб, уларни башоратчи қилиб яна аламини олиш?

Югуриб копток тепганлар киму, соққасига эгалар киму, ахмоқона азарт натижаси хайвонлардан Вангани излаб улардан ўч олишгача олиб келмоқда.

Дунёга нималар бўляпти?

Ўша хайвонлар "башорати" тасодифдир, аммо мана шу видеода хам туя хайвоний нафс инстинкти билан ёғочни ғажиш иштиёқида харакатини кўриш ва тушуниш қийинмас.

Ёки "Хурматли фанатлар бугун мана бу команда ютади" деяптими? Нияти хайвоний ғажиш ва нафсини қондириш холос. 

Аслида ёнига учта қўйса хам, юзта қўйса хам барибир биттасини танлаб ё хидлайди ва ё ялаб ғажийди ва причем тут башорат ва футбол?!

Ютубда томоша

Яхшиям Ўзбекистонда бундай ахмоқликлар йўқ.  Твдаги дунё янгиликларини кузатиб Ўзбекистонда яшаётганимдан шукр қилсам, мана шундай ахмоқона янгиликларни кўриб  ўзбеклигимдан фахрланаман.