| Нилуфар Усмонова "Тарона рекордс"ни тарк этиши ва у "Терра груп" компаниясига ўтиши хақида, анчадан бери гап-сўз "юрарди"
Яқиндагина маълум бўлган хабарларга кўра, Нилуфар рости хам "Тарона" компаниясидан кетганлиги, аммо, тахмин қилингандек, "Терра груп"га эмас, шунчаки, озод хонанда сифатида фаолиятини давомлашини хабар қилишмоқда.
ТВМ каналидан "йўқолган" "Тарона"чилар хақидаги саволлар кучайган бир паллада, бу воқеага, шунингдек, "Терра" ва "Тарона"нинг хамкорлик канали саналган "ТВМ"даги "Тарона"чиларнинг кўринмаётганига хам , ойдинлик киритишга харакат қиламиз.
Хозирча "Тарона"чилардан Нилуфарнинг "Эй бола" клипи ТВМда, Шахзоданинг "Чико"си эса "Ёшлар"каналида, онда-сонда кўринмоқда холос...
"Тарона" компанияси қошидаги "Тарона рекордс" студиясининг овоз ёзиш бўлими директори Даврон Муқимов Нилуфар Усмонова билан боғлиқ бу хабарни қисман тасдиқлади ва дархақиқат Нилуфарнинг "Тарона" компанияси билан энди бошқача муносабати йўлга қўйилгани, яъни ВИП лойиха эмас ва молиявий қарамлиги эндиликда йўқлигини тасдиқлади:
Даврон Муқимов: - Нилуфар Усмонованинг "Тарона" билан эндиликдаги бошқача шаклдаги муносабати уни ТВМ каналидаги клиплари ротациясига ўзи пул тўлаши билан хам намоёнланади. Лекин, Нилуфар "Тарона" компаниясини тарк этмаган ва у шу компания қошидаги хонанда хисобланмоқда.
Нима учун ТВМ каналида "Тарона" лойихалари клиплари кўринмай қолди?
Даврон Муқимов:- Бу саволни ТВМ каналига берсангиз тўғрироқ бўлади, чунки биз халигача бу хақида хеч нарса билмаймиз.
| 
0
