Наврўз "Ўртач" ёки Хоразм "Элвис Пресли"си Тошкентда!)) - 4 Марта 2012

Наврўз "Ўртач" ёки Хоразм "Элвис Пресли"си Тошкентда!)) Suhbat | Intervyu | Reportaj

Наврўзбек Собировни Тошкентдагиларнинг хаммаси хам танимайди. Хоразмда эса у салкам "мега-юлдуз". Нақ қизлар қичқириғи!))

3 март "Истиқлол" саройидаги концертига келаётганимда "Деярли реклама бўлмади, Тошкентда умуман промаси бўлмаган бу йигитни концертига ким хам тушаркан"" деб ўйланиб келгандим. Майли залда деярли 98 фоиз хоразмликлар ( қолган 2 фоизи мен ва хамрохим бўлса керак) бўлса хам, аншлаг! Дастур бошидан деярли бутун зал дискотека қилди. Томошабинлар уни кутиб олишидан хамрохим билан хайратланавердик. Хар бир қўшиғига залнинг олқишларини кўрсангиз эди! Дискотеканику гапирмаса хам бўлади, томошабинлар йўллари хаммаси зал бўйлаб лиқ тўлиб рақсга тушишди, сахнани атрофиям қолмади.

Шахсан ўзим тушган концертларни биронтасида бундай ходисани кўрмагандим.

Агар дастурни тахлил қилсам мана шу юқоридаги холатлардан ташқари хаммаси фақат танқид бўлардию...лекин, ўша Наврўзбек-ўша жахон бўйлаб ижара репертуар. Елена Папаризоудан тортиб Сердар Ўртачгача. Орада бир икки хоразмча муаллифлик қўшиқларни айтмаса, қолгани хаммаси ижара қўшиқлар. Бошқа хонандалардан фарқли Ватанга аталган қўшиқ дастур бошидан куйланди. Кейин бошланди)))

Нафақат қўшиқлари ижара балки рақслари хам))) сакраб-сакраб, Тарканниям қилиқларидан кўрсатди бошқасиниям))) Либослари "Элвис Пресли Хоразмда дам олиб кетди" коллекциясидан "Джексон қайта Ўзбекистонда туғилиб дизайнер бўлди" коллекциясигача ))

Бу йигитни ўзим учун интернетдан кашф этгандим. Хоразмлик дўстим тавсияси билан қўшиқларини тинглаб овозига рости тан берганман. 20 ёшлик болакайнинг овози бундайлигига хеч ишонгим келмаган. Ёдингизда бўлса сайтда унинг қўшиқларини хам қўйгандим, хаттоки "Джуманджи" дастурида хам унинг қўшиғи эфир юзини кўрган. Шунинг учун хам Тошкентдаги концертига қизиқдим.

Собировлар сулоласидан кўпроқ шу йигитни қўшиқларидан хабардорроқман. Овози зўру...шу қўшиқ ижарага олганидан асабим қўзийди, лекин қўшиқни ижроси аввалги ижрочисидан аъло этганига тан бериб, яна ўйланиб қоламан.

Овози, куйлаш махорати арзигулик бўлган бу йигитга яхши имиджмейкерлар билан, бастакорлару шоирлар етишмайди. Нафақат Хоразм, балки бутун Ўзбекистон бўйлаб шухрат қозонишга назаримда мана шулар етишмаётгандек.

Репертуар барибир ўзиники бўлса бошқада.

Бошқа тарафдан 20 ёшлик йигитчани "Истиқлол" санъат саройини тўлдириб бу қадар файзли концерт бериши хали бошланишидан дарак бўлса ажаб эмас.

Катта бўляпсиз, энди хурмат хам тўлақонлик бўлиши учун муаллифлик қўшиқларидан куйланг Собиров! Хархолда "Истиқлол"да концерт бериш даражасига етибсиз, репертуарни хам хурмат даражасига кўтариш вақти келди!

Бу йигитни сайтимиз билан таништирган ва бугунги концерт учун таклифнома хам тақдим этган Умид Авезметовга ташаккур билдирамиз.

04-Мар-2012 08:16

Бўлим: Suhbat | Intervyu | Reportaj | Чоп этди: Sayyod | Тег : Navroz Sobirov

ТЕГИШЛИ МАВЗУЛАРДА:

Сани юрагинг бўлолсам, бу жoнда йўқ бошқа тилак...

Порядок вывода комментариев:

Ёқдими?