Бу йилги тантананинг ё режиссери янги ё бу йилги бахор шамоли ўзи билан Париждаги диддан озгина ва санъатдан хам йўл-йўлакай олиб олган кўринади.

Жа бир Париждан дид бўлмаса хам, хар холда шоу-бизнесимиздаги аввалги дид тушунчасини у шамол учириб кетганлиги аниқ.

Йилдан йилга хеч қаерда хам кўринмаса фақат шу байрам тадбирини эгаллаб олгандек дежурантлар хам кўринмагандек.

Янгилар кўп, Янги зўр овозлар кўп. Либосларда НИХОЯТ Совпластитал қўшма корхонаси махсулотлари ва Хитойнинг пластмассалари кўринмагани жуда катта қувонч!

Сваров тошларини севувчи Озодбек ва Сардор Рахимхонлар хам бу йил дидли кийинган. Тантанани кузатиб хурсанд бўлар эканман, охиригача қўрқиб тургандим хозир хаммасини бир қилиб, сахнага чиқишдан аввал сваров тошлари бочкасига бир шунғиб чиққан Озодбек чиқиб келади деб. Йўқ. Оддийгина ва дид билан сипо кийинган холда чиқди.

Бу йилги режиссерга офарин! Постановка супер! Айниқса охирига қолганидаги қизиган пайтда Хоразм Лазгиси Ооооо!

Хоразм рулит!

Энг аввало бу йилги Наврўз тантанаси учун 5+ бахо бу режиссерга ва албатта байрам стилистига (агар бўлган бўлса албатта).

Бир бошидан.

-Хосила Рахимова ўз амплуасидан четга чиқмаган холда, баланд пошнани хозир шу майдонда табаррук қилиб синдираман деб роса уриндилар, бўлмади. Демак хитойники эмас, сифатли туфли экан бечора, ердан нақ учқунлар чиқар даражада депсинса-я.

Нима хам дердик йўналиш бугунги кунда бир ташхисдек, гапириб хам кулиб хам бўлмайди. Фақат ачиниш керак холос.

-Болалар рақс дасталари бахорий "Бойчечак” хақида ўша болаликдан аён бўлган шеърий фольклер ва "Ким олади-я шугинания” сахна кўринишлари ажойиб чиққан.

-Санъатимизнинг энг содда намоёндаси, звездалик тушунчасидан йироқ, сочларини битта ўриб, дўппи бостириб метроларда сипогина юрадиган (ўзим кўрганман) Муножот Йўлчиева "Мустахзод”ни куйлаб чиққанида хақиқий ўзбеконалик ва Наврўзни сездим, тўғриси. Либослари хам атласдан бўлсада дизайни ва соч турмаклари бошқача, ярашган.

-Ниҳол мукофоти совриндори Гулмира деб ёзилганида аллергиям бир акса уриб берди. Бу мукофот совриндорлари сўнгги пайт фақат энсани қотирардида, йўқ, бу йилги тантанадаги ниҳолчилар нафақат  кўзни, балки қулоқни яйратиб лол хам қолдира олишди. Гулмиранинг овоз махоратидан, аксариятни билмадиму, айнан у жуда лойиқ эканлигига амин бўлдим. Яна бир Ниҳолчи Малика Эгамбердиеванинг овози, йўналиши Гулсанам Мамазоитовага ўшхаб кетса-да, иқтидори эътиборга молик. Унинг хам сахна кўриниши байрамга хос бўлди.

-Ёдгор Мирзажонов, Мадина Мумтоз, Отабек Муталхўжаев ва Фирдавсларнинг бахорий қўшиқлари чиройлик чиққан.

-Абдурашид деган йигит, узр фамилияси ёдимда қолмади, овозига гап йўқ. "Мухаббатмикан” қўшиғи ёдимда қолди, иқтидори, овозининг тиниқлиги ва куйлаш махорати билан эътиборга туша олди.

-Зиёда, офарин!  Бошқа гап ортиқча. Хаммаси ўрнида. Янги "Ёрим бўлинг” қўшиғи, овози, ўзини тутиши ва кўриниши хаммаси аъло!

-Рахимхон. "приятно удивил” деган иборани биласизми? Синчиклаб қарадим, йўқ совпластитал ва хитой махсулотидан нарида ,  "Васлинг” қўшиғи омадли чиққан. Наврўзга ярашган қўшиқ.

-Бу йилги тадбирнинг яна бир қизиқ ва  кутилмаган қиёфаси Лола бўлди. Ўша бахорий либос ва имидж, "Хаётни сев” таронасини "Келди баҳор” дея куйлади.

-Тоир Қўзиев ва "Сато” гурухи! АЛОХИДА ТЎХТАЛАМАН! Мана буни сахна либоси деса бўлади! Офарин! Сваровскиниям жойида ишлатиш керак эканда а? Ярашганига ва келганига! Либослар шу қадар бежирим ва чиройликки Тоир оканиям қоматини ёш йигитларникидек қилиб кўрсатиб турибди-ей. Жуда чиройлик имидж. Шарқона, нақшинкор ва такрорланмас оригинал! Ўша гап ўша гап, сваровскийми бошқасими, уни ишлатишни билишда. Устидан тўўўкворишмас. "Сато” гурухига бу йил тантанада имидж бўйича олий ўрин!

-Сайёра Маматқулова деганини хам энди кўришим лекин у хам шу Гулсанамга ўхшаб кетсада, овоз махорати, куйлаши ажойиб.

-Шўх тарона бошлангач Алишер Турдиев деб ёзилди. Ким экан дебман. Ўзимизни Алишер Файз экан. Бу  майдонга файзлари ўтмабди-да.))) Бу йигитда хам либосида бачканалик сезилмагани қувонтирди. Оддийгина, сипогина ва қўлларида дутор билан.

-Гулсанам сахнада. У хам диди билан бу йил қувонтирди. Хеч қандай сочларни яхлатиб, қотириб чирклатиш йўқ, баҳорий ёйилган. Либослари қора атласдан, дид билан тикилган ўзига бу имидж жуда ярашган.

-Зулайҳо Бойҳонова сахнага ташриф буюрганларида, мен туш кўряпман бўлиши мумкин эмас бугун хамма қувонтириши деб юбордим. Уларнинг хеч хам ўзгармас силлиққина соч турмаклари бахорий мавжланган кўринишда. Уларда хам пластмасса аломатлари сезилмагач, майдонга кираверишда аниқ пластмассодетектор турганлигига ишонч хосил қила бошладим.

-Ишонмайсиз, Ғиёс Бойтоевдан шу бугунгача рақсбоп ва ўз таъсирини кўрсата оладиган қўшиқ эшитмагандим. Шахсан мен. Қойил қолдирдилар. Айниқса раққоссалари, қўшиқни шу қадар сакраб-сакраб  етказиб бера олдики, айнан шу пайт рақсга тушаётган одамларга дирежерни хам кераги йўқ эди.

-Ғуломжон Ёқубов! О дид! О супер! Шу пайтни ўзида нақ 3та смс олдим "Ғуломни қара, крассавчик а!”. Дид учун ёш шарт эмас. Мана дид! Мана кўриниш! Оппоқ костюм шим, кўйлак, галстук ва туфли. Супер! Яна Шахзод гурухи солисти Рашид Холиқов чиққанида эди яна бир супердид намунасини кўрардингиз.

-Мана энди умуман гап топиб бера олмайдиган сахна кўриниш хақида. ЛАЗГИ!

Бирдан Лазги наволари бошланса бўладими ууууу. Хамманинг ашуласи қисқа-қисқа берилаётган бир пайтда Лазгини бошидан охиригача куйланди. Хоразмлик  эркаклар, узр исмлари ёдимда қолмади, лекин гап йўқ!

Йўқ, бор кўп гап ва хаммаси ОФАРИН! Сайтимизда бир келиб бугунги кунгача у наволарни менга сингдира олган Хоразм наволари бугун яна бир бора Хоразм санъатининг ўзгача сехри борлигини исботлади. Шундоққина хис қиласиз, рақсга тушиб кетганингизни сезмай қоласиз.  

Дим муччи бўлдиииии. Вохеееей!

-Озодбек Назарбеков сипо либосда чиқди, соч турмаги ярашибди. Қўшиқ адашмасам олдинги йилги.  Шундан сўнг Гулсанам, Абдурашид ва яна бир қиз билан Озодбек "Хуш келдинг Наврўз” квартети ижро қилиниб,  байрам тадбири якунланди.

Хуллас хаммаси бу йил зўр! Янги қиёфалар нихоооят. Байрам дежурантлари отпускага ё нафақага чиқарилибди шукур.

Яна шу тадбирда Шохруххонниям уёқдан буёққа Дажонламлаб пилдиллатворишганида янаям қизиқроқ бўларди. Манимча.

Янгилардан турфа хиллик ва турфанинг хам асл овозлари қувонтирди.

Совпластитал пластмассалари, емаган ёпиштирилган гуллар ва фақат тадбир учун бўлган юлдузлар  бу йил бўлмади, бу жуда катта ютуқ!

Хўш, ёзганларимни бир ўқиб чиқиб қўрқиб кетдим.

Наҳотки қаридим?

Бир икки танишимга тез қўнғироқ қилиб сўрадим, балки менда баҳорий иллюзия даври?

Ё кайфиятим аъло?

Йўқ, хаммаси жойида фақат яқинда хеч нарса ёза олмайсан, санъатимиз ривожланяпти деди.

Йўқ, ёза оламан, ишонваеринг ўша яхшисини хам етказиб бериш учун хам ёзишим керак энди.

Урра бугун Наврўзни тўлақонли хис қилдим.

Тадбирдан хурсанд бўлдим!

Ташкилотчиларга рахмат!

ВИДЕО:

Тасиксдан кўчириб олмоқ:  

1 қисм 55мб, 

2қисм 53мб

Видеони сайтимиз учун махсус лутфан тақдим этган Азамат Қодировга ташаккур изхор этамиз.