Настарин гул ғанимат... Muhlis Minbari
Настарин гул ғанимат...

Ёқдими?

Бошқаларга хам кўрсатинг:


 

Салом Сайёд.

Сизга бир шифохонадан Шахло  ёзмоқда.

Бу воқеа олдинги йил бахорда бўлганди, эсимда қолгани  настарин гуллари хатто оппоқ қордеклари хам  шифохона ховлисида гуллаб ётарди. Воқеамга настарин гулларини хам алоқаси бор...

Жонлантирувчи бўлимида мен ва Алишер иккимиз ишлаймиз. Мен хамшира у эса медбрат. Иккимиз хам Ташмини тугаллаш арафасида бўлиб шифохонада навбатчилик олиб тажрибамизни оширамиз.

Алишерга анчадан бери бефарқ эмасман, энди энди диққатига тушдим деган пайт орамизга бемор қиз оралади.

Унинг ташхиси бир неча ойлик бўлиб, ўлиши муқаррар эди. Бу бемор жонлантирувчи бўлимга дори ичиб тушди. Ёшгина гўзал қиз тўшакка михланиб хаёт кечиришни истамаётганди. Зиёда Алишер навбатчилик қиладиган хонага тушган бўлиб унинг каравоти шундоқ дераза тагида ва  уйғонгандан то уйқуга кетгунча шу деразага тикилиб кунини ўтказарди. Жуда инжиқ, баджахл, аламини ким яқинлашса оларди. Ёнига тамом бўлаёзган онаси келиб, зўрға овқат едирарди, Зиёда эса еб туриб хам деразадан кўзини олмай шартта оғзидан қошиқни олиб ташлаши хам мумкин эди. Сочлари узун бўлгани учун тўзғиб ётганига шифокорлардан бизлар гап эшитардик, қани энди сочига қўл теккиздирса?

Онасига хам теккизмасди.

Бир тарафдан тушунамиз қийин унга хам, куну тун хаёт ўтишини деразага боқиб умри тугашини кутаётган ёшгина гўзал қизга алам қилардида.

Алишернинг навбатчилиги етиб келгунча Зиёда хақида Алишерга хеч ким хали айтмаганди. Шунинг учунми дадил равишда келиб Зиёдага муолажаларни қила туриб унинг ахволи ва ўзини қандай хис қилаётгани албатта медбрат сифатида сўради. Зиёда хардоимгидек унга қиё хам боқмай деразага қараб ётаверди. 

Барча алохида хоналарни бир катта тўртбурча коридор боғлаб туради ва хона эшиклари хамиша очиқ туради, шунга хаммасиз коридорга йиғилиб хозир Алишерга бир чақиб олишини кута бошладик.

Алишер унинг жим тургани ва деразага тикилиб турганига қараб турдида секин чиқиб кетди.

Бир оздан сўнг кўча тарафдан деразаси очилиб бонка тўла сув ва устига настарин гуллари қўйилди.

Зиёданинг ажабланганини сезиш қийинмасди, бошини бир кўтариб, сал қўзғалиб туриб қараб қолди. Эшикдан қайтиб кирган Алишер Зиёдани ёнига келиб, "Ана энди қараб ётсангиз бўлади. Қуруқ деразага бунча қарадингиз? Гул жонингизга тегса менга қарарсиз мен холингизни сўрайман"- деди.

Зиёда миқ этмади.

Муолажаларни қилиб нари кетган Алишердан Зиёда кўзини узмасди. Биз учун бу янгилик эди, чунки Зиёда келган кунидан бери деразадан юзини ўгирмаган эди.

Эртаси эрталаб навбатчиликни топшириб Алишер билан бирга кетаётганимизда Зиёданинг деразаси олдидан ўтаётганимизда  гул бонкаси билан тушиб кетди.

Алишер билан қайтдик. Мен коридорда қолдим. Киришимиз билан хамшира бу ишни Зиёдани ўзи қилганини айтди. Алишер дарров кўчага чиқиб кетди. Бир оздан сўнг яна деразада бонка тула сув ва устига настарин гуллари қўйилди.

Қайтиб кирган Алишер тўғри Зиёдани ёнига келиб, "Узр кетиш олдидан холингизни сўрамабманку” деса Зиёда гуллардан нигохини узмай жилмаярди. Тавба бу қиз хам жилмайишни билар эканку. Бирам ярашган.

Йўлда Алишер бу воқеани қўйидагича   "Гул жонингизга тегса менга қарарсиз, холингизни сўрайман" деганини эслатиб изохлади.

Шундоқ хам тушунгандик.

Икки кун ўтиб мени навбатчилигим, Алишерники эса эртаси куни экан. Келганимда Зиёда бир менга қарадию яна гулга қараб олди. Шунда, Эртага холингизни сўрашади дедим. Жилмайиб қўйдию индамади.

Эрталаб Алишер келиши ва мен кетишим олдидан Зиёда сал қўзғалиб  бонкани гули билан яна итқитиб юборди.

Орадан икки соатлар ўтгач навбатчиликка келаётган Алишер албатта дераза олдидан ўтиб уларни кўриб бориб яна гуллар узиб янги бонкага солиб кўчадан қўйиб ўзи хам деразаадан бошини чиқариб Зиёда билан саломлашди.

Шу тариқа Алишер навбатчилиги олдидан ёки навбатчилик пайтида Алишер сал бошқа беморлар билан ўралашиб қолгудек бўлса шарақ этиб бонка синарди.

Бу вақт кўчада санитаркамиз войдод бонкалар қолмайдику бунақада деб эски гул ва бонка синиқларини йиғиштириш билан овора эди. Санитаркамиз хар куни хаммаёқни тозалайдида, шифохонада уззу кун шанбаликку. Унга  қизнинг умри қисқа эканлигини, майли шу билан овуна қолсин бонкаларни олиб берармиз деб тинчитдик.

Жонлантирувчи бўлимимизда хамиша настарин гули хиди анқиб турарди. Гох-гохида Зиёда сал қўзғалиб гулга интилиб, узоқдан хидлаб оларди хам

Алишер хар кетиши олдидан албатта холини сўраб хайрлашиб қачон келишини айтиб кетарди. Навбатчилик пайтида унга китоблар ўқиб берарди, ўзи овқатини едириб қўярди. Бошқа пайт Зиёда онаси келмагунча хеч кимнинг қўлидан сув хам ичмасди.

Шу тариқа анча вақт ўтди, менимча ёзга яқин эди, лекин настарин хали хам бор бир иккита қолганди, ойни эслай олмайман. Охирги бонка синган пайт Алишер кула-кула "Бу оохирги настарин, оппоғи" деб деразага қўйди. Зиёдага бир икки соат тепада операцияда ёрмамда бўлиши, унгача гулга тегмаслигини илтимос қилиб кулиб хайрлашиб чиқиб кетди. Бироздан сўнг онаси  келди.

Зиёда онасига қараб ойна билан тароқ сўраганида онасини севинганини тасаввур хам қила олмайсиз, шартта сумкасини титиб  ойна топдию тароқ топа олмади. Шошиб "Ха қизим сочингни тараб қўяйми?" дейди шўрлик. 

"Сал ўзимга қарамоқчиман она"- деди қиз жилмайиб. Онаси шартта халатни ечиб кўчага чиқиб кетди, бир зумда қайтиб мендан бир минутга у билан кўчадаги магазинга чиқишимни сўради. Тушундим. Бирга чиқдим, она шўрлик йўл бўйи йиғлаб кетарди..."Қизим анча тузук шекил..."

Эх она ўлаётган қизининг сал чехраси очилганига халаклигини кўрсангиз, кўзимга ёш келиб кетди шу онда.

Магазинга кириб қизлар учун барча  тароқ, лак бало баттар хаммасини ола бошлади, мендан қайсиниси модада, қайси яхши айтинг- дейди. Заколкалар олдик, тароқ, атир хам. Сумкасидаги охирги пули тугаб ўғлига телефон қилди: "Ўғлим пулим қолмади келиб олиб кетарсан, хаа болам яхши тинч синглинг  тузук синглингни кайфияти яхши, боламга оро берай деб"....

йиғлаб юборди...

"оро берай деб бир нарсалар олувдимде ўғлим келасанми?".

Нарсаларни бағрига босиб юм юм йиғлаб эшик олдида тўхтаб ўзига келиб, қизи сезмасин деб шартта жилмайиб ичкарига кирди.

Зиёдани ўтказиб сочларини ўриб оро берди. Юзларига упалар сурди. Олинган тушларни сурмайман деди, ўсма сўради. Ўғлига қўнғироқ қилди. Бир зумда окаси ўсма олиб келди.

Онасига мен хам ёрдамлашдим, жонлантирувчи бўлимдаги хамма хатто шифокорлар хам Зиёдани безай бошладик. Зиёдани очилиб кетганлигини кўрсангиз эди. Онаси  четга ўтиб йиғлаб йиғлаб келади шўрлик.

Кетар чоғи онаси кўча эшигида менга юзланди:

"Қизим хеч кимга раво кўрмайман бу нарсани. Қизим бир йилдан бери ойна тугул онасига қарамаганди...Бугун ўзимга қарай деди, қаранг очилиб кетди кайфияти хам, ўтиряпти хам. Соғайяптимикан а а  болам"

Жим қолдим, чунки ташхисни биламизку, "Бу шунчаки вақтинча кайфият холос"- дея оламанми?

Онаси юзимга боқиб илтижоли охангда.."Алданг болам мени жон болам, сал бўлса хам алданг, ха тузалиши  мумкин денг"...қўлларидан нарсалари тушиб она шўрлик оёқларимни қучиб ўтириб йиғласа бўладими....

Алданг мени дейди шўрлик...

Тамом бўлаёздим. Кап-катта савлатли ўғли хам юзларини беркитганча силкиниб йиғларди... Яхши шифокор келиб қолди шартта кириб кетдим.

Деразага термулиб, энди ўтирган, сочлари ўрилган бир тутам, ўсмалари ярашган, юзларидан нур ёғилиб турган бу қиз ана-мана ўлиши мумкин десанг хеч ким ишонмасди.

Хеч ким кўзини уза олмасди бугун ундан.  

Сўнгги гул бу деб қўйиб операцияга чиқиб кетган Алишер Зиёдани тайинлагани сабаб, Зиёда бу вақт ичида ўзгариб олганди.

Алишер кириб келдию...жим бўлиб қолди. Зиёдани ёнига келиб анча жилмайиб қараб ўтирди.

Шу куни уни ёнидан кетмади, бошқа касалларини илтимос қилиб тақсимлаб берди хам. Шифокорлар индашмади чунки бўлимимизда хаммаси аён эди. Мен эса Алишер шунчаки бу қизни умри қисқа бўлгани учун кўнглини оляпти деб қайтанига хурматим ошди.

Эрталаб навбатчилик топширилишидан аввал бир қиз кириб келдию Алишерни четга тортиб бир нарса деди, мен коридорда туриб ялт этиб қарадим, Зиёда хам қараб турибди.

Алишер чехраси бирдан ёришиб, халиги қизнинг гапига қувнаб хурсанд бўлиб тезда халатини ечиб шошиб чиқиб кетишди.

Зиёда бир бонкани ураман дедию  қўллари гуллар ёнига боргач тўхтаб орқага секин олди. Аста ўтириб жим қолди. Ўзига разм солди.. Бечора гулни уриб синдириб уни қайтарганим билан соғлом қиздан кечиб мен ўлаётган тўшакка михланган қизни севармиди деб ўйлаган бўлса ажабмас...

Бироз ўзига разм солгач оёқларини, баданларини ура бошлади....

Навбатчиликни топширганим боис қола олмадим, ичим эзилиб кетди.

Лекин тезда Алишерга қўнғироқ қилдим, келган қиз Алишернинг синглиси экан, Алишернинг туғулган куни бугун экан отаси унга мошина олибди, шунга шошиб кетибди. Алишернинг хурсандчилигидан Зиёдани бу холатини айтмай қўя қолдим.

Икки кун ўтгач Алишер шифохонага борадиган жойимизда эртароқ учрашишимизни илтимос қилди.

-Ховлида настарин қолмаганку, хозир борсам ўзинг биласан аниқ настарин ерда ётган бўлади, темболее хайрлашоми кетувдим кетимдан отворган бўлсаям кере дея кулди. Мошинадаман ғирр этиб бориб бозордан олиб кейин борамиз-деди.

Бирга бир тутам настарин олиб шошиб келдик. Дераза олдидан ўтар эканмиз ўша кунги оппоқ настаринлар жойида қилт этмай турганидан ажабландик.

Менку майли тушунгандек шошиб мошинадан тушиб югуриб кириб кетдим, Алишер хам ниманидир сезди у хам югурди. Бирга шошиб кирдик...

Зиёданинг ўрни бўм-бўш....

Коридорда Алишерни кўрган шифокору хамширалар ерга қараб қолди. Фақатгина бири айта олди...

-Сиз кетган кунингиз бўлди...

Алишер шартта келиб бонкани ўзи қўли билан уриб тушириб ёш боладек йиғлаб юборди.

 

Ундан кейинги воқеаларни тасвирлаб хам бера олмайман  айта олмайман хам. Алишерга ачиняпман. Бу кетишда ўзини тамом қилади. Дераза олдидаги каравотга касал ётқизмайди, навбатчиликда фақат ўзи ётади.

Зиёдани у севиб қолганини мен билмасдим, қизиғи у хам билмаган экан.

Орадан ойлар ўтяптики ўзини тамом қиляпти. Неча маротаба  навбатчилик пайти ичиб олгани учун хайдашмоқчи хам бўлишди.

Воқеадан хабардор бўлим мудири Зиёданинг каравотида маст йиғлаб ухлаб қолган Алишернинг ёнига келиб узоқ қараб туриб рахми келиб яна ортига қайтади.

Алишерни севаман....у эса..

 Мана яна бахор келди....настарин гуллайди... Лекин жонлантириш бўлимимизда унинг ифори бошқа сезилмаса керак. Ховлидан ўтиб унинг исидан кўнгиллар яйрамайди, у воқеани эслаб фақат ўртанади. Алишерни ахволини ховлида настарин гуллагач тасаввур хам қила олмасам керак..

 Деразани энди улар безамайди.

Ерга чилпарчин бўлишдан чарчаган настарин гуллари...

 

06-Мар-2011 22:13
Бўлим: Muhlis Minbari | Чоп этди: Sayyod | Тег : Yakshanba-Muhlis minbari
ТЕГИШЛИ МАВЗУЛАРДА:
1 NARLINA   (06-Мар-2011 22:34)
Sayyod aka endi ishondizmi kunda 3-4 marta kirishimga saytlarizga?! Alisher akani ahvolini juda yaxshi tshunaman, Shahlo opa man yoshmanu lekin mani fikrim hali hammasi yaxshi buladi agar ko'nglingiz Alisher akada bulsa siz ham Ziyodaga Alisher aka qilgan g'amhurlikni qiling, ularni albatta bu holatdan chiqarishga harakat qiling! Sizdan iltimos ularni bu ahvolda tashlab quymang mayli sevgini debmas dust sifatida bulsa ham! ularga nisbatan kurmagan bulsam ham shunchalik hurmat uyg'ondiki sad Ilohim hammani ko'nglini shunaqa tozza va yoruq qilsin!

14 manzura   (07-Мар-2011 15:15)
O'tirib yig'ladim yig'lavoman, Ziyodani onasiga......, o'zim onaman Ollohim asrasin hammamizi, yaqinlarimizi, ota-onalarimizi, asal farzandlarimizi!!!

2 Илияр   (06-Мар-2011 22:39)
Очень, очень, очень, просто нереально трогательная история! (((

3 lola   (06-Мар-2011 23:32)
saytga juda tasirli maqolalar qoyvossiz sayyod. togrisi oqib yuragim siqildi. hozi alisher akaga ohshagan insonla qolmagan bu dunyoda deb oylagandim. bolsayam juda kam. shahlo sizdan bir iltimos alisher akani oz holatiga qaytaring. nima qilib bolsa ham konglini oling. hayotga umid uygoting. sonib borishiga aslo yol qoymang.

4 Shahnoza   (06-Мар-2011 23:38)
O'qib yig'ladim to'risi.... Judayam ta'sirli judayam.... Shunaqayam ko'ngli toza inson... Shahlo,Alisher akani yolg'izlatib qo'ymen,siz ulaga hozir keresiz. Ulani tanimasam bilmasam ham hurmat qila boshladim. Ularga hozir qiyinligini o'zizam bilasiz.....

5 Muxlis   (07-Мар-2011 00:04)
Haa...

6 Orzu   (07-Мар-2011 00:15)
:((( judayam koynm bzlb keti buni oqb (

7 Jasmina   (07-Мар-2011 00:18)
Sardor aka sizga kattakon raxmat, har hafta juda tasirli maqolalar chiqyapti. Muxlislarga katta imkonyat yaratib berdingiz. Bunday voqealar kimgadir urney bulishi, kimlardir shu tariqa sevgi, Muxabbat asli qanday tuyg'u ekanini bilib olar

8 HOLIS FIKR   (07-Мар-2011 01:15)
juda tasirli voqea ekan,bagrim toshlik qildi,bulmasa men ham yeglab yuborardim,yo erkak kishini yiglashi oson bulmaganu uchun yeglolmadim shekilli,tugrisi bu voqeani birorta yaxshi rejisyurga bersa zur kino qilib chiqarsa buladi,faqat bahrom akagamas,ba
hrom akayam yaxshiyu faqat saal ... uzilar bilasilaru.

9 Roziya   (07-Мар-2011 01:39)
chorasiz qolgan Alisher, sabr tilayman, Shahloga esa uni yolg'izlatib qo'ymen, ruhan madad bering.

10 Oybek   (07-Мар-2011 02:17)
Bu voqeani uqib judayam ta`sirlanib ketdimm. yaxshi maqola quyganlariz uchun rahmat!

11 Locoste.   (07-Мар-2011 05:50)
voy bechora qiz, Ziyodani onasini holatini tasavvur qildim achindim,olloh sabr bersin.

12 armonli_bola   (07-Мар-2011 08:48)
xali o`qimadimu lekn tasrli xikoyaga o`xwayapti

13 studentka   (07-Мар-2011 14:06)
Judayam ta'sirli voqea, ham ko'zimga yosh keldi, oramizda haliyam mehr oqibatli insonlar bor ekanligi quvontiradi, Sardoraka sizyam voqea muallifi Shahlogayam rahmat, Alisher akaga sabr tiliman o'zlariga keliwlari un Shahlo yordamlarini ayamasinla............

15 QALQON   (07-Мар-2011 17:16)
...Hamma Alisher bilan Shahloni gapirganda mani hayolim Ziyodani burchakda yig'lab turgan akasidan ketmadi. Man ham akaman...((( Maniyam singlim shufoxonada olamdan o'tgan. Mandan Ziyodani akasi baxtliroq va omadliroq ekan. U singlisni oxirgi daqiqalarida yonida bugan. Manga bu nasib qimagan. Hozirgacha faqat rasmlariga qarab yig'liman, qabriga borib o'zimni o'zim koyiyman. O'zimni dardimni yozganim uchun uzr so'riman.

Alisherni alisherni uslubida davolash kerak. Shahlo bu sizzi qo'lizda. Bildirmasdan qalbiga yo'l toping. Buni qachon boshlashni esa faqat o'ziz bilasiz...


16 QALQON   (07-Мар-2011 17:19)
Sayyod sizga alohida raxmatim va hurmatim. Siz qilayotgan bu ishlar judayam katta ish. O'ylab qarasez kimgayam kerak bu hikoyaladidigan odmalayam topiladi oramizda. Lekin ana shu haqiqat hayotda adashmaslikka, torozini pallasini birdek ushlashga o'rgatadi. Siz va sizni jamoangiz qilayotgan ishlardan bag'oyat hursandman. Mani chuqur hurmatim sizlarga. Iloyim oilez baxtiga biz muxlislariz baxtiga salomat bo'ling.

17 Sevara   (07-Мар-2011 18:21)
JUDAYAM GAMGIN SEVGI QISSASI...ODAMNI UYLOVGA SOLIB QUYADIGAN SHUNAQA SEVGI BOR EKAN HALIYAM DEB BIR TOMONDAN HURSAND BULSAM,BOSHQA TOMONDAN BARIBIR SEVISHGANLAR HECH QACHON BIRGA BULOLMAS EKANDA DEB UYLAB QOLDIM... SHUNAQA QIZIQARLI HAYOTIY VOQEALARNI QAERGA JOYLASHTIRSA BULADI AYTIB YUBORILA ILTIMOS!!!

18 dee   (07-Мар-2011 20:00)
juda tasirli. kino olishsa bo`larkan shu mavzuda

19 armonli_bola   (07-Мар-2011 20:08)
afsus

20 sevinch   (07-Мар-2011 23:20)
judayam chiroyli sevgi tarixi

21 Asxo'j   (08-Мар-2011 01:24)
Alamli voqea ekan lekin Olloh hamma narsani bilguvchi hamma narsa Olloh tarafdan bo'ladi shu sabab endi Alisherni dod voy solishi ichkilikga ruju qo'yishi yahshi emas. Shahlo siz qarang yana Alisher ichkilikga ruju qo'yib ketmasin chunki alamdan ichish bu yomon agar odam almini ichkilikdan olsa keyin sal yana tushukunlikga tushsa ichaveradi ichaveradi hullas unga tushuntiring bu Ollohni ishi deng dod voy solgan bilan endi orqaga qaytarishni ilojisi yo'q.

22 Parizoda   (08-Мар-2011 03:42)
Judayam ta'sirli va g'amgin, ishongim kelmaydi kishi... O'qidimu rosa yig'ladim. Nima deyishga ham hayronman. To'g'risi bunaqa voqeani hech ham eshitmagandim. Nima bo'lsa ham oxiri hayrli bo'lsin. Alisherga sabr-matonat bersin, ilohim hammasi yaxshi bo'lib ketsin...

23 Monster   (08-Мар-2011 11:26)
Juda ham ta'sirli hikoya ekan. O'qib beihtiyor ko'zga yosh keldi. Bu hikoyani do'xtir yozganiga ishonish qiyin. Qalami o'tkir ekan

24 Одил   (09-Мар-2011 10:29)
Ёшим 40 етганида кузимга шу сайтдаги нарсалар ёш келтиришини билмагандим. Вокеа уз йулига лекин буни етказиб беришгаям махорат керак булса керак. Сайод укам сан зурсан. Сайтингга хар куни кираман. телевизор, газеталарни кизиги комаяпти. Хамма сани сайтингда укам, бардам бул ишингга омад!

25 BeZORi   (09-Мар-2011 15:06)
Qoil buni uqib uylanib qoldim... naxotki... bu shunchalik qiyin, axamyat xam bermimiza tovba.

26 Назокат   (09-Мар-2011 16:34)
Жудаям ачинарли севги киссаси

27 SADAF   (10-Мар-2011 11:48)
ALISHERGA maslahatim uzi buni oqidimi yomi bilmiman lekin hoziram u qiznihursan qilishini yoli borku unga duolarida doim eslasinlar duo alabatta yetib boradi inshaolloh marhumlarga ichishdan esa hech qanaqa foyda yoq na uziga va na u qizga

28 muslim girl   (10-Мар-2011 21:37)
yeglayapman, juda juda hafaman...

29 Mo'mina   (29-Мар-2011 16:55)
shu voqeani o'qib!shukur qilishimiz kere digan fikr keldi!shu kunlaga shukur har bir o'tgan kunimizga shukur!odamla yosh olamdan o'tsa alam qiladi!xich qaysimizni taqdirimiz bunaqa bomasin!hammani havasi keladigan taqdir bosin!
Shahlohon siz ulani yolgiz qoymen uwa odami unutishlariga siz yordam berin!

30 шухрат   (19-Апр-2011 19:59)
voqea ta'sirli, Alisher mard ekan, uni qanday bo'lmasin "hayotga" qaytarishga harakat qiling. Sabrli bo'ling, albatta har bir harakatning o'z mukofoti bor. Bemor qizni tushunaman, insonning o'z umri tugayotganini bilib chorasizlikka mahkum bo'lishi juda oxir holat. Uning judayam yashagisi kelayotgani derazadan ko'z uzmaganidan dalolat.
Nastarin guli aybdor emas, u bemorga so'nggi kunlarida shirin hislarni bera olgan

31 JASMINA   (21-Май-2011 09:45)
Bu voqeani oqib ko'z yoshlarimni tohtata olmayamman.

32 fedinka   (21-Фев-2015 14:05)
бу хайот.............

33 tuxohr   (24-Фев-2015 18:10)
хаёт зайлини курганлар ун энг яхши хаётий вокеа!

34 tuxohr   (24-Фев-2015 18:12)
бу хаётий вокеадан зур кино ёки театр киса булади!

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [454]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1001]
Muhlis Minbari [213]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [63]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [576]
Tabriklar [165]
Taqdimot [46]
Hayriya| Akciya | Tadbir [233]
Turk shou-biz [16]
TV | Teatr, Kino.uz [121]
Yangiliklar [760]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 53
Мехмонлар: 53
Рўйхатдагилардан: 0