Муниса Ризаева ярим тунда ИИБдан чиқиб воқеа тафсилоти билан бўлишди:

-Жудаям тушкун холатдаман, сўзлар билан хам, хеч нарса билан тасвирлаб бера олмайдиган холатдаман... . Майли , Оллох гувох, куйлаш ва ишлашда давом этишим керак, шунча одам жабр кўришига йўл қўймиман ва мени тўйга таклиф қилиб унга пул берганларни ёзилганларини(!)хаммасини тўйига бориб хизматини қилиб келаман. Пуллар мухими эмас хаётда, одамгарчиликку. Ноябрьгача тўйлар пулини олганди... Кимлардандир тўлиқ, кимлардандир "заклад" ярим пули..

Жахон менга акадек ва  керак бўлса отамдек инсон эди, шунчалик унга ишонардим...қанча одамларни чув туширибди... Сиз тасаввур хам қилмаяпсиз қандай миқдордаги пуллар хақида гап кетаётганини, жудаям катта пуллар...

Sayyod:  Сизга хам қарзи каттагина экан.. Нима учун унга шунча пайт унга катта пулда қарз беравергансиз?

Муниса: -Рахмим келганди-да...қарзларим бор дерди, "илтимос ёрдам беринг" ва хоказо...

Sayyod:  Ўзингизни қўлга олинг, кучлисиз.

Муниса: -Қанча кучли бўлиш мумкин экан а, айтинг...

Sayyod:  Олдинда яккахон дастур, айнан хозир куч керак.

Муниса: -Биламан, аммо кучим қолмаяпти. У мени оёқ, қўлиму миямдек эди. Хаммаси яхши эди тушунмаяпман, мандан ёмонлик кўрмаганди.

Sayyod: Жиддий жаррохлик операциясини бошидан ўтказганида сиз ёрдам берганингизни айтганди. Бироз кейин эса катта пулга бир машхур бутикдан бош оёқ кийинтирганингизгача хурсанд бўлиб бўлишганди, шу сабаб хам ишонишим қийин бўляпти.

Муниса:-Ха нимаики қилган бўлсам чин дилдан қилганман. Яхши ёмон кунда биргаликда бўлдик.

Бугундан Муниса ўзига келган ва ишга шўнғиган. Репетициялар авжида ва у концертга тайёрланмоқда.

Янги маъмури Жасур эканлигини , собиқ  маъмури Жахонгир кимдан "заклад" олган бўлса  мурожаат қилишларини ва у ёзилган бўлса бориб хизмат қилиб келишини айтиб инстаграмда эълон қолдирди.