Муниса Ризаеванинг 7-8-9 октябрь кунларидаги жонли концерти хақида эксклюзив хабарни маълум қилгандик (манбаа)

Айни дамда бу тайёргарлик қай тарзда кечаётгани ва умуман Мунисанинг сўнгги янгиликлари билан қизиқдик.

Муниса Ризаева: - Концертга тайёргарлик авжида! Қўшиқлар ёзяпмиз. Мухлисларга таниш ва севимли бўлган қўшиқларимдан ташқари, сахнада янги премьера қилинадиганлари хам етарли бўлади.  Концертда қилинадиган турфа ғояларимиз жудаям кўпу,  афсуски  фишкаларимизни кўпига рухсат беришмаяпти. Шу оддий тепадан зар сочилишига ёки шаршарани сахнада уюштириш каби  фишкаларимизга хам. Мумкин эмас деган нарсалар бўляпти... Концерт кунигача рухсат оламиз ва уддалаймиз деган умиддамиз.

Яқин кунлар эса дам олишга учиб кетяпман.

Sayyod: Янами? Қаерга?

Муниса Ризаева:- Бали ва Малайзияда бўлганим дам олишмас, ишлагани бордикку, клип суратга олдик. Йил давомида тинмай мехнат қилдим ва дам олишга хақлиман деб хисоблайман. Монакога ота-онам ва синглим билан учиб кетяпман, у ер мени иккинчи уйимдек. Туркияга хам борамиз у ер хам иккинчи уйимдек деса бўлади. Доимгидек Туркия-Монако дам олиш  дастурим. 20 кун дам олиб қайтаман. 

Концертгача мухлисларга  янги қўшиқ тақдим этамиз, бироқ клип эмас. Тв-да қўйишмаса нима хожат клип олиб- деган фикрга келяпмиз. Тв яхшиланишига умидворман.  "Ёрим" клипини олинг, нахотки ёмон чиққан бўлса?  Уни "Наво" каналида қўйишмаяпти. Клипда Сардор Рахимхон иштирок этгани учун  эмиш.  

Жудаям хафа бўлдим, хозир яна нимадир тайёрлаб чиқарадиган бўлсам, яна пулга куйиб қолишим мумкин. Ахир ижодимга катта маблағ сарфлайман, менда хомий бўлмаса, хаммасини ўзим қилсам.

Клипни сифатлиси қиммат бўлади, мухлисларимга эса сифатсиз махсулот беролмайман. 

Sayyod: Концертда дуэт бўладими?

Муниса Ризаева:-Ха бўлади, бир эмас, иккта дуэт бўлади.

Sayyod: Аёл хонандалар билан хам дуэт бўладими ё фақат эркак хонандалар?

Муниса Ризаева:-Йўқ... қизлар билан хохламайман. Мен билан дуэт куйлаши мумкин бўлган аёл хонандалар мени  ёқтиришмайдигандек. Юрак юрагидан!

Мени ёқтирмайдиган инсонлар билан дуэт куйлаб нима кераги бор? Мен бунга бизнесга қарагандек муносабатда бўлмаслигимни биласизку.  Ижод менинг бир бўлагим, унга юрагимга бўлган муносабатдек қарайман. Шунинг учун, чиқарганга яраша юракдан бўлган ижод чиқарган яхши. Шунда ўзига хам ёқимли бўлади. 

Sayyod: Сизга тинимсиз  ажойиб гулдасталар йўллаётган ким? Инстаграмда кўп қўясиз.

Муниса Ризаева:- Мухлисларимдан бири. Жасур Ғойипов мавзусидан кейин менга уйланишни истаганлар кўпайган. Уларнинг кети узилмаяпти. Танлаш жараёнига тушиб қолганман, кастингдек гап. Бўлажак турмуш ўртоғимни танлаяпман. Хозирча аниқ 5та номзод бор .  Юрагимни забт этишни истаб, қўлимни сўрашмоқда.

Буёқда жудаям қаттиққўл отам бор. Унга унча-бунчаси ёқмайди. Менга уйланишга номзодларни хам кўпи унга ёқмади.  Мен соф ўзбекка турмушга чиқишни истаяпману, уйдагилар эса йўқ, яъни у европалашган бўлиши керак деган фикрда... ижодкор бўлганимгадир... 

Ота-оналари хақида тўхталиб ўтган Муниса дастурга уларга атаб қўшиқ хам тайёрламоқда. Уни ёзилиш жараёнидан жонли видеони томоша қилинг:

Ютубда томоша

Майтуб тасиксда томоша