Assalomu alaykum Sayyod.com jamoasi va muhlislari. Mana 4 yildan ko'proq vaqtdan bo'libdiki sizlar 

bilan birgaman va bundan shodman. Bugun menga beradigan maslahatingiz esa hozir men uchun 

qimmatli ahamiyatga ega. Buning uchun esa sizdan qimmatli vaqtingiz va ozroq etiboringizni so'rayman. 

Oliy ma'lumotliman, yoshim 22 da. 2 yildan beri ishlayman. Ollohga shukurki oilam tinch, yaqinlarim 

yonimda salomat, hayotimdan hech ham nolimayman. Lekin hozirgi kunga kelib umr yo'llarimda uchragan 

muammoni yecholmay halakman. Gap shundaki bir yigit bilan bir yildan beri ahdlashganman. Uni 3-

kursligimdan taniyman. Tasodifan tanishib qolgandik, onda-sonda telefon qib turardi usha paytlarda. 

Doim uchrashuv taklif etar, men esa u bilan uchrashish haqida xayolimga ham keltirmas edim. U 

poytaxtda mendan bir kurs pastda uqirdi, men esa viloyatda o'qir edim. O'quv yili yakunlangan kunlarning 

birida uyga qaytayotganini aytib ko'rishishni taklif etdi. Ushanda uni butunlay rad etib, yoki yoqtirganing 

bormi degan savolini ham javobsiz qoldirdim.

 Keyin u 1 yildan ortiq vaqt jimib ketdi. .

Men uqishni bitirib ishga kirib oldim. Tasodifiy kunlarning birida u bilan internetda gaplashib qoldik, 

to'g'rirog'i o'zim yozdim. Keyin u yana telefon qila boshladi. Gaplashib turardik. To'g'risi sevgan insonim 

ham, menga tel qib turadigan o'tkinchilar ham bor edi. Uni qo'ng'irog'i, uzi, menga hech qanday ahamyat 

kasb etmasdi. Sevganim bilan munosabatlarimiz yaxshimas, chunki munosabatlarimiz bir tomonlama 

edi... Sevgan insonim bilan hech qanday umid yo'qligiga ko'zim yetgach, uni tark etdim. 2 yildan ortiqroq 

bo'lgan sof tuyg'ularimga nuqta qo'ydim, va boshqa qaytmadim. . .

2 oycha oradan vaqt utdi. Haligi yigit haliyam tel qib yurardi. Uning suhbatlari, gap-so'zlari menga yoqardi, 

lekin ushanda ham uzog'i bn 4, 5 daqiqadan so'ng telni qo'yishga bahona izlardim. Bir kun u menga meni 

yoqtirishini, usha 3-kursligimdan beri bu tuyg'ulari borligini aytdi, odatdagidan uzoq so'zladi. Nimagadir 

uni shunchaki tel qib yuradi deb o'ylardim. Jiddiy masaladagi so'zlarni eshitishni yoqtirmaganim uchun, 

hammasini rostini so'zladim. Sevganim buganini a lekin u tomondan hech qanday munosabat 

bumaganini, urtada faqatgina uzim qiynalganim qoganini, nima bulganda ham endi ortga qaytmasligimni, 

lekin unitishim qiyin bup azob chekayotganimni birinchi marta aytib berdim. Bu orada ishim yuzasidan 

poytaxtga 3kunga ketadigan bup qoldim.U meni kutib oldi. Ketgunimcha yonimda bo'ldi, ushanda ham 

sheriklarim yonida rosa xijolat bo'lib, yonimdaligini xushlamay yurdim.

 Munosabatlarimiz yaxshilanib ketdi, uzoq o'ylab unga rozilik bildirdim..

Boshqalardan sovchilar kela boshladi qaytardim, niyatimni uydagilarga bildirdim... Ular norozi bo'lishdi. 

Sababi ular bilan bir viloyatdan bo'lsakda, boshqa boshqa tumandanligimiz, masofa uzoqligi , va 

millatchilik! Shunda ham shu paytgacha kelganlariga yuq deb shunga xop deyotganim uchun mayli aytchi 

bir kelishsin deyishdi. Ularni kep ketishi dada buvimni og'irlashib qogan kunlariga tug'ri kep qoldi. 

Suhbatlari u qadar qovushmadi. Hamma ota tomon qarindoshla buvimni og'ir bup qoganlariga uylariga to 

olamdan utgunlariga qadar( joylari jannatda bo'lsin,) bir qadam ham jilishmadi. Bizni uyga sovchilarni 

kelishi munosabatiga,( hali taziya bup qomagandi) dadam opalari va akalariga maslahat soldilar, ularni 

kelishi kuni ammam va amakimni ham taklif etdilar. Ular kelishmadi, lekin ota tomon qarindoshlar, kim 

buvimi uylariga kelgan bulsa hammalari eshitishdi... Ammalarim, amakim sekin chaqirib bu fikrimdan 

qaytishimni surashdi. Buvim olamdan utdilar, usha kecha hali chiqarmaslaridan 4 ammam onalarini 

tepasida ohu nola qilayotgan bir paytda onam ham olamdan utgan onalarini eslab chidolmay yig'lab 

chiqib ketdilar. Shunda bir ammam "ko'rdingmi Onani iztirobi qanchalar og'ir, san onangga bir qizsan, 

kasalida, sog'ida. San qachon usha bolaga turmushga chiq, qachonki hech ilojing qolmaganda! 

Menimcha ilojsiz bo'lmasang kerak hali!" dedilar. Usha aytilgan gap haliyam qulog'im ostida jaranglaydi.

 Sardor aka, hurmatli xatimga ko'z yuritayotgan hamdardim. Sizlardan so'rayotgan maslahatim 

shundan iboratki shu kecha kunduzda ota-onamga ma'qul bo'lgan bir oiladan surashyapti meni. Men esa 

hali hamon arosatda... Chunki xop deb quyganim, juda go'zal fazilatlar egasi, shu paytgacha ko'nglimni 

og'ritganini eslolmayman, meni aybim deb tortishib qolgan taqdirimizda ham sabr bilan xatoimni 

tushintiradi, har qanday vaziyatga shu paytgacha unga suyanib kelganman. Uylab ish yuritishi, uylab 

gapirishi, mardligi asosiysi meni sevishi va eng hurmat qilgan tamonim uni hech qachon hayotdan 

noliganini yoki ilojsizlik haqida gapirganini eslolmayman. U hamma narsani ilojisi bor, hamma orzu 

qilingan niyatlar harakatga yarasha amalga oshadi deydi va meni shunga undaydi. hamma narsani yaxshi 

tomonini ko'rishga harakat qiladi va hayotdan kutadigani ham shunga yarasha harakatiyam kop. Undan 

kop narsani urganganman, urishib haftalab arazlashib qolganimni eslolmayman, u borki ko'nglim xotirjam 

keljagimdan umidlarim katta edi. Hozir poytaxtda yaqinda ishi hal bulib yaxshi bir joyga ishga kiryapti va 

usha yerda uz faoliyatini davom ettirmoqchi. Akasi yangasi jiyanlari bilan ancha yildan beri shu yerda 

yashab, uyga qatnab turadi.

Menda esa vaziyat butkul boshqacha. Barcha yaqinlarim bu fikrimizga qarshi. Kimdan sekin maslahat 

so'rasam o'ylab ko'rsang bo'lardi. Uzoq joy, begonalar orasida. Onamning, har gapirganlarida shu 

mavzudagi so'zlari og'ir botadi, o'ylab qolaman. " Axir menga bittasan, o'qitdik, sog'ligim bor, kasalim bor, 

kelin qiz bo'larmidi, hayot sen uylaganchalik oson emas, hozir yoshsan bilinmasligi mumkin a 

qariganingda joningga oro kiradigan og'a ining, to'y bor , maraka bor, hayot bir tekisda kechmaydi, men 

ham senga umirbod emas.."

Oxirgi 2 kunda o'ylovlarim shu darajaga yetdiki 1 haftaga bormay taqdirim hal buladigan bo'p turibdi. 

Hozir tunda xat yozyapmanu boyagina dadamga ertaga keladigan sovchilaga xop deb yubormang, men 

yana ozgina o'ylab olay deb imkon so'radim.. To'g'ri hayot murakkab. Kutilmagan holatlar bo'lishi mumkin. 

Noroziliklar kop bo'lganigami yuragimning bir burchagi "Xato qilyapsan...! " deyapti, balki xudo yuragimda, 

tavakkal qilishim kerakdir axir ota onam yomon busin deyishmayaptilarku, yaxshi oila deyishyapti 

hammasi yaxshi bup ketar... Unga aytganimda menga "nima seni Marsga op chiqib ketmayapmanku, 

voximangga qara, uzing tushingan qizsanku vaziyat bo'ldimi uyingga borib kelaverasan, hammasi yaxshi 

bo'ladi asosiysi yaxshi bo'lishiga va menga ishonsang bo'lgani deydi". Shunga sizlardan ham maslahat 

so'ramoqni joiz topdim. Sardor aka, oldindan qimmatli vaqtingizni olganim uchun uzir, etiboringiz uchun 

esa minnatdorchiligimni bildirmoqchiman. Chin maslahatini ayamay harf tergan barcha sayt azolariga esa 

cheksiz tashakkurimni izhor etaman.Hayotda hammaga chinakkam baxt tilayman!

Saytda nomamni yoritilishiga ko'makdoah bo'lgan Shahloga alohida raxmat..

Эслатиб ўтамиз, хар якшанба мухлислар куни бўлиб, ўз муаммо ёки кўнгил кечинмалари билан бўлишиб, кенг омма билан хал қилишга имкониятингиз бор.       

sayyod@gmail.com почтасига иложи бўлса кирилл харфларида воқеа ёки муаммоингизни ёзиб юборишингиз ёки  (+99894) 644-67-11 рақамига қўнғироқ қилишингиз мумкин ёки шу номерга вацап.  

Диққат! Сайтга чоп этилиб бўлинган мактуб кейин талабга биноан олиб ташланилмайди! Воқеангиз сайт орқали кенг оммага чиқиши ва халқдан турли маслахатлар бўлишини билиб туриб жўнатдингизми, ўзингиз кутмаган ва ёқтирмаган маслахатни олиб кейин олиб ташланг дейиш мантиқсиз!