"Варрак-шоу" 2014да болалик ва ностальгия ўйинларини хонанда қизларда арқон сакраш билан ўтказган бўлсак, хонанда йигитларда ланка тепишда ўтказилди. Албатта бунда улар ўз қўшиқларини куйлаб  туришлари керак бўлди.

Роса қизиқ бўлди ўзиям)))

Хозирги болакайлар билармикин бу ўйинни? Халиям ёдимда "қўлон" деган темирни консерва банкасида эритиб, пиёла орқасини қолип қилиб  қуйиб, кейин олиб тешиб, қўй жунгига боғлаб роса тепардик. 

"Варрак-шоу"га ташкилотчи гурухимиздан Иззат қуён терисидан тайёрлаб келибди. Очиғи, биринчи маротаба қуён терисидан ланкани кўришим. Ўзиям роса қуёнлик қилди бу ланкалар, балки шунинг учун хеч қайси йигит хонандаларимиз 3-4тадан нарига ўта олишмади.

Отабек Мадрахимов ланкадаги тепишнинг турли турларини кўрсата олди. 

Шерзодбек бошқа йигитлар шартдан ўтаётган пайти репетиция қилиб турдию, аммо у хам кўп тепа олмади. 

Афруз йигитларининг хам ланканинг турли турда тепишидан хабарлари борлигини намоён қилишди. 

Уммон гурухидан Шохрух нафақат баннерга қапишиб қолаверди, балки, қаттиқ харакат қилганидан шимини хам йиртиб олди. 

Гурухдан ланкани ланкалагани Жасур бўлди, у болаликда бу ўйинни ишқибози бўлгани сезилди. 

Хонанда Илхом Абдуллаев хам Отабек Мадрахимов ва Афруз йигитлари каби ланкани турфа тепиш турларини намоёнлай олди. 

Очиғи, Якзон ланка нималигини билмаса хам керак деб ўйлагандим))

МАНГО йигитлари хам ланка тепишда яхши харакат қилишди. 

Хуллас, келаси йилги бу шоумизда "ўзингдан қўймасин қўй жунгидан ланка" қоидасига амал қилишимизни тушундик. Бошқа тарафдан қуён терисидан ланкалар машхур йигитларимиздан қуён қилиб қочаверганидан, уларнинг қўшиқ куйлаб туриб узилаверишларини кузатиш жуда завқли бўлди))

Ва нихоят энг бахорий сайлимизнинг ғолиблари хақида кейинги репортажларда.)) Иш ва долзарб мавзулар кўпайганда кўпайганидан бу жуда кўп қизиқ фишкаларни ўз ичига олган "Варрак-шоу"нинг барча фишкаларини бахор ойи охиригача ёритиб борсак керак))