Барча иштирокчиларни фикри бир жойдан чиқди:- Клипда икки режиссер бўлмаганми мабодо?

Шербек Шодиев кулиб, хақиқатни тан олади. Мазкур клипни аввал иқтидорли режиссер-клипмейкер Жасур Шаметов суратга ола бошлаган ва барчамизни шу куни ром этган отлар ва Шербекни сувда югуриб кетиш сахналарини, айнан у суратга олгинани айтади. Афсуски Жасур клипни кейинги лавхаларини суратга олишга улгурмай сафарга кетади.

Бошқа режиссер билан клипни трек ва қиз билан боғлиқ лавхаларини суратга олиб тўлдиришади... Ва албатта монтажни хам бир амаллаб тугатишади. 

Айнан мана шу тўлдирилган лавхаларга бир қатор эътирозлар бўлди, йигитнинг ва айниқса  қизнинг либослари мутлақо клип рухиятига зид, қизнинг ўзи хам умуман бу клипга тушмаган. Кўзлари чўлпон дея куйланаётган қўшиққа бу қизни на кўзлари тўғри келган ва на бир махорати.  Майда ва махфийроқ сатрлар  билан айтганда: Тўғрисини айтиш керакда, шашлик қаердаю шилпилдоқ қаерда дегандек, кимдир шу шилпилдоқни хуш кўрар лекин, шашлик деб турган жойда шилпилдоқни кўрсатишга на хожат?))

Халигача шу клипни мухокама қилганлар билан, бу клипни шедевр даражасига етишигача айнан Жасур Шаметовни бошлаб қўйган қандайдир ўзига хос "кўра олган" бир линияси мавжуд бўлган ва афсуски у тугалланмай қолган деган фикрни олға суряпмиз. Фикримизча, ўзига хос бир мистик жанрдаги клип бўлиши керак бўлган, буни айнан Жасур суратга олган кадрлардан сезиш қийинмас. Икки от ва икки қахрамон уйғунлашуви, сувда ва ердаги уйғунлашган қандайдир бир абстракт намоёнлаш бўлиши керакдек.

Қўшиқ эса аллақачон катта аудиторияни ўзига жалб қилиб бўлган тарона бўлиб, айнан шу сабабли хам кеч бўлсада суратга олиш қарор қилинган.

Шербек Шодиев клипни қайта монтаж қилиш ниятида бўлдию, аммо унинг бахт тўйи яқинлашиб қолгач, улгурмаслиги панд берди. Клипни мухлисларга тўй кунигача тақдим этишни жудаям истаган куёвболадан тўёна премьера!

Бугун Шербек Шодиев "Флоренция" тўйхонасида жамиятимизнинг бир бўлаги бўлмиш оилалик бўлади. Унга бахт тилаймиз!