"Юлдузнинг қўшниси" лойихаси хақида фикрларни кети узилмапти . Мазкур лойиха халққа жуда манзур келаётганини пайқаш қийинмас, зеро машхурлар айтишни лозим топмаган ва ёки ўзларига хам аён бўлмаган тарафларига четдан кузатиб бахо беришда, тирик гувох ён қўшнилардек аъло экспертлар бўлмаса керак а?))

Лойиханинг навбатдаги сонида Дилноза Кубаеванинг қўшниларига мурожаат этишни лозим топдик.    

1 қўшни (Дилдора): Хавас қиламиз, зўр қиз. Қўшнилари билан алоқалари яхши. Ўтиб кетаётганида тўхтаб, саломлашиб, хол ахвол сўраб ўтиб кетади. 

Оналари тилла аёл. Набира тарбиялаш билан бандлар. Оилалигада 3 ўғил, онаси ва Дилноза фарзанди билан шу хонадонда яшашади. Махалладаги тўй хашамларга чиқишга вақти  бўлмагани учун чиқа олмаса хам, совғасини албатта чиқаради. 

Яқинда махалламизда тўй бўлди, қиз узатдик. Ўшанда Дилнозанинг ўзи чиқолмагани сабабли, онаси чиқиб келинга чиройли шарф совға қилди. Биза яқин бўлганимизгами ёки хамма билан яхши чиқишиб кета олганим сабаблими билмадимку, мен билан алоқаси зўр. Хақиқатдан хам Дилноза тилла аёл.

 Кўчиб келишганига икки йил бўлади яқинда, қўшнилар билан муносабати яхши, умуман димоғдор эмас, тепамда Худо турибди.

 Кинодан кўра ҳаётда бошқача қиз. Ҳаётда хам ҳусни хам тарбияси янада чиройлироқ. Агар хозир биз шу ерда уни ишдан қайтишини эринмай кутиб турсак, биз билан албатта тўхтаб, кўришиб ўтади.

 Уни ишга укаси олиб бориб, қайтиб олиб хам келади. Тўхтаб "Кенайижон, кенайижон” деб кўришади, битта мен билан эмас, хамма билан шундай муносабатда. Хақиқий ва зўр қиз. 

Дилноза мени хушчақчақ келинойи деб чақиради.

2 қўшни (исмларини айтмадилар): Эрталаб кетиб, кеч келганим сабабли бўлса керак, улар билан хеч мулоқотда бўлмаганман. Фақат билганим, уйлигига ўзларининг яқинларидан бошқа бегоналар келмайди. Фақат ўзларининг машинаси, қариндош уруғлар келади. Бегона эркак келмайди ёки бошқа шовқин суронли йиғинлар  бўлмаган. Мехмондорчилик бўлса хам тинчгина ўтади.  Махаллада яшовчилар учун кинопремьераларга таклифномалар бериб турадилар. Хамма қўшнилар йиғилиб, мазза қилиб кинога бориб келишади.

3 қўшни (исмларини айтмадилар) : Фарзандларим билан бўлиб, кўчага кўп чиқмаганим сабабли уларни яхши билмайман. Лекин узоқдан кўришиб қолсак хам, саломлашиб ўтиб кетишади. Ўзим Дилнозани яхши кўраман, мухлислариман десам хам бўлади. Аслида яқиндаги қўшнилари билан яқин кирди чиқди қилишади, биз сал узоқроқда бўлганимиз сабабли кўп кўришмаймиз. Лекин қайнонам билан яхши муносабатдалар. 

4 қўшни (Ғайрат): Оилада 6 киши яшашади, икки укаси, акаси, Дилноза ва ўғли. Оиласи тинч, қўни қўшнилар билан алоқаси яхши. Ишлари кўп бўлгани сабабли кўчага кўп хам чиқавермайди.  Мен укасини яхши танийман, ўзи билан хеч яқиндан гаплашмаганман, фақатгина салом алик. 

5 қўшни (Хуршида) :  Жуда хам яхши қўшнилар. Шахсан ўзимга опадек кўраман мен уларни. 

Ўғилларини "Тантана” рақс  ансамблига олиб борадилар. Ундан ташқари инглиз, рус ва турк тилларини қатнаштирадилар, уйига хам келиб дарс ўтишади. Фарзандларининг келажаги учун қаттиқ харакат қиладилар, қизиқадилар. Мехрибон оналар, яхши дўст, маслахатгўй инсонлар.  Мени хам ўз сингилларидек, хам опаларидек кўрадилар. Аёл сифатида хам жуда яхши аёллар. Махаллада у бу йиғинлар, худойилар бўлиб қолса, албатта қўшиладилар. 

Аза бўлиб қолса, менга қўнғироқ қилиб ёки уйимга чиқиб, "Бирга чиқиб келамизми?” деб сўрайдилар.  Агар ўзларининг имконлари бўлмаса, оналари албатта чиқадилар.

 "Юлдузман, актрисаман” деб, ўзларини олиб қочмайдилар, керилмайдилар.  Хамма билан бир хил, яхши муносабатдалар.  

Оилада акалари, икки укалари, оналари ва фарзандлари билан яшайдилар. Оналари  набира тарбиялаб уйда ўтирадилар. Ака у калари ишлашади, ўқишади. Битта укалари хозирда харбий хизматга кетган.  Оилалари хам махалла ишларида жуда фаол. 

Ўтган йили биринчи июнь , болаларни химоя қилиш кунида,  бизларга  "Юринглар, сизларни зўр жойга олиб бораман” деб, ёш томошабинлар театрига биргаликда бордик. Дилнозанинг фарзанди Мухаммадамин ва менинг ўғлим Асилхўжа  болалар кунини биргаликда нишонлашди. Театрда санъаткор деб, бизларни биринчи қаторга ўтказиб қўйишди. Мен, икки фарзандим ва уларнинг ўғиллари мазза қилиб театр томоша қилдик. Дилнозани эса мухлислар тинч қўйишмади, театр охирига қадар у мухлислар билан расмга тушиш билан банд бўлди. Менинг ўғилларим шўх бўлганлиги сабабли, театр вақтида югуриб юришди ва хатто сахнага хам чиқиб кетишганида Дилноза хам сахнага уларнинг ортидан чиқиб, "Узр, узр, булар мен билан келишган эди” деб сахнадан олиб тушганди.

 Шундай қизиқ воқеалар хам бўлиб туради.  Қўшниларимнинг ичида уларни энг яхши қўшни деб айта оламан.  Айтганча, эртага таваллуд айёмлари эди.

Лойиха Дилнозани 22-ноябрь таваллуд кунидан бир кун аввал, 21-ноябрь куни амалга оширилганди. Шу куни Дилноза оиласи билан  айни дамда Жиззахда харбий хизматни ўтаётган  укасини кўргани кетишган экан. 

Sayyod.com нинг муаллифлик "Юлдузнинг қўшниси" лойихасини Нодира Махмудова ва Шахло Қодирова тайёрлашди.

Мазкур лойиха газета тури фақат "Бекажон" газетаси учун тақдим этилган.