Нихоят, Юлдуз Усмонованинг  сўнгги пайтлардаги энг оммалашган   "Девоналармиз" қўшиғига ишланган ва узоқ кутилган клипи тайёр бўлди.

Сайтимизга мунтазам равишда кириб турадиганларга бу қўшиқ тарихини кузатиб бориш жуда қизиқ кечган бўлса ажабмас. Аввалига қўшиқни студияда тугаллаш жараёниданоқ суратга олган лавхаларимиздаги қўшиқ видео орқали тезда тарқалиб, қўшиқ оммалашди. Хали тайёр қўшиқ беришимизга улгурмай, хаммаёқда Юлдуз опанинг "Это злободневная песня" деб  бошланадиган тури жаранглай бошлаганди. Ютубда  хам хозир бу видео 300 мингдан зиёд кўрилган ва кўрилмоқда хам. 

Кейинига бу қўшиқ муаллифи сифатида гўёки кашф этилган янги шоир ва унинг альбом тақдимотидаги баландпарвоз сўзлари (альбом тақдимотидан кесилмаган ва тўлиқ туридаги видео) билан боғлиқ воқеалар бўлди. Бироз вақт ўтмай эса, асл муаллиф топилгани хамда бу холат аниқланиш жараёни видеоси яхшигина шов-шувга сабаб бўлди.  

Хуллас, "Девоналармиз" қўшиғи номидек, қўшиқ атрофида росмана девоналиклар бўлиб ўтди десак хам бўлади. "Девоналармиз" қўшиғи тарихи билан боғлиқ видеоларга якуний ва расмий нуқта қўйиладиган кун хам келди.

Тайёр клип сюжет тарзида суратга олинган бўлиб, ўзида ўткир сюжетли мини-фильмни мужассам этган. Реал хаётда ака-ука бўлган  Умид ва Мухаммад Али Искандаровлар бу клипда хам ака-уканинг тақдирини намоён қилишади.

 "Девоналармиз" қўшиғи клипдан фарқли ўз ичига кенгроқ фалсафани олиб,  оқибатга боғлиқ мавзуда тингловчига турфа тарзда мурожаат қилган бўлса, клип ижодкорлари уни мохиятини  ихчам  ва бир воқеа тарзида тақдим қилишган.

Клипни ўзингиз томоша қилиб бахо берарсиз.

Ютубда томоша

Майтуб тасиксда томоша

Тасиксдан сифатли турини кўчирмоқ 200мб