Мухтарам Президентимизни  оламдан ўтгани эълон қилингач, Республикада   3 кунлик мотам эълон қилиниб, барча кўнгилхўшликлар чекланди. Ўзи рости халққа кўнгилхушлик сиғмадияму бироқ артистларимиздан айримлари шу кунларда ўзини тия олмай халқ ғазабига учрай бошлади.

6-сентябрьгача давом этган мотам пайти  бир икки артистлар инстаграмда танишларини таваллуд айёмлари билан табриклаганида халқдан шунақанги хақоротлар ёғилдики.  

5-сентябрь куни танишини таваллуд айём билан табриклаган ва   кўнгилхушлик акс этган суратни қўйган  хонанда Достон Убайдуллаев хам  бундай камситиш ва хақоротларга кўмилди. Абдулла Қурбонов сахифасида хам буни кузатиш мумкин эди.  Эртаси  куниёқ  Достон Убайдуллаев суратни ўчириб ташлади. 

Энг катта жанжал эса сўнгги пайтлар шахс сифатида номақбул репутация сохибасига айланиб бўлган хонанда Лола сахифасида кечди. Таваллуд /4-сентябрь/ айёмини халққа эълон қилган хонандага мотам кунини эслатиш билан биргаликда мухлислар Тамилани суратлари тарқалганида тарафкашлик қилган Лолага, ўз устози Руслан Шариповни суратлари тарқалганида уни тарафини олмаганини хам эслатиб ўтишди.

Сиёсатдан йироқман дея бахона қилган Лола изохларда сиёсий дебатларни ўчиришга имкони йўқлиги сабаб Президент ўлими билан боғлиқ таъзияни ўчириб ташлаганини айтиб, таваллуд айёмини шахсий худудида нишонлаб, кенг оммага мотам пайти байрамини ошкора қилишдан тийила олмаган бу хонанда,  Руслан Шарипов ва Тамила воқеаларидаги ўз фикрига зид иш тутганлиги хақида табиийки чурқ эта олмади.

Хаётда деярли умуман таниш бўлмаган Тамилани тарафини олган Лола негадир ўз устози Руслан Шарипов сурати тарқалганида ёнини олмаганлиги биз тарафдан ўз фикрларига зиддият дея бахоланиш бўлса, халқ   ўз бахоси билан хулосасини чиқариб олар. 

Қизиғи Тамила билан боғлиқ машмаша пайти унинг изохларидаги ОАВга нисбатан бўлган хақоротларни кўриб била туриб ўчирмаган Лола негадир Президентга билдирилган таъзияга ғалати бахона топгандек. Билмасам, мухолиф сайтларда хам изохларда фақат Президентимиз шаънига ижобий фикрларни кўргандик. Негадир сиёсий арбоб хам эмас, депутат хам эмас оддий бир хонанда бўлган Лоланинг изохидагина сиёсий дебатлар  бўлибди...

Ёдингизда бўлса Тамила билан боғлиқ воқеага эътироз билдирганимда унинг тарафкашлари Лола ва Азиза Низамова хақида мақола битиб бекорга эмаслиги хақида тахмин қилгандим. Тахминлар ростга ўхшайди чоғи, зеро шу кунларда гўёки Азиза Низамова дея айтилаётган қизнинг кети очилган сурати тарқалиб айрим сайтларда, хусусан бизга юборилган суратларга кўра  "шок" сайтида  у экани тахмин қилинмоқда.

Касбидаги ижодий омадсизлигидан шахс сифатидаги тарафлари орқали пиар ва реклама билан қониқиш билан  мавжудлиги ўтаётгандек  бу хонандаларга аллақачон расмийлар чора кўриши пайти келган. Зеро ОАВ уларни танқид остига олишдан чарчади. Фойдаси йўқ, айтганимдек фойда фақат шахс сифатидаги НОМини долзарбликда ушлаш уларга овунч ёки бошқа бир балки шахсий хаёти учун манфаат нажоти бўлиб қолмоқда. Унда бу МАДАНИЯТни тарғиб этган касбда қолишликдан нима фойда?   

Мотамга келсак, хар бир инсоннинг шахсий байрами  ва ўзга мотамга балки алоқадормасдир бироқ юртнинг илк Президенти оламдан ўтгач хеч бўлмаса шу мамлакат фуқаролари оғриғини хурмат қилиш қийинми? Бу нафақат юртбошимиз хурматига балки халққа тупуриш эмасми?

Шахсий байраминг бўлса унда шартми кенг оммага инстаграм орқали байрамини нишонлаётганини кўз-кўз қилиш? Атай бўлмаса, кенг оммага қилинилмайдику ё адашдимми? Халқимиз менталитетига оёқ қўйиб оёғидан то истаган еригача очиқлаётган хонандамиз энди менталитетимизни хурматига хам тўлақонли тупураётгандек. 

Профильни беркит ва шахсий оиланг қолсин унда, нима кераги бор  юз минглаб одамларни йиғиб, уларга истаганингни кўрсатишинг ва танқидга жавобан бу шахсий профиль дея бахона қилмоқ? Шахсий профиль у БЕРК бўлиб фақат ШАХСИЙ доирангдагилар учунгина бўлса ШАХСИЙДИР!

Кенг оммага очиқ ойдин қилинаётган барчаси учун жавобгарсан!

Қачонгача халқимиз менталитетига оёқ қўйиб тупуришигача жим қаралади?! Шахар бедарвозами?!