Barchmizga qurbon xayiti muborak bo'lsin

Biz mansub bo’lgan Islom dinining moliy ibodatlaridan bo’lgan qurbonlik, buyuk Allohning ne’matlari uchun shukr etishimiz va uning yo’lida fidokorlik qilishimizning bir nishonasidir. Qurbonlik diniy bir ibodat bo’lishdan tashqari, ayni vaqtda uning axloqiy, ijtimoiy va iqtisodiy ahamiyati ham beqiyosdir. Qurbonlik shu jihati bilan ham Islomdagi o’zaro ijtimoiy yordamlashishning go’zal bir namunasini tashkil etadi. Qurbonlikdan maqsad, Alloh roziligini topish. Bu maqsadning amalga oshishi esa kibr va riyodan uzoq bo’lib, samimiyat va ixlos bilan qurbonlikni ado etishga bog’liqdir. Bo’lmasa, Allohning na qurbonlik go’shtiga, na qoniga ehtiyoji bor. Qur’oni Karimda mavzuga doir aytilganki:

ﻠﻦ ﻴﻧﺎﻞ ﺍﻟﻟﻪ ﻟﺤﻮﻤﻬﺎ ﻮ ﻟﺎ ﺪﻤﺎﻮﻫﺎ ﻮ ﻟﻛﻦ ﻴﻧﺎﻟﻪ ﺍﻠﺗﻗﻮﻯ ﻤﻧﻛﻡ ﻛﺬﻟﻙ ﺴﺧﺭﻫﺎ ﻟﻛﻡﻟﺗﻛﺑﺭﻮﺍ ﺍﻟﻟﻪ ﻋﻟﻰ ﻤﺎ ﻫﺩﺍﻛﻡ ﻮ ﺑﺷﺭﺍﻟﻣﺤﺳﻧﻳﻥ

“Allohga (qurbonlik) go’shtlari ham, qonlari ham yetmas. Lekin, u zotga sizlardan taqvo yetar. Alloh sizlarni hidoyat qilgani sababli – U zotni ulug’lashingiz uchun – ularni sizlarga bo’ysundirib qo’ydi. Ezgu ish qiluvchilarga hushxabar bering!” ( Haj surasi, 37-oyat ).

“Qurbonlik” – lug’atda yaqinlashmoq, istilohda esa Qurbon hayiti kunlarida Allohga ma’naviy yaqinlashish maqsadi bilan so’yilgan hayvonga (jonliqqa) berilgan nomdir. Qurbonlik hijratning ikkinchi yili Madinada shar’iy qilingan. Buyuk Allohning ne’matlari uchun shukr etish, Haq yo’lida fidokorlik qilish, moddiy imkoniyatlari yo’l qo’ymagan kimsalarning ma’lum bir vaqtlarda bo’lsa ham, go’sht yeyishlarini ta’minlash, pirovardida savob olmoq va bir qancha balolardan asranmoq kabi diniy, axloqiy va ijtimoiy maqsadlarga yetishish qurbonlik shar’iyligining hikmatidir.

Qurbonlikning tarixi. Qurbonlik ibodatining tarixi juda qadimiydir. Bugungi ko’rinishi Hazrat Ibrohim alayhissalom va o’g’li Ismoil alayhissalomga borib taqaladi. Hazrati Ibrohim bir kuni o’g’li Ismoilni qurbonlik qilayotganini tushida ko’radi, bu – ilohiy vahiy edi. Hazrati Ibrohim vaziyatni o’g’liga tushuntiradi, o’g’li ham bunga tayyor, rozi ekanligini bildiradi. Hazrat Ibrohim o’z farzandlarini Alloh yo’lida qurbonlik qilishga tayyorlanayotganlarida Janobi Haq ularning bu samimiyatlari va taslimiyatlari sababli Ismoilning o’rniga so’yish uchun bir qo’y yuboradi. Hazrati Ibrohim Ismoilning o’rniga bu qo’yni qurbonlik qiladi. Qur’oni Karimda bu haqda aytiladi:

“ Bas, qachonki u (otasi) bilan birga yuradigan bo’lgach, (Ibrohim): “Ey, o’g’ilcham, men tushimda seni (qurbonlik uchun) so’yayotganimni ko’rmoqdaman. Endi sen o’zing nima ra’y (fikr) qilishingni bir o’ylab ko’rgin”, degan edi, u aytdi: “Ey, otajon, senga (tushingda Alloh tomonidan) buyurilgan ishni qilgin, meni sabr qiluvchilardan topursan”.Bas, qachonki ikkisi ham (Allohning amriga) bo’yun sunib, (Ismoilni qurbonlikka) peshonasi bilan (yerga) yotqizgan ediki, Biz unga nido qildik: “Ey, Ibrohim! Darhaqiqat sen tushni tasdiq etding. Albatta, Biz ezgu ish qiluvchilarni shunday nukofotlaymiz”.Albatta, bu (qurbonlikka buyurishimiz) ayni sinovdir. Biz Ismoilning o’rniga katta qo’chqor so’yishni evaz qilib berdik. Keyingi (avlodlar) orasida u Ibrohim haqida yaxshi gaplarni qoldirdik. Ibrohimga salom!Biz ezgu ish qiluvchilarni mana shunday mukofotlaymiz! Darhaqiqat, u bizning mo’min bandalarimizdandir”. (As-soffat surasi, 102-111 oyatlar)

IYA RASMLANI KO`PAYTIRIN CHET ELDIGI HAM YURTLARIMIZA KUTISHVOTGANDIR KOTTA KOTTALARIDAN QO`YIN

barcha mo`min musulmonlardi qurbon xayiti bn tabrikleman

HUrmatli vatandoshlar dindoshlar, hammangizni iyd qurbon hayiti bilan muborakbod etaman.

Qurbon hayitila muborak bulsin !!!

Курбон хайити муборак бусин!!!