"Келганда келин-2, Анжанча мухаббат" премьерасидан. Фото/Видео - 21 Октября 2011

"Келганда келин-2, Анжанча мухаббат" премьерасидан. Фото/Видео TV | Teatr, Kino.uz

20 октябрь Алишер Навоий Санъат саройида режиссер Рустам Саъдиевнинг "Келганда келин-2" Анжанча мухаббат фильми премьераси бўлиб ўтди.
"Олтин гепард" кинофестивали остида ўтган бу премьерада хам худди кинофестиваль очилиш маросими каби қизил гиламлар тўшалди.

Кинофестивальнинг расмий очилишига қараганда бу фильм премьерасида микрофон хам колонка хам бўлиб қизил гиламлардан ўтаётганларни микрофондан айтиб туришди.

Фақатгина бир жойида адашганини айтмаса албатта. Убайдулло Омон ва Мурод Ражабов ўтаётганида улардан кейинги келаётган режиссер Рустам Саъдиев, Дилноза Кубаева, Улуғбек Қодиров ва Дилниёзлар эълон қилиниб юборилди. Кейин эса хатони кетидан тўғирлаб кетишди.

Яна бир катта фарқи кўчадаги эълондан тортиб ичкаридаги премьера хам соф ўзбек тилида ўтди.

Кўчада қизил гиламлар олдида сахна хам ташкил этилиб хонандалар куйлашди.
Тақдим этадиган видеода қизил гиламлардан ўтганлар ва ичкарида сахнада хам куйлаганларни кўришингиз мумкин.

Фильмдан кейинги томошабинлар фикри:

Насиба 21 ёш Тошкент, талаба:- Манга ёқди, қизиқ қилинган. Фақатгина Сандра Баллок иштирокидаги хориж фильми бўлган "Предложение" фильмини эслатиб юборганини айтмаса қизиқ, Кубаева хар галгидек ўз ролини аъло даражада ижро этган. Отаси йиғлаган сахнасида кўзимга ёш келди. Таниш ва оғриқли сахна, ажойиб ишланган сахна.

Комол 31 ёш тадбиркор:- Рустам акани фильмлари хамиша томошабинбоп, шунинг учун хам хамиша премьералардан қолмайман, фақатгина сўнгги пайтлар сок ишлаб чиқариш фирмасини фильмда иштироки ғалати туюлмоқда. Эр бермоқ жон бермоқ фильмида хам воқеалар сок ишлаб чиқариш заводида бўлади, бу ерда хам шундай. Келгинди келин эмас аслида эр бермоқ жон бермоқ фильмини давомидек туюлди. Фильм хомийси бўлса тушунарли лекин бу фильм неча йилга турадику, демак бир неча йил бир кунлик хамкорни реклама қилиш учун менимча бу завод шахсий бўлиши керак, тағин билмадим. Андижонча рақс кутилмаганда одамга бошқа бир рухият тақдим этди. Адашмасам фильм фишкаси хақида сайтингизда ўқигандим, шунга мос менда хам фикрлар.

Шахноза 19 ёш, талаба: - Дилниёз янги чехра ўз ролини яхши уддалаган, опера сахнасига беш кетдим овози ўткир йигит экан, Андижон манзаралари ажойиб, Андижонни бундай тасаввур этмагандим, энди бир бориб сайр қилиш истаги туғилди.

Жасур 25 ёш аудитор: - Оила билан кўрадиган кино бўлибди. Охирги пайтдаги бемаза фильмларни оила тугул одам ўз хотини билан кўролмайдиган бўлган, бу фильмни эса бемалол оила даврасига тавсия қиламан. Фақатгина фильмдан ортиқча рекламаларни олиб ташласа бўларди, фильм бир соатлик сок рекламаси бўлиб қолгандек. Кейин Дилнозани овқатни отиб юбориш сахнаси жуда хунук, мехрибончилик уйи учун овқат ўтмай отиб юбориши жуда бўрттириб юборилган, тарбиявий ахамиятга эга лавха қиламан деб ошириб юборилганлиги яққол сезилган. Барно исмли персонаж менимча жуда ортиқча, юқорида айтганимдек бачкана фильмлардаги фарқни биргина шу персонаж борлиги ажратмаяпти. Рустам акадан шу нарсаларни эътиборга олишларини илтимос қилардим, чунки у халқ севган режиссер, бир кунлик хамкорлик учун халқни истаги сокка ўтиб режиссердан кўнгли қолмаслиги мухимроқ бўлса керак.
Умуман дискка чиқишини кутмай оилам билан яна келишим мумкин бўлган фильм бўлган. Кейин Андижондаги воқеалар хорижда суратга олинганми деб ўйланиб қолдим, жуда гўзал жойлари бор экан, мана шундай бошқа вилоятларимизни реклама қилиб кўрсатишга арзийди. Фильмдан Андижонга бир боргим келди.

Лазиза тайёрлади.

Сурат ва видеолар: Феруза ва Саида.

Премьерадан видеони :

Ютубда томоша қилмоқ

Майтуб тасиксда томоша қилмоқ

21-Окт-2011 05:38

Бўлим: TV | Teatr, Kino.uz | Чоп этди: Sayyod | Тег : Kelgindi kelin-2 filmi

ТЕГИШЛИ МАВЗУЛАРДА:

Кинорақобат: "Келгинди келин-2" ёки "Нафс?"

"КелгАнда келин-2" Анжанча мухаббат фильми ёпиқ премьерасидан

Порядок вывода комментариев:

Ёқдими?